Hosea 5:13 - Godigo dwagi yai po buku

¹³ “Te Israel dabe augwali te tiwai te gasi dwai mu ebo koneani, tama te Juda dabego augwa keni dabe ebo sulama, tialima te Asiria bulu tǫ kantri genuai kingba pelama, te augwali tau somainu hanalugi pali. Tiali goli, te Asiria dabego augwaligo gasi usu ilama, tama augwaligo keni pedela somainu ilabo usu me ebeo.

Hosea 5:13 Referans Kwoze

Hosea 7:11

Israel te kolesaga meni yai umunaluai ba hi subigila bola bilibo tiwai ebo dao,” wai. “Hasia bolo augwali pelama, te Isip dabego augwali tau sogowe weyu, hanalugi pali, tama nosali augwali pelama, te Asiria dabeba me hanalugi pai dao.

Hosea 12:1

Genuai Bidigo te po wai, “Te Israel dabego tigidali sę te giligade me hulide yali, te augwa digi dolabo dwai sę yalio. Te tibo po wabo kolesaga, me hwįbo kolesaga te augwali tomode genuai pedelali. Augwaligo te Asiria dabe dali sę yabo po mia sali. Me ma, augwa te bisnis sę te ni oliv welgo elama, te Isipba tolama, te Isip dabego abelali.”

Hosea 10:6

Tialima, te Asiria dabego te bulmakau te Asiriaba sela pelama, tama augwa te kingba te takis mabo tiwai yaibao. Te Israel dabego te po page koneai bidi dabego po wali pai, tama te bidi dabego po te geda muanio. Tialima, te boi bidi dabego augwali aiyaba elaluama, tama te Israel dabe hale dwai mu saibao.

Hosea 8:9

Augwaligo hagoma te bulu uni yowigo ebo hagoma tiwai yali, tama augwa homu kolesaga wali pai. Te augwali pelama, te Asiria dabego augwali tau somainu hanalugi pai, tama augwaligo te mone tolama, te gasa tǫ kantri king homu begelama, augwali tau somainu yai.

Jeremaia 30:12

Genuai Bidigo te tiwai po wali, “Israel, te augwaligo nage dwagilama mu elama, te nago genuai keni pedela sabeo.

Te Israel me Juda Hani Sigo Tuni Bidigo Po Elalubo Buku Si 15:19

Tama te bidi Menahem aga king bidi bidibo sogo, te Asiria king bidi nogi Tiklat Pileser, aga asama, te Israel hani dali boi hwįagasali. Te king Tiklat Pilesergo gasa nogi me te Pul. Tama tialima, te Menahemgo e tama doado bage me mone me sali, 3,000,000 mone silva selama, tama te king bidi Tiklat Pileser bidibolo mani, tama te aga abeleyu mawai da, te magu meni, te Israel hani dali nosali agai ma hwįagasidali weyu tama teyu, aga te king Menahem tau siyu, tama te Israel bulude Menahem aga bomai king bidi mu bidimainu yali.

Maika 1:9

“Magi baso meni, te Samaria dabego keni pedela sabeo. Tama pąde Juda dabe me te tobage keni saibao,” wali. “Tama Jerusalem digi, te eno we bidi dabego pesage, te dwasianu sogo naga tama te me dolaibao,” wai.

Hosea 14:3

Te Asiria dabego da ma dobola sogobeo, usu egobeo, tama te hwįbo hos dabego me da tau me sogobeo. Te usu egobeo. Dago te tibo god nigali, te dago te tiwai po augwaliba ma weyu, ‘Dage te dago god da,’ me wagobeo. Genuai Bidi, nago dabolo te homu dene eyu, tau sabo wiegi yai kolesaga ebo dao, magi baso meni, da te aya meni yai wai puluba bidibao, te tau sabo usu meni yai bidibo dao.” Dagego tama gedu haluasa po agabolo wao.

Te Israel me Juda Hani Sigo Tuni Bidigo Po Elalubo Buku Si 16:7

Tama te king Resin dali, te Peka dali sigo te taun Jerusalem bulude me bagusa bididuali, tama tibaso, te king Ahasgo te me badu bidi dabe selama, te Asiria king bidi Tiklat Pileser pageba tagala palali, tama agai agabolo e tama po ola mani, “Ena te king Ahas dao, ena te nago sę ebo bidi dao, tama ena nago wai bǫų bidibao. Tama megi te Siria hanigo king dali, te Israel hanigo king bidi badi elama, augwali asama, te ena dali augwaligo boi hwįagasalio,” wali. “Tama tibaso, eno homugo nage asama, te augwali dali boi hwįagasao,” wali, “tama augwaligo da dolidalio.” Te po wai.

Te Israel me Juda Hani Sigo Tuni Bidigo Po Elalubo Buku Si 15:29

Te bidi Peka king bidibo sogo, te Tiklat Pileser, te Asiria king bidi, augwali asama, te Israel hani dali boi hwįagaselama, tama augwali aiyaba elaluama, tama te Asiria hanigo te taun tigidali sesa pali, me te taun Ijon sali, me te taun Abel Betmaka, tama me te taun Janoa, tama me te taun Kedes, tama me te taun Hasor, tama te genuai distrik Gileat, tama me te moni distrik Galili me, tama te Naptali hanigo tigidali tǫ pedai dabe me, te Asiria hanigo sali. Tama te bulu we bidi dabe augwaligo selama, tama te Asiria digibulu buluba kalabus mugi pali.

Aisaia 3:7

Tiali goli, agai te po waibao, “Eno dage tau sabo sunumi menio. Ena me ena nai me ugwa menio. Dagego ena dagego genuai bidi nigimainu dagego ena sa mugimio,” te po waibao.

Esekiel 23:5

Ohola aga eno we da, tiali goli agai penani ebo kolesaga eyu, te agai te Asiria dabe dali gedu elama, te augwali agai abagi dabe pedelalio.

Hosea 2:7

Te agai godolo homu ebo bidi dabeba painogo pali goli, tiali goli aga te augwaliba me pedalugobeo. Te agai augwali gegegi paibao, tiali goli, agai augwali me sugobeo. Tama tibaso, agai te po waibao, ‘Polobadu ena eno bidi dali bugagia bidalio, tiali goli, megi menio. Tama tibaso, te ena bidi muba dolo ma paibao,’ te po waibao.”