Hosea 7:12 - Godigo dwagi yai po buku

¹² Tama augwali te bola pabo sogo, teda eno ba sabo wa te ugwaba sąwaibao, augwali tola somainu yaibao. Te augwaligo dwai sę emainu deliba sisinibo si, te eno augwaliba te augwa yali kolesagade dene ilaibao,” wali, “te augwaliba eno polobadu wali po gilama tiwai yaibao,” wai.

Hosea 7:12 Referans Kwoze

Esekiel 12:13

“Tiali goli, eno ba bono gaga kekelama, tama king tego tola saibao. Tialima, eno aga te Babilon taunba sela paibao, tiali goli agai e bulu gesabidi me sugobeo. Aga te Babilonde bididubadi aga isibo sogoba usu naibao.

Kraisgo Geme Dualali Sę Pedelabo Po Jonbolo Ola Mani 3:19

Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

Esekiel 32:3

Tama tialima, ena God Genuai Bidi eno e tama po e obao, te eno we bidi hani hauwa mu odasa asaibao. Tama eno tola sabo wa nageba sąnama, tama nage tola saibao, tama augwaligo nage wę kemi saneba ugwaba kegasa asaibao.

Esekiel 17:20

Tama tialima, eno aga tola sabo ba bono gaga mueibao. Tola selama, te aga eno Babilonba sela pelama, te agabolo dwai dene mawaibao, magi baso meni, agai ena dali dąų walali bomai po wali pabeo.

Jeremaia 44:4

Hauwa sogo eno ena sę bidi dabe, te profet dabe, te dage Juda dabeba tagala palai. Te augwaligo eno po e tiwai pusali, “Dagego eno homu godolo isąbo te kugumini yai kolesaga dabe igimio,” wali.

Jeremaia 16:16

“Ena Genuai Bidi, eno te tama po obao, te eno Juda dabeba boi bidi tagala palama, te we bidi dabe augwaligo saibao, te bidigo aga hagani togobo wade te sųgų hauwa sabo tiwai yaibao. Tama nosali eno gasa boi bidi dabe tagala palama, te we bidi gegegi paibao, te bidigo buside hasa gegegi pabo tiwai yaibao. Tama te boi bidi dabego te we bidi dabe te geme bulu dude, me ola bede, dulalua pobadi, te tola saibao,” wai dao.

Kolesaga Koneai Bidigo Pusali Po Elalubo Buku 9:12

Te magi genuai sęgę daba pedelabo dago konebeo. Te dwai sęgęgo da polo tama mu deli sogo gegaibao, te hagane mubo nai wago te sųgų ma ba tola sabo tiwai ebo dao.

Jopgo Po Asęani Elalubo Buku 19:6

“Tiali goli, dolo koneao, eno dwai sę me ebe. E sę dabe yali God aga homugo digi yalio, tama te dolo menio. Agai ena aga sųgų sabo naide tola salio.

Hosea 5:9

Te dwai sę wei ponobo side naga te Israel dabe mu dolaibao. Eno te po dage Israel haniba pusubao, mu tamao, te eno wali gilama te sę pedelaibao,” wali.