Hosea 9:10 - Godigo dwagi yai po buku

¹⁰ Genuai Bidigo te po wai, “Hasia mu eno dage Israel suali, te dwagi yai mu elaluali, te bidi me deligo te wain ni te wa pai tǫde pedelama, te nai walali subo tiwai yali. Dagego te wąį nǫų dabe augwali te podolali hani wai te ni kaya fik te tau hasia ebo tiwai yai, dwagi yai bidali. Tiali goli, nosali augwali te bulu du Peorba sabolali sogo, tama hasia sogo augwaligo te tibo god Balba lotu wali, augwa te tibo god godolo mu elama, tama augwali dwai pedelali, te Bal tiwaigo mu pedelai dao.

Hosea 9:10 Referans Kwoze

Hosea 4:14

Tiali goli, te eno augwaligo ebo dwai kolesaga wei me ponogobeo,” wali. “Magi baso meni, dage bidi dabe duga digi me te tibo godigo lotu beba te penani ebo we dabeba pabo dao. Tama dage augwali dali deliba sisinama, tama te tibo godiba ofa ebo dao. Tama eno po dolo dageba te tiwai wali, ‘Dage te we bidi te wiegi yai homu kolesaga elalusiąbo we bidi, te dage dolaibao.’ Eno te po wali.”

Jeremaia 11:13

“Tegoba! Dage Judago, te dagego tibo godigo namba dabe te dagego taun dabego namba tobage tiwai elalubao. Te dagego wiegi yai denami yabo ofa te Balba yabo alta hauwa nigibao, te hale ebo god dao. Te alta dabego namba te Jerusalem sunumi dabego namba tiwai si elalubao.

Maika 7:1

Hobede ya, ena dwai mu bidibao. Ena te nasi ebo bidi tiwai elama, te tuabo wiegi yai nedu du me deli gegebeo. Te tigidali wain ni du me, ni kaya fik du me, augwa te tigidali sela silalio.

Hosea 2:15

Te eno te wain gi dabe agaba ma menama, tama eno augwaligo te odogo nogi yali pesage Te Dwai Sęgę nogi poali pesage te hasegelaibao, tama te wiegi yai nai pedalubo pesage pedelaibao,” wali. “Te pesagede agai te eno po wali peyu, te aga gesi wegi ogwa wede te Isip tǫ taga soyu asali sogo tiwai kolesaga yaibao.

Esekiel 20:8

Eno augwaliba te tama po walali, tiali goli te bidi me deli mego te po me odobeo. Menio. Tigidaligo eno po sela sąyu, tama augwaligo te Isip dabego tibo god dabe sela sąbeo. Tama tibaso, te augwali Isipde bidali sogo te eno haliga sębę dwai mu augwaliba eyu, te pąde eno haliga sębę yali usu nama, augwaliba te dwai dene magi dao.

Amos 4:5

Tegoba, dagego te eno bomai po boloyu, dagego te yis elalubo bret enaba ofa eyu, te buba hwi wabo ofa tiwai yao. Te dagego duga homugo enaba ofa yainu, te nai hauwa sesebo sogo, tegobao, tebode duga digi duga nogi ugwaba sobao. Dagego te tama tebo tobage kolesaga wei homu ebo dao,” te po wali.

Hosea 11:1

Genuai Bidigo po wadolama weyu, te tiwai wali, “Te Israel dabe te dwasianu ogwa wai tiwai digi, eno aga godolo mu elama, te eno aga i olama, te Isip taga soao olama, te eno ogwa bidalio.

Jeremaia 31:2

Ena Genuai Bidigo, eno te po obao, te Israel dabe te boi bidide wi pelama, te masigi tǫ kemi bulude bidali. Tialima, eno augwali godolo elama, te eno augwaliba wiegi yai sę ebaso, te augwali toma nabo buluba soaibao,” wali.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Aisaia 28:4

Nage te nai wai bulabo tǫde te dwasianu bulu du elalubo madi nage te bidibao. Tama nage sawi yai plaua bono tiwai elalubo ąǫ te ebao. Tiali goli, nage te plaua bono mobia pelama, dobo tiwai yaibao. Tama nage deli sogo tama silaibao, te ni fik du me deli hasia tau ebo tiwai, tama bidi me deligo sulama, polo sela tubo tiwai yaibao.

Godigo Nogi Ugwaba Sabo Tęąbi Po Wabo Buku Dabe 81:12

Tama tibaso, eno te augwa hagoma ebo kolesagade wali bilimainu sula tagalali, tama augwa te mena augwa homugo ela palio.

Te Israel me Juda Hani Sigo Tuni Bidigo Po Elalubo Buku Deli 16:31

Agai te sęgę sali te king Jeroboamgo sali sęgę tiwai agai me sai, tiali goli agai homugo te da olo bage da homu yali. Tama teyu, agai te we Jesebel sai, te Saidon hanude bidali king bidi Etbalgo wegi sali. Tama agai te tibo god Balba lotu po wabo gagalali, te Saidon hanigo tibo god.

Te Israel Tobolu Bidi Dabe 6:32

Te sogo gagalasa, megi e sogo usu nagasu, te Gideongo gesi nogi elaluali Jerubal, magi baso meni, Joasgo tama po wali, “Te Bal aga digi aga tau somainu yao,” wali, “te magi baso wabe, augwaligo te togolama te dolali alta te Bal aga digi nogi elalubo alta dao,” po weyu, agai te tiwai po wai dao.

Bomai Po 32:17

Augwaligo bulu howa bidiba dabe ofa eyu yali, te augwaligo polobadu lotu wasiąma yai. Tama augwaligo gesi god dabe wali pali, te augwa wąį dabego polobadu dologode elalusiąma yai goli. Te tobage nai dabe te god mu menio.

Bomai Po 32:10

Te Israel dabe augwali polama, augwali subigila bilaluali, te masigi kemi sane dwai bulude, me te wali genuai ebo bulude bilali. Tama Genuai Bidigo augwali gegelama, augwali oda selama, tama augwali tau sali. Tama agai augwali tonaluali, te aga digi aga tonalubo tiwai yali.

Bomai Po 4:3

Genuai Bidigo te bulu du Peorde yali sę duga digi polo te suali dao. Te bulude te dage tomode bidi hauwago te tibo god Balba lotu wali, tama Godigo augwali sese tama dolalio.

Israel Hanigo Namba 15:39

Tama dagego te bono dage subo sogo, dagego eno dagebolo mani bomai po tigidali ma koneagameo. Tama dagego te bomai po wali piagame. Tama tiyu, dagego ena gegeda pelama, duga homugo bilama, dwai sę dabe me egobeo.

Polgo Po Pas Rom Dabeba Asęani 6:21

Tialima te dwai sę ebode dagego magi nai saliwe? Woo, te megi te sęde dage hale ebo dao. Te kolesagago te bidigo noma isibo sę naga pedalubo dao.

Godigo Nogi Ugwaba Sabo Tęąbi Po Wabo Buku Dabe 115:8

Eno homugo te bidi dabego te tibo god nigibaso, augwali te augwa tibo god tobage tiwai nigali god dabe pedelaibao. Tama te tibo god dabeba homu kęą pabo we bidi dabe, augwali me te tiwai pedelaibao.

Jeremaia 3:24

“Tiali goli, dago te Balba lotu wali, te hale ebo god dao, tama te tebo kolesagade dago tigidali sipsip, me bulmakau, me wai ogwa dabe, me wegi dabe, me te tigidali wiegi yai nai te wąį nǫų dabego sę dene elama sali nai tigidali odolali sisai dao. Tama te tibo god Balgo te nai dabe sese dalama tuali. Dago te kolesaga te da gesi ogwa bidide gagalama yali, te megi e sogoba usu nagasobao,” te po wali.

Jeremaia 24:2

Me basketde te ni kaya fik du wai wiegi yai mu elaluali, te ni fik du te gide polasa inawai elalubo tiwai yali. Te gasa basket wa mede te ni kaya fik du wai te dwai mu elaluali, te bidigo tuabo ąǫ isąwai dao.

Hosea 4:18

Augwaligo te bidi dabego augwalide dwagi yai homu yao, te homu me ebeo. Menio. Augwaligo te hale ebo kolesaga naga godolo ebo dao. Tama tiyu, augwa te ąį hauwa tulama, tama gęǫ page yali, tama nosali augwa penani ela palio.

Israel Hanigo Namba 18:13

Te hasia tau yali nai dabe te Israel dabego enabolo maiabo nai, te dagego dao. Te tigidali dage hani we bidi eno gedude wiegi yai dao, te augwaligo selama tumainao.

Te Israel me Juda Hani Sigo Tuni Bidigo Po Elalubo Buku Si 17:11

Tama augwaligo te bulu dude lotu po wabo pesagede tama augwaligo te tǫde polobadu bidali we bidi dabego lotu po weyu yali kolesaga tiwai delidu wali pali, tama augwaligo te dwagi yai hano holama, denami ebo pauda siaba uluyu yai. Te Israel hani dabe augwaligo te haniani dwai kolesaga ebaso, te Genuai Bidi Godigo moni sębę mu yali.

Solomon 3:6

Magi naigo te wa pai bulude bidali tagalama, asaliwe? Augwaligo te denami wiegi yai ebo tobage plaua dabe ulubo sogo pedalubo hano tiwai nai pedelali. Te aga denami ebo te bisnis bidi dabego te mone sabo paudago denami ebo tiwai yali.

Jeremaia 3:25

“God, Genuai Bidi, da me, dena wąį nǫų dabe dali, dago te nageba dwai sę yai, te da gesi ogwa bidide digi usu nama, megi sogoba usu nagasobao. Dago nago po wali me pisąwai. Tama tiyu, da dwai hale mu selama, te gesabidi tǫba mu mugulaibao,” wai.

Hosea 13:5

Dage te kemi tǫ wa pai bulude bidali sogo, eno dage bugagia mu tonaluai dao.