Biblia Todo Logo
Bib sou entènèt

- Piblisite -




Hosea 7:14 - Godigo dwagi yai po buku

14 Augwaligo tibo gedu haluasa po enaba wabo dao. Tama augwali te tǫba degasa dulama, tama te dwai gela te Genuai Bidigo po odisąbo bidi haiden dabego wabo tiwai ebo dao. Te augwaligo nai me wain ąį sainu gedu haluasa po wabo sogo, te augwa digi augwa tigi dabe ge hwągo togobo, te haiden eno po wali pisąbo bidi dabego ebo tiwai ebo dao. Augwaligo ena dali hagoma mu ebo dao.

Gade chapit la Kopi




Hosea 7:14
23 Referans Kwoze  

Tama me sogo dagego Godibolo te nai sainogo po hanalu obadi digi, dagego te nai sabe dao. Magi baso menio. Geda muyu, dagego homu dolo pisiąwai, dwai sę emainogo, duga tigi tobade, duga haliga tobade naga te nai sai hagede te dagego homu dąų ola sabo nai sainu te dagego God te naide hanalu wabo dao. Tiali goli agai dagebolo mabe.


Judago ena tagalama, te dwai kolesaga ela biliyu, tiali te agai haliga munu ma begelama, enaba ma begasa asobeo. Menio. Agai haliga tibo begelainogo ebo tiwai yagasali. Ena Genuai Bidi, eno te po wai dao,” wali.


Augwa tigigo tuabo nai dabe, te nai sabo homu naga augwaligo eyu, tama te kolesaga wali pabo dao. Te sabo nai dabe augwaligo tibo god tiwai mu dao. Augwaligo dwai haniani hale ebo kolesaga ebo dao. Tiali goli augwali tede hale menio, tede augwaligo dwagi yai homu eyu, tama augwa nogi ugwaba sabo dao. Tama augwaligo e tǫde elalubo naide naga homugo dąų olama tama bidibo dao. Tama augwaligo te tobage kolesaga ebaso, augwali mu dolaibao, te dwai buluba paibao.


“Nago te kantri we bidi dabe me augwaligo pris bidi dabebolo e tama po walao, ‘Mu tamao, te kibu be 70 edubadi te tigidali 5 poluade me te 7 poluade dagego nai dabe habu selama, hobedai gela weyu yai dao. Tiali goli dagego te enade homu kone paliyu, te eno nogi ugwaba sabo kolesaga me yai menio. Mu menio.


Te tigidali lotu wabo bede te augwa abagi dabede negeli sali name ugwade godege piyu ebo dao. Augwa te name ugwa sabo, te augwa abagigo augwalide negeli sali wei ponomainu dąį ilibo sę tiwai eyu ebo, tiali goli augwaligo te sali name ugwa te augwa abagi dabeba ma mabo meni. Tama augwaligo te augwa negeli sali wei ponabo usu meni yai abagi dabe po tų ilama, te augwa wain wę sali, te po tų abelibo tiwai ebo dao. Tama augwa te wain wę te augwa Godigo be tomode tubo dao,” wali.


Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.


“Te profet me deli aselama, te tiwai tibo po wagasiyu, ‘Eno te profetgo wabo po tiwai weyu, te dagego wain hauwa elalu, te bomai wę me elalueibao,’ po obaso da, te we bidi dabego te tiwai profet godolo yaibao,” Genuai Bidigo te po wai.


Te eno sę bidi dabego haligade te wiegi yai homu pemene pągąnalu, te augwa homu pemene ebo tęąbi po waibao. Te dagego haligade te homu dene ebo pągąnalu, te dagego homu kolesaga kone tųą pelama, te dage gela bomonama mu waibao.


Tialima, augwali te augwaligo wain giba pelama, tama te tau yali wain du dabe tigidali salio. Tama augwaligo te wain du pęgęlama, tama aga ąį te selama, tama augwaligo genuai nai daa tuali. Tama augwali te augwa tibo godiba lotu wabo be tempel tomoba pelama, tama augwa te nai me wę me tubo sę eyu, tama te Abimelekde dwai posobo po weyu yalio.


Megi eno te dage walu hauwa munalubo bidi dabe dali te po obao. Dage dwai homu eyu, te hwa weyu, gela weyu yao. Dagebolo moni dwai sęgę dali, dene dali si tamadi pedalaibao.


Magi baso meni, te tobage bidi dabe augwaligo te dago Genuai Bidi Kraisde sę me ebeo. Menio. Te augwaligo augwa tigigo digi ebo kolesaga naga wali pabo dao. Tama pusu ebo po me tama te bidi homu begasa pabo tibo pogo augwaligo te dwai sęde konesiąbo we bidi dabe homuba tibo po ola menama, tama te bidi dabe augwaligo homugo te dwai kolesaga da homu me isąwaibao.


Te sogo te tempel lotu bede bidali we bidi dabego te balia munu me egobeo. Menio. Te augwa gela wabo sę naga yaibao. Magi baso meni. Te isali bidi dabego tigi te tigidali pedai badu subigila munolua paibao. Augwaligo te tigi dabe buluba sela sąbo sogo da, teda te bidi dabego po deli me wagobeo,” wali.


“Te Samaria dabego enade hagoma mu yali, tama augwali te dwai dene bolo somainao. Te bomai wali tiwai eyu, te boi bidi dabego augwaliba hwįagaselama, te augwali ela munama, tama te dwasianu wai puluba tigidali te tǫba sąsąnama, te augwali me isaibao. Tama augwaligo te haliga elalubo we dabego tabi togwaibao,” po wai dao.


Genuai Bidigo enabolo te tama po ma wali, “Nago te naga we godolo ma yao, megi da agai te gasa bidi dali penani yali te palia salio. Nago aga godolo mu eyu, te eno ena we bidi Israel dabe, augwali godolo mu ebo tiwai gilama yao. Mu tama, te augwaligo ena tagalama, te tibo godiba pelama, tama augwaligo te olali wain wai dabe te tibo godiba ofa yainu sali. Tiali goli, tagalao, eno te Israel dabe godolo mu idubo dao,” wali.


Te Babilon dabego me te tobage deli kolesaga nosali yalio. Augwaligo te eno we bidi olo mu selama, te augwali kalabusiba sela pali, te eno hanigo tobolu bidi dwai gela mu wali. Te eno magi nai deli me sabeo. Menio. Sesemane sogo te bidi dabego te posobo po weyu, ena nogi aiyaba elalubo sę yai dao.


Tialima, te sogo nosali kigamu mu, te we bidi dabe augwaligo te ofa eyu, te siaba ulabo kibu bulmakau dabe sela asali. Tama augwaligo homu kolesaga deliba naga muainogo te ofa yabo kibu sipsip dabe me sela asai. Tama augwaligo te nai tuyu, te bomai wę tuyu elama, tama nosali te bidi dabe augwali pelama, te we dabe dali gagali igi pai.


Te nago we bidi augwaligo Genuai Bidigo augwali tau somainogo hwą te waiyąo. Hobedai, Jerusalem, nage hulide me giligade gela genina mu elama, tama nago gela uga te ąį sabo tulubo tiwai emainao. Nage hodo me doligio. Nage gela wabo sę naga idu geao.


Augwaligo te po wabo dao, ‘Nage dago God da, da Israel dabe, tama dago nage koneai da,’ obao.


Tialima, nosali dage te wiegi yai tǫba sabalubo sogo, te dage nai pągąna pelama, te dage tigidali nai usu yali. Dagego te nai sela selama da, tama dagego te homu yali, te duga bomogo digi dagego te nai sali homu yai. Tama tiyu, dagego ena homu kone gegeda palubao,” wai.


Nago augwali te tǫba munama, augwali te wiegi yai pedelali, te bidigo bulali ni tiwai elama, te ni sele tǫ tomoba pelama, te ni genuai holama, te nai walobo tiwai ebao. Sesemane sogo augwaligo nago nogi nogi eyu ebao, tialima, te augwa homu nagede digibulu elalubo dao.


“Te Israel dabe, te ena deli naga te dage tau sabo usu yaibao. Tiali goli, dagego hagela ebaso, tama eno dage dolaibao. Tama dego dage tau sogowe? Te bidi dabe menio.


Swiv nou:

Piblisite


Piblisite