Hosea 9:12 - Godigo dwagi yai po buku

¹² “Tiali goli, te mebago wai elalubaso da, teda te wai dabe eno ela mueibao, tama eno te me deli sula tagalama, elalumainu me egobeo. Eno te we bidi tagalobo sogo, te dwai nai haniani augwaliba pedelaibao,” Genuai Bidigo te po wai dao.

Hosea 9:12 Referans Kwoze

Hosea 7:13

“Odiąo. Te augwali dolomainu yaibao. Augwaligo ena tagalama, te enaba hagoma yali. Tama tibaso, eno augwali dolaibao,” wali. “Hasia bolo eno augwali tau sainu yali, tiali goli augwaligo tibo kolesaga enaba yalio.

Hosea 9:16

Te Israel dabego wai ame nabo usu isąwaibao, augwali te ni me deli te ni sele ąį wa pelama, te nai walisąbo tiwai yaibao. Tialima, te mebago wai ame nobaso da, teda augwaligo te godolo homu mu ebo wai dabe te eno ela muaibao,” te po wai dao.

Bomai Po 32:25

Tama genuai wąbi hwįbo si asobo suaibao. Te tama tialima, augwali sunumide bidali da, te boi bidi dabego augwali elama, isilaibao. Tialima, augwali bede geme dualaluyu da, augwali wi dwai mu yaibao, tama augwali me isaibao. Te boi bidi dabe augwaligo augwali sese tama ela isila silaibao, te gesi bidi, me gesi wegi, me wai bǫų dabe, me polo monu dabe me ela silaibao.

Bomai Po 31:17

Te augwaligo te tama tibo sogo da, teda eno augwali sębę dwai mu yaibao. Tama tibaso, eno augwali tagalama, tama augwali tudi ola mawaibao. Tama augwali mu dolaibao, tama dwai sę dabe hauwa mu augwaliba pedelaibao. Tama augwaligo te po waibao, ‘Te God da dali bidibe yali bogo, tama te dwai sę dabe daba te pedalobo yabao,’ te po waibao.

Hosea 9:13

Tama Hoseago te po wali, “Genuai Bidi, eno suali, hasia bolo te taun Tair te dwagi yai madi mu te bidaluali, tiali goli nosali te boi bidi dabego augwali dolagasai dao. Tama eno suali, te tobage sę te Israel haniba me pedelaibao, te boi bidi dabego te Israelgo hani wai dabe pobeasa biliyu, ela muaibao, te eno sualio,” po wai.

Te We Bidi Dabego Jerusalem Hagede Gela Wali 2:20

Jerusalemgo e tama gedu haluasa po wali, “Genuai Bidi, nago te naga hani digi muba te yali te dene mabo sę suao. Te we dabe sibi augwaligo augwa wai bǫų dabe godolo mu eyu, negeyu yai dao. Tiali goli, megi da, augwaligo augwa te wai bǫų dabego tigi tubao. Tama te boi bidi dabe augwali naga digi tempel be tomoba pelama, tama tede augwaligo naga pris dabe, me profet bidi dabe, ela silali dao.

Jeremaia 15:7

Eno te tigidali we bidi te taun Judade selama, te augwali eno ela gudulali, te waligo wit wali hogomu sela sąbo tiwai yai. Eno ena we bidi dabe dolama, te augwa wai dabe ela muani, magi baso meni, augwa dwai kolesaga ebo me tagalobeo.

Jopgo Po Asęani Elalubo Buku 27:14

Te bidi dabego wai puluba hauwa elalubaso me tagalao, te boi bidi dabego augwaligo wai bǫų elama, isilagasaibao. Tama augwaligo hani da, tigidali sogo nai menia siduaibao.

Te Israel me Juda Hani Sigo Tuni Bidigo Po Elalubo Buku Si 17:23

Tama nosali te Genuai Bidigo augwali hagela mu ebaso, tama augwali aga pąde me bidisiąmainogo eyu, agai augwali te gasa buluba bidigi pomainu digibulu mu sela sąyani. Genuai Bidigo tama tiali, magi baso meni, te Israel hani bidi dabe augwaligo te tigidali po agai te aga sę bidi profet bidi dabego pedauwalidu ola mani podu wali pabe, te profet bidi dabe te aga sę ebo bidi dabe dao. Tama tibaso, te Asiria hani augwali asama, te Israel hani dabe dali boi hwįagaselama, te Israel hani augwali aiyaba elaluali, tama augwali te Asiria buluba odasa pali. Tama augwali te bulude me bidibao. Te gasa hani we bidi dabe augwali asama, te Israel hanigo buluba bidagasali.

Te Israel me Juda Hani Sigo Tuni Bidigo Po Elalubo Buku Si 17:18

Tama Genuai Bidigo te Israel hani dabe augwali dali agai sębę genuai mu me eyu, tama agai te Israel hani subo hagela mu yali. Tama tibaso, agai augwali augwa aga dali bidali buludu digibulu mu sela sąyani. Tama te Israel hani bidi dabe me deli te bulude me bidibe. Te Juda hani augwa naga te augwa tǫde bidali.

1 Samuel 16:14

Te sogo te Genuai Bidigo Mobo Bidigo te Sol tagalu, tama Genuai Bidigo te dwai haubo mobo me deli te Sol agaba tagala palama, tama aga homu kolesaga dolama, tama aga wi dwai ilali.

Te Israel Tobolu Bidi Dabe 4:16

Barakgo te karis dabe me te ami bidi dabe dali pobeasa pidubadi, te Haroset Hagoim teba tagaligi pali. Tama Barakgo ami bidi dabego te Siserago ami bidi dabe tigidali ela silali. Te deli digi me bidibeo.

Bomai Po 28:32

Tama dagego olo gedugo naga tonalubadi yaide, te gasa kantri bidi dabego duga wai puluba dabe selasa paibao. Tama tigidali sogo dage duga wai puluba ma asogowe weyu, tonaluyu yaibao, tama dagego te sunumidu gedu pomonama tonaluyu yaibao. Tiali goli, dage olo dali tonalubadi, dagego gedu olo dali dene yaibao. Tama dagego wai puluba ma oda sainogo dagego magi sę me egobeo.

Israel Hanigo Namba 26:65

Polobadu Genuai Bidigo augwalibolo te po walai dao, “Te bidi dabe augwali sese te nai meni yai bulude isila paibao,” po wai dao. Tiali goli, Jefunego ogwa Kalep, de Nungo ogwa Josua augwali si digi te isibeo.

Jeremaia 6:8

Jerusalem, nago po odao. Te meni baso da, te eno nage tudiba muaibao. Te eno nage te olo bulu pesage tiwai pedalumainu ilama, te nagede bidi deli me bidibo usu egobeo,” wali.

Malakai 2:12

Te Genuai Bidigo te kolesaga ebo bidi dabe te sela sąyu, te da Israel hani tomode bidimainu me elamuo wali. Tama tiyu, augwaligo te Tigidali Bomo Elalubo Genuai Bidiba te ofa sela pigio wai dao.

Israel Hanigo Namba 14:34

Dage te buluba biligi pelama, te bulu susa bilali te bidi sese si 40 bubugade susa bilai da weyu. Tialima, dagego dwai sę yali te sęgę te kibu be bidi sese si te 40 kibu bede te dagego dwai sę yali te wei ponaibao. Eno deli kibu be te dage te bulude bilali deli deli bubuga usu naibao. Tama te tibogo dagego konemainu yaibao, eno te po sela sąbo kolesaga hagela ebo dagego koneaibao.

Bomai Po 28:18

“Godigo dage dali dwai sę elama, tama dagebolo wai bǫų dabe hauwa me magobeo. Tama dagego gi dabe mu dwai mu yaibao, tama te kau kibu me sipsip kibu dabe hauwa me ame nogobeo.”

Te We Bidi Dabego Jerusalem Hagede Gela Wali 2:22

Nage sębę mu elama, tama nago te boi bidi dabe tigidali badu i olama, tama augwali aselama, ena dali dwai sę yali dao. Tama boi bidi dabe hauwa mu asai dao, te we bidi dabe te lotu wabo genuai sogo asobo tiwai yalio. Tialima, boi bidi dabego eno we bidi sese ela silali, tama eno we bidi me deli wi sana peyu, te augwaliba pedelali sę po pusabo bidi mu menio. Eno ena we bidi godolo mu yai dao, tama eno augwali bugagia mu tonaluai dao. Tiali goli, megi da, te boi bidi dabego augwali megi mu silalio.” Te Jerusalem hanugo te gedu haluasa po wali.