Hosea 5:15 - Godigo dwagi yai po buku

¹⁵ “Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.

Hosea 5:15 Referans Kwoze

Aisaia 26:16

Genuai Bidi, nago naga we bidi dodolomainogo eyu, dene mu mani, tama augwaligo bomo mu sia salio. Tiali goli, augwali moni homu dene dali nage pageba aselama, nageba gedu haluasa po walio.

Godigo Nogi Ugwaba Sabo Tęąbi Po Wabo Buku Dabe 78:34

Te Godigo meba ela mubo sogo, te gasa bage ge neyu, augwa homu begelama, tama agaba ma begasa aselama, tama agaba gedu haluasa po bomonama walio.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Jeremaia 3:13

Israel, nago te tiwai po dolasa hanilama pusao, “Eno te dwai sę yai da,” po wao. “Eno God, nage ena Genuai Bidiba hagoma yali, te ena tigidali genuai ni dologoba pelama, te tibo god dali dwai kolesaga yali. Te eno nago po sela sąwani.” Israel, ena Genuai Bidigo, eno te po nageba mobao,’” wali.

Jeremaia 2:27

Augwa te tama po obao, ‘Ni, nage da, te dena aya da, te masigi, nago da ame nani.’ Augwaligo ena tudiba naga muyu, te augwali ena pąba me asisąwai. Tiali goli, te sęgę pedalubo si da, augwaligo te tiwai i wabo dao, ‘Genuai Bidi, nago da tau sagasao,’ tama wabo dao.

Dwagi Yai Gesi Po Lukgo Asęani 13:25

Tama te be page bidi hodaluama, te be sunumi palia sai madigi, tama dage te be mesalode bulu badu dolalueibao. Tama dolalubadi, dagego te be sunumiba bego bego wabo gagalama eyu, te po waibao, ‘Genuai Bidi, tų dayao, da tomoba asaio.’ Tiali goli, agai dagebolo te po wei ponaibao, ‘Dage menadu asaiwe, eno konebeo. Dage eno konebeo.’

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Esekiel 36:31

Tama te sogo da, dagego duga yali te dwai damua pai kolesaga dabe sęgę dabe kone palaibao, me te dagego yali eno godolo mu isąwai sę dabe kone paliyu, tama dage hale genuai mu yaibao.’ Te po me pusao,” wali.

Esekiel 6:9

Augwali te digibulu bulude bidibo sogo augwaligo ena homu kone palaibao, tama augwa te tiwai koneaibao, te augwaligo tibo godiba gedu eyu, te wali pali kolesagago ena haliga sęgę mu ilama, tama ena augwaligo mu tagalalio. Tama augwa te yali dwai kugumini yai kolesagade hale dwai mu eyu, tama tiai sę yai dao.

Aisaia 26:9

Te hulide eno homu nage delide naga elalubo dao. Tama kigamude ena nage dali bidibo godolo mu ebo. Magi baso meni. Nago te tǫde we bidi po tų ela mabo dao, te augwali nago doloba pai kolesaga ola mawainogo.

Maika 1:3

Genuai Bidigo te aga wiegi yai bulu digi te tagalama, te asabo homu ebao. Aga dulama, te bulu du padode daidu bilagasaibao, wai.

Hosea 5:6

Augwaligo sipsip me bulmakau te Genuai Bidiba ofa yainu sali, tiali goli augwaligo te ofa olodali yali. Magi baso meni, Genuai Bidigo augwali tagalali, tama tiyu augwaligo aga munu ma susiąbo ąǫ yai.

Esekiel 20:43

Tama dagego duga te tobage dwai kugumini yai kolesaga dabe eyu, dage te eno gedude meda pedelali teba homu kone palaibao. Tama duga te yali dwai kolesaga dabede dage hale mu yaibao.

Esekiel 11:23

Tialima, Godigo ulago te Jerusalem taun tagalama, te bulu du elalubo badu te giliga asobo badu te bulu duba pai.

Esekiel 10:4

Tialima, Godigo genuai ulago te me si me si bidi tiwai nai taga soyu, te be sunumi pąba dolagasalio. Tama Godigo te genuai ulago te be bagulali obo tigidali una selama, te ula umabo mu elaluai dao.

Esekiel 8:6

Godigo enabolo te tiwai po walio, “Tǫde bidio, nago te Israel we bidi augwaligo dwai kolesaga ebo suao. Te tebo kolesagade augwaligo ena te eno bede ela gudulama, te ena augwalide digibulu bidabo sę ilibao. Te nosali nago augwaligo te gasa dwai kolesaga mu ebo sueibao, te nago megi subo dwai kolesaga te aiyaba mu elalueibao,” te po wai dao.

Aisaia 26:21

Suao, Genuai Bidi aga bulu dagalu tagalama, e tǫba te asobao, te e tǫde we bidi dene mawainu, tama augwa yali dwai sę wei ponainu. Tama tǫgo te bidi dabego kaneme me geme dualogobeo, te gasa bidi dabego augwali ela wialali dabe. Menio. Agai te bidi dabego yali dwai kolesaga dabe sese tama haninaibao.

Godigo Nogi Ugwaba Sabo Tęąbi Po Wabo Buku Dabe 132:14

Agai te po wali, “Te ena te taunde sesemane bidada peyu, bidada paibao,” wali. “Eno te pesage te ena king bidabo madi sa muai dao.

Godigo Nogi Ugwaba Sabo Tęąbi Po Wabo Buku Dabe 83:16

Genuai Bidi, nago augwali aiyaba mu elalubaso, tama augwali hale dwai mu eyu, tama augwaligo nage wali pabo homu yaibao.

Jopgo Po Asęani Elalubo Buku 33:27

Tama te bidigo gasa we bidi dali pusuyu, e tama waibao, ‘Eno dwai sę yai goli dao. Eno dwagi yai kolesaga me yai menio. Tama tibaso, Godigo eno tigide haniani sę mu igi dao. Tiali goli, agai ena hobede elama, agai te sę ebeo. Menio.

Bugagia Bidibo Kolesagade Po Asęai Buku 8:17

Tama mena we bidi dabego ena gegebo sę bomo eyu da, teda augwaligo ena sueibao. Mena we bidigo ena wei yali da, eno me te eno augwali wei mu yaibao.

Te Israel Tobolu Bidi Dabe 4:3

Jabin agai hwįbo nai te bidi sese hauwa 900 te karis ain elaluai. Tama agai te Israel dabe dodolama mu tolaluali, tama augwali subigila eliyu, tama doliyu idubadi, te kibu be bidi sese deli bidai. Tama te Israel dabe augwali tau somainu te Genuai Bidiba gela wali.

Tigidali Nai Gagalama Nigali Side 42:21

Tama Josep aga ama dede augwa hasi tomode po miyu, te po wali, “Mu tama, dena digi polobadu te dena ama dwai sę ilali. Dago aga gela wabo suali, tama dago aga tau somainu agai i wali, tiali goli dago agai i wabo me odobeo. Tama megi, da te tiali sęgę sobao,” wali.

Israel Hanigo Namba 21:7

Tama te we bidi te Moses pageba aselama, e tama po wali, “Dago sęgę polo salio, te dago Genuai Bidi dali, me nage dali wado po walide. Megi nago Genuai Bidibolo gedu haluasa po wao, agai te gula mani sela sąmainao,” wali. Tama Mosesgo te we bidi tau somainogo Genuai Bidibolo gedu haluasa po wali.

Aisaia 18:4

Magi baso meni, Genuai Bidigo enabolo e tama po walali, “Ena Genuai Bidi, ena ena bulu dagalude bidiyu, tama eno we bidi dabego ebo kolesaga subo sogo da, ena haliga nagame elama, tama eno olo tama tonaluaibao. Eno homu polo hogodama, augwali polo dolabo homu ebo menio. Meni. Eno dua tonaluyu, tama te giliga nanama, tama masigi sanede bomona nanebo tiwai elama, tama te agai posolo ugwaba dua holobo ąǫ ebo dao. Tiali goli, isi mu dadala sabe. Tama me ma, ena te hulide te nai ininama, sabo magąde te tulubo u meni yai tulubage tulubo tiwai ebo dao.”

Jeremaia 3:14

“Ena Genuai Bidi, ena digi eno te po dolo obao. Dage ena tagalali we bidi, dage enaba ma begasa asao, magi baso meni, dage da, dage te eno Kęąni we tiwai elaluyu, tama ena da, te dagego bidi tiwai dao. Te dage deli deli eno te boi bidi dabego hanu taun dabede, te duga hanide selama, te eno dage Saionba ma odasa asaibao, te eno bulu dao.

Godigo Nogi Ugwaba Sabo Tęąbi Po Wabo Buku Dabe 107:6

Augwali te tiwai dwai bidibaso, teda augwa te Genuai Bidiba i obaso, tama agai wiegi yai sę mu eyu, te augwali tau sai dao.

Godigo Nogi Ugwaba Sabo Tęąbi Po Wabo Buku Dabe 107:13

Augwali te tiwai dwai bidibaso, teda augwa te Genuai Bidiba i obaso, tama agai augwali tau selama, tama augwalide elaluali te sęgę dagala sąwani.

Godigo Nogi Ugwaba Sabo Tęąbi Po Wabo Buku Dabe 107:19

Augwa te tiwai dwai bidiyu, tialima augwa te Genuai Bidiba i obaso, tama agai augwalide te sęgę dagala sąyu yalio.

Godigo Nogi Ugwaba Sabo Tęąbi Po Wabo Buku Dabe 107:28

Augwali te tiwai dwai bididubaso, teda augwa te Genuai Bidiba i olama, tama agai augwali tau selama, tama augwalide te sęgę dagala sąwaibao.

Te We Bidi Dabego Jerusalem Hagede Gela Wali 3:40

Dago dena kolesaga, me dena bilibo kolesaga dagalama, bugagia suao. Tama dago dwai kolesaga tagalama, tama da Godiba ma aselainao.