Hosea 7:15 - Godigo dwagi yai po buku

¹⁵ Mu tama, ena digi eno augwali tau sali, te augwali genuai elama te dili emainu ilali, tiali goli augwaligo te enaba dwai sę wei ponabo po mia salio.

Hosea 7:15 Referans Kwoze

Nahum 1:9

Dage boi bidi dabe, dagego te Genuai Bidiba magi dwai sę yabo po mianiwe? Dua dao, agai te dage tigidali silimainu yaibao. Te bidi me deligo si sogo hagoma ebaso usu egobeo. Mu menio.

Kraisgo Geme Dualali Sę Pedelabo Po Jonbolo Ola Mani 3:19

Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

Hibru 12:5

Te Godigo dagego homu bugagia dąų walomainogo bomo mayu wali po te dagego homugo gegeda pai dawe? Agai dage te aga wai da olama nogi ilama, tama agai te po wai, augwaligo te bukude asęani, “Te eno waio, te eno nage dodolobo kolesaga me deli nagebolo ebaso da, nago homugo te olo nai tiwai da me wagio. Nago geda muani kolesagade bugagia kone palao. Te eno sęgę nagebolo mayu te nage dodolobaso da, teda nago homu me dolamu dao.

2 Korin 10:5

Dago augwaligo da dali konila po wabo page pedeyu, tama augwaligo wabo po aiyaba mu elalubo dao. Tama tigidali kolesaga ugwadu mu dolaluyu tama te God koneainogo homu ebo bidi dabego tų palialubo, te me dago hųgibo dao. Tama da tigidali bidigo homu kolesaga dago kalabus ilama, te Kraisgo homu kolesaga wali pomainogo ebo dao.

Polgo Po Pas Rom Dabeba Asęani 1:21

Magi baso meni, augwaligo God koneali goli augwaligo aga te God mu da te homu me isąyu, tama augwaligo aga nogi ugwaba me sabeo. Tama augwaligo gedu haluasa po weyu agaba puba hwi me wabeo. Menio. Te augwaligo augwa homu kolesaga te olo naiba muani, te augwaligo God gegeda peyu, tama augwaligo homu te be hulia sabo tiwai pedalai.

Godigo Sęba Tagala Palai Bidigo Po 4:25

Dago wąį Devit, nago sę bidi, tebolo nago Dwagi Yai Mobogo po me deli e tama po wai. Te po obaso, Devitgo te po wai. ‘Gasa bidi hani magi baso moni sębę yaliwe? Te bagego te sę usu isąwai, augwaligo magi baso hwįgi pabo homu yaliwe?

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Bugagia Bidibo Kolesagade Po Asęai Buku 3:11

Waio, te Genuai Bidigo nage dodolainu ebo sogo, nago wado po olama, te haliga dwai me igio. Agai nagede po elaluyu da, nago aga dali sębę igio.

Godigo Nogi Ugwaba Sabo Tęąbi Po Wabo Buku Dabe 94:12

Genuai Bidi, nago te bidi me deli dodolomainu eyu, nago bomo yai po te bidi ola mayu da, te bidi aga dwagi yai homu emainao.

Godigo Nogi Ugwaba Sabo Tęąbi Po Wabo Buku Dabe 62:3

Ena dali boi homu ebo bage, nisu naga sogo dagego ena dali hwįyu, te ena dolainu ebawe? Dagego homugo ena te obo tomage me deli te tulaluama, te mu togwa pabo tiwai gilama emainu ebao.

Godigo Nogi Ugwaba Sabo Tęąbi Po Wabo Buku Dabe 2:1

Magi baso te Israel hani isąwai we bidi dabego te God dali hagoma kolesaga yabo po mia saliwe? Magi baso te we bidi dabe augwaligo te dwai kolesaga yabo po te odolali po mia saliwe?

Jopgo Po Asęani Elalubo Buku 5:17

“Ma, te Tigidali Bomo Elalubo God agai bidi me deli kolesaga dodolobaso da, teda te bidigo dwagi yai homu yao. Tama megi da, agai nage dodolaiba, tiyu nago aga tudi ola maidali weyu.

Te Israel me Juda Hani Sigo Tuni Bidigo Po Elalubo Buku Si 13:23

Tiali goli, Genuai Bidigo te Israel hani augwali hobede mu yali, tama tibaso, aga bugai homu pemene augwaliba yali. Agai te polobadu te Abraham dali, te me te Aisak ebadi, me te Jekop ebadi, te bage dali te agai bomai po bodolu selama, dąų waliba gogone peyu tama tiali, tama teyu, agai te Israel bage augwali tau selama, tama agai augwali munu me dolobe. Tama agai homugo te Israel hani sela sąnama, tama augwali te aga gesabidide te augwali digibulu bidigi pabo agai hagela homu yali.

Te Israel me Juda Hani Sigo Tuni Bidigo Po Elalubo Buku Si 13:5

Tama Genuai Bidigo te Israel bidi dabe tau sabo bidi me deli dąį ilali, tama te bage augwali te bidigo te Siria hanigo nogode ma dobola sali. Tama tialima, te Israel bage augwali augwa bulude bugagia ma bidali, te polobadu bidali gilama ma bugagia bidali.

Godigo Nogi Ugwaba Sabo Tęąbi Po Wabo Buku Dabe 140:2

Te sesemane sogo augwaligo dwai kolesaga yabo homu ebo dao. Tama te sę edelama, sesemane sogo augwaligo te we bidi dabe tomode konila po hodolama, wabo dao.

Hosea 13:9

“Te Israel dabe, te ena deli naga te dage tau sabo usu yaibao. Tiali goli, dagego hagela ebaso, tama eno dage dolaibao. Tama dego dage tau sogowe? Te bidi dabe menio.