Hosea 6:5 - Godigo dwagi yai po buku

⁵ Tama tibaso, te eno profet bidi dabe tagala palama, te dage po tų yabo po augwaligo dageba bomonama weyu, tama te dage dwai dene mu saibao. Dagego odalio, te mena sę eno dageba yabo te dagego koneai. Te hania mu elalubao. Tama te sę dabe e tama telalubao.

Hosea 6:5 Referans Kwoze

Jeremaia 23:29

Ena Genuai Bidi, eno po dolo obao, eno po te isi tiwai elalu, tama te genuai hamago te masigi dabe haluama, te kakali pedalubo tiwai ebo dao.”

Jeremaia 1:10

Megi e side eno nageba te gasa bulu tǫ kantri hauwa hani we bidi tonalubo bomo mobao. Eno nageba te kantri dabego gavman gudabo po wabo bomo, me te gavman dolabo po wabo bomo me mayu, te augwaligo gavman ma dodoluyu, ma bulabo po wabo bomo me mawaibao,” te po wai dao.

Jeremaia 5:14

Dagego te tobage po weyu, te dagego Godigo po odobao, Genuai Bidi te Tigidali Bomo Elalubo dao. Agai enaba te tiwai po wali, “Te eno nageba menama pusabo po da, te sia tiwai pedelaibao. Tama te we bidi dabe te nogobo sia tiwai elalubao, tama te siago augwali ulama daibao.

Hibru 4:12

Magi baso meni. Te Godigo wali po te bidabo ula elalubao, tama aga te sę bomo idubao. Te mu poa pai, tama te si dali si badu poa pai hwą gego poai yali te aiyaba elaluai. Tama bidigo poa pai kago hwą gego hasa mi togoyu, tama te poa pai hwą ge polo te hasa dili tomoba tugi pelama, tama te dili hania pedalobo dao. Tama te tiwai me Godigo wali po dago homu tomoba peyu, tama dago homu ogwa wai dali dago mobo dali si pedebo dao. Tama agai wali pogo dago ebo homu dali dago homu kolesaga page dali si, te tigidali te agai osola subo dao.

Polgo Po Pas Rom Dabeba Asęani 2:5

Tiali goli nago naga homu mu palia selama, tama nago homu me begelebeo. Tialima tebo kolesagago te nago te dwai dene sabo sę ebo te pesage genuai holobao, te mone ge sabobo piduai tiwai. Te nosali te bodolu mani side te Godigo doloba pai po tų ebode te agai sębę hania haninama pedalaibao, tama nage te dwai dene te sogo saibao.

Kraisgo Geme Dualali Sę Pedelabo Po Jonbolo Ola Mani 9:21

Te bidi dabe augwaligo bidi meba ela muyu, tama bidi dolobo pobi wabo sę eyu, tama augwaligo penani ebo kolesaga wali peyu, tama nai wi sesa bilibo sę eyu bidaluali. Tama tiyu, augwali homu begelama, te dwai kolesaga ebo augwaligo tudiba me mubeo.

Kraisgo Geme Dualali Sę Pedelabo Po Jonbolo Ola Mani 9:15

Te po obaso, agai te ensel bidi me si me si augwali tagala palali. Tama te ensel mobo bidi me si me si augwali sisi elama, te we bidi ela mubo sę ebo sogo tonaluali. Te sę ebo bodolu mani kibu be me, te bodolu mani polua me, te bodolu mani sogo me, te we bidi ela mubo bodolu mani aua me augwali tonaluyu bidaluali. Tama te bodolu mani aua asama, tama agai augwali tagala palama, tama augwaligo te we bidi hani tigidali dąį sela muani, tama me hani deli ela muai.

Kraisgo Geme Dualali Sę Pedelabo Po Jonbolo Ola Mani 2:16

Tama tibaso, tede ge neyu nage homu begelao. Tama nago homu begelesiąyu da, teda tamadi tama ena nage pageba pedalaibao, tama eno te pedauwalide elalubo poa pai ge hwą gego te dwai sę ebo bidi dabe augwali dali hwįaibao.”

Kraisgo Geme Dualali Sę Pedelabo Po Jonbolo Ola Mani 1:16

Tama te bidigo dolo nogo sawali daide te hǫ a naga olama me badu nogo si elalubo suali. Tama te si badu poai yai bainat hwą ge te hwą mu poa pai, te bidigo pedauwalidu te buluba dią soai. Tama aga gesabidi ula mu yai, te sia bomo elama giligade nanobo tiwai yai.

Godigo Sęba Tagala Palai Bidigo Po 7:31

Te bidi Mosesgo tama tebo sę ebo sulama, aga homu hauwa tuą pelama, noma salio. Aga te ni page pąba pelama, bugagia tonama sueinu yali. Tiali goli, agai Godigo po wabo odali, te po wai, ‘Ena da God dao.

Sefanaia 3:5

Tiali goli, Genuai Bidi Jerusalemde me bididuali. Agai doloba pai kolesaga naga ebo dao. Te agai dolo isąwai kolesaga da agai me ebo menio. Mu menio. Te tigidali sogo bubugade agai te we bidi dabe dali doloba pai po tų naga ebo dao. Agai te sę tagalobo menio. Tiali goli, te taunde bidibo dwai bidi dabego te dolo meni yai kolesaga naga ebo dao. Tama augwali tede hale dwasianu me ebeo. Mu menio.

Esekiel 43:3

Tama te sę yali eno nade megi ebo eno subo ąǫ yali. Te da te eno polobadu suali te na yali te na tiwai mu ma yali, te aga te Jerusalem dolainu asali sogo, tama te eno te Babilon bulu ąį Kebarde polobadu suali na tiwai ma suali. Eno te ula sulama, tama eno bogoli sugunama, tama eno gesabidi tǫba pogulama elaluali.

Esekiel 3:9

Te eno nage te masigi daimon dila pai tiwai pedalomainu yaibao, te nago bomogo te augwaligo bomo aiyaba elalueibao. Te nage augwalide wi elama, didibili me igio. Menio. Augwali te po sela sąbo bidi dabe naga dao,” te po wali.

Jeremaia 13:13

Tialima, nago te po augwaliba pusao, ‘Ena Genuai Bidi, eno te tiwai po walio,’ po wao. ‘Te dage tǫde we bidi tigidaliba wain mu pągąnaibao, te dage gęǫ page dwai mu yaibao. Te Devitgo king hani dabe, me te pris dabe, me profet dabe, me te Jerusalem we bidi tigidali badi, eno waingo pągąbo te tǫgo nigai sospen senede pągąwai tiwai gilama yaibao.

Jeremaia 1:18

Jeremaia, odao. Megi da, eno nage te bomai obo elalubo taun tiwai bomonama dolalumainu yaibao, te ain pos tiwai, me te brasgo nigali obo tiwai elalueibao. Te Juda king dabego, me te kingo ofisa dabego, me te pris dabego me, te tigidali we bidigo te nage aiyaba me elalugobeo.

Aisaia 58:1

Genuai Bidigo enabolo te tiwai po wali, “Nago genuai po dągą mu olama, i wao, dua digi i me wagio. Nago bomonama i wabo, te bu wabo nai biugel bu wabo tiwai yao. Te eno we bidi dabeba weyu, te Jekopgo hani dabe, te augwa dwai sęgę me dwai kolesaga po wao,” po wali.

Aisaia 11:4

Te po tų odobo dolo naga agai te nai meni yai bidi dabego homu sęgę elalubo po odama, te bagenu tau saibao. Te gasa bidi dabego augwali aiyaba elaluama, augwali dolama, dwai sę yali dabede agai pode te tiabo sę yali we bidi dabe dene saibao. Tama te dwai sę ebo bidi dabe da isaibao.

Godigo Nogi Ugwaba Sabo Tęąbi Po Wabo Buku Dabe 119:120

Ena nagede wi mu elama, tama ena didibili ebao. Eno nago po tų ebode homu kone palama, te wi ebo dao.

Godigo Nogi Ugwaba Sabo Tęąbi Po Wabo Buku Dabe 37:6

Tama tiyu, te agai nago wiegi yai kolesaga te hania pepeli diliba pedalumainu ilama, te giliga ula pedalubo tiwai yaibao. Tama agai te nago doloba pai kolesaga te bidi dabego gedude te pepeli diliba haniliyu, te nai tubode te giliga tomo yagasu ula ebo tiwai yaibao.

Jopgo Po Asęani Elalubo Buku 34:10

“Tama dage bidi dabe, dagego dwagi yai kolesaga elalubao. Jopgo te tobage po obaso, eno po odiąo. God Tigidali Bomo Elalubo Bidigo dwai kolesaga me egobeo. Mu menio. Dwai sę ebo homu te Godide digibulu mu elalubo dao.

Tuni Bidi Dabego Po Elalubo Buku Si 21:12

Tialima te profet Elaijago pas me deli Jehorambolo toliyu e tama po walali, “Genuai Bidi, te naga wąį Devitgo God, agai po nage dali e tama wabo elalubao. Nago naga aya king Jehosafatgo wiegi yai kolesaga yali wali pabeo. Me naga wąį Asago wiegi yai kolesaga yali wali pabeo. Menio.

Te Israel me Juda Hani Sigo Tuni Bidigo Po Elalubo Buku Si 1:16

Elaija sabaligi pelama, kingbolo te po wai, “Genuai Bidigo e tiwai po tama wai. ‘Nago homugo God Israel bidi dabe dali bidibewe?’ wai, ‘tama tibaso, nago me badu bidi tagala palama, te Balsebup hanalugi pao waliwe, te Ekron dabego tibo god dao. Tama tibaso, nage munu ma usu egobeo. Mu menio. Nage tama pila muna muna pedubadi kęnama, tama nage isigi paibao,’ wali.” Elaijago kingbolo te po ola mawai.

Te Israel me Juda Hani Sigo Tuni Bidigo Po Elalubo Buku Deli 19:17

Te Hasael king bididubadi, agai te we bidi hauwa ela mueibao. Te meba agade wi pobaso da, teda Jehugo augwali ela mueibao. Te Jehude meba wi sobaso da, teda Elisago augwali ela mueibao.

Te Israel me Juda Hani Sigo Tuni Bidigo Po Elalubo Buku Deli 18:17

Ahapgo aga sulama, te po wai, “Te megi da, eno nage sualio. Te sę yali page te nagede naga elalubaso, tama te tulubage tulisiąbaso, genuai sęgę Israelde elalubo dao,” wali.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

Te Israel me Juda Hani Sigo Tuni Bidigo Po Elalubo Buku Deli 14:6

Tama te king Jeroboamgo we asama sabolali, tama te profet bidi Ahiyago te king Jeroboamgo we asu, te agai be tų pąde te sągągo agaga asu, bada wabo odolama, tama agai e tama po wali, “Jeroboamgo we o,” wali, “nage e be tomoba asao,” wali. “Magi baso nage te gasa we gagalama, tama nago enabolo ili po wagasobawe? Eno nagebolo wabo po me deli elalubao, tama te pogo nago haligade sęgę yai po mu ma waibao.

1 Samuel 15:22

Tiali goli, Samuelgo agabolo te po wali, “Genuai Bidigo dago mena kolesaga ebo godolo ebo dawe? Agai te tobage ofa ebo dabe naga godolo ebo dawe? Ma, te dago agai po wali pomainu homu ebo dawe? Odao. Te agai po wali pabo kolesaga te polasa yaibao. Tama te wiegi yai kibu dabe ofa ebo sę, te nosali badu naga yaibao. Te dago agai po odobo kolesaga te wiegi yai dao, tiali goli te omai sipsip ili siago deyu, tama ofa ilibo, te nosali badu naga yaibao.

1 Samuel 13:13

Tialima, Samuelgo agabolo te po wai, “Nago kolesaga mu geda muanio. Nago te dena Genuai Bidi Godigo te nagebolo mani po, te nago wali me pabeo. Te nago agai po wali pigi sogo da, teda agai nage me, naga hani daligo me, te Israel bage sesemane sogo tonalumainu iligi dao.

Tigidali Nai Gagalama Nigali Side 18:25

Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.

Efesus 6:17

Te Godigo dage polo ma dobola sai dao. Te homu ebo kolesaga te kapago nigai tobolu madi tiwai selama, tobolude muao. Tama dagego te Mobo Bidigo bobobage poa pai hwą ge tiwai te Godigo te bukude asęani po bugagia odama, sao.

1 Samuel 15:32

Nosali Samuelgo augwaliba te po wali, “Te Agak odasa asao, te Amalek dabe augwa king bidi.” Agak te bugai haliga elasa asu, tama tiwai homu yali, ‘Te ena isigobe da,’ homu yai.

1 Samuel 15:33

Tiali goli, Samuelgo te po wai, “Nago bidi hauwa elali, tama megi da, te bidi dabe augwa ida dabego wai meni. Tama tiyu, megi te nago ida me, te ida dabe tiwai gilama pedelaibao,” wali. Tama agai po olama, augwaligo te Agak ela munama, tama aga dwasianu dwasianu te Genuai Bidigo gedude te Gilgal alta pąde te dwasianu tologalio.

Esekiel 32:18

“Tǫde bidi, nago hobedai gela te genuai Isip we bidi hanide wao. Tama nago augwali te meba gasa bomai kantri we bidi dabe bidibo pesageba, te isai bidigo buluba talua sigi pomainu nago tagala palao.

Jopgo Po Asęani Elalubo Buku 15:30

Augwali te dolobo sęde geda mugobe. Teda augwali te hulia siyu, tǫ mesega sabo tiwai yaibao. God agai sębę e tiwai yaibao, isigo ni delama, waligo agai yabe da gasaba subigila sela pabo ąǫ yaibao.

Esekiel 11:4

Tialima, tǫde bidio, nago te tama po wao, augwali te wiegi yai we bidi dabe meni, tibaso te augwali dolaibao,” wali.