Hosea 4:1 - Godigo dwagi yai po buku

¹ Genuai Bidigo te kantri tǫde bidibo we bidi dabeba po kisilama wali. Dage Israel, te Genuai Bidigo po odao. Agai te tama po wai, “Te bulu tǫ kantride bidibo we bidi dabego te mu po wabo kolesaga konesiąma, tama augwa abagi dabe digi te godolo homu me ebeo. Augwaligo te ena augwa Genuai Bidi da homu me isąwai.

Hosea 4:1 Referans Kwoze

Jeremaia 4:22

Genuai Bidigo tama po wali, “Eno we bidigo homu kolesaga wiegi yai me elalubeo. Augwaligo ena me konebeo. Augwali te homu kolesaga konesiąwai wai puluba tiwai elalubao, te augwali umuna pai elalubao. Augwaligo te dwai sę ebo mu konea pai elaluali, tialima augwaligo te wiegi yai kolesaga ebo me konebeo,” wali.

Maika 6:2

Dage te bulu du dabe, dage te tǫ page dąų waliyu, te tǫ sesemane bidada pidu, bidada pabo nai dabe, dagego te Genuai Bidigo po tų ebo odiąo. Magi baso meni. Genuai Bidigo aga we bidide po olama, waibao. Agai po te Israel dabeba kisilama waibao.

1 Korin 15:34

Dagego te wabo pabo kolesaga tagalama tama dolo homu kolesaga yao. Dagego dwai sę ebo tagaliąo. Dagego odao. Dage tomode meba augwaligo te Godigo te isai we bidi ma hodalugobe po wabo bage, augwaligo God kuna konebeo. Te dage hale ilainogo eyu eno te po dagebolo obao.

Polgo Po Pas Rom Dabeba Asęani 1:28

Augwaligo te God augwa homude dąų ola sabo hagela homu yaligo da, teda Godigo augwali te augwa dwai kolesaga page tolalubo bidigo kolesaga wali pomainogo sula tagalalio. Tama tibaso, augwaligo te bidigo isąwai doloba pisąwai haniani kolesaga yai.

Hosea 12:2

Genuai Bidigo te Juda dabe dali po elalubao. Tama agai te Israel dabeba dwai dene mayu, te augwa yali sęde usu nama tiaibao wai.

Jeremaia 25:31

Agai te i wabo te tigidali tǫ habu mu usu naibao. Te i wabo page e tiwai dao. Genuai Bidigo te tǫde we bidi tigidali po tų ilaibao. Agai te boi bidi dabe tagala palama, te dwai kolesaga ebo we bidi dabe ela muagasaibao. Te Genuai Bidigo po dao.’”

Jeremaia 5:4

Tialima, eno te homu yali, ‘Te hani dabe, augwali te bidi mu dwai dabe naga tama, te augwa homu kolesaga konesiąyu ebao. Augwa te tobage kolesaga me bomai po, God Genuai Bidigo te augwa homude wali pomainu ebo te augwaligo konesiąyu ebo dao.

Aisaia 34:1

Dage tigidali tǫ habu we bidi dabe, asiąo. Dage sisinagaselama, te po odagasiąo. Tǫde me tigidali elalubo nai me, dagego me olo muiąo wai.

Aisaia 1:18

“Odao. Da deliba sisinama, po mimainao. Dagego sęgę hauwa elalubadi me, tagala. Te dage te nala ugwa tiwai bidai goli, hoda naigo polo dolai dao. Ena Genuai Bidi, eno te po obao, eno te dage te tedela ais tiwai ma ilaibao. Awe, te hoda nai mu dąų wai goli, eno dage te tedela yai sipsip kibu nisi tiwai ma ilaibao.

Kraisgo Geme Dualali Sę Pedelabo Po Jonbolo Ola Mani 2:29

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao.”

Kraisgo Geme Dualali Sę Pedelabo Po Jonbolo Ola Mani 2:11

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te si sogo isibogo te bidi munu me dologobeo. Mu menio.’”

Dwagi Yai Gesi Po Jongo Asęani 8:55

Tiali goli, dagego aga munu me konebeo. Eno da aga hania konebo dao. Eno God aga konebeo po wagi sogo da, teda ena te dage gilama, tibo po wabo bidi tiwai bidigi dao. Tialima, te menio. Eno aga koneai, tama eno agai po wali pabo dao,” Jisasgo te po wai.

Amos 7:16

Tialima, Genuai Bidigo po odao. Agai te Israel dabede wado po elalubao, tiali goli nago enabolo te profet po augwaliba pusubo te habu selibo dao.

Hosea 5:1

“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.

Jeremaia 34:4

Tialima, Juda king Sedekaia, te Genuai Bidi eno gasa po bugagia odao. Eno e tiwai po nagede elalubao. Augwaligo nage me ela mugobeo.

Jeremaia 19:3

‘Dage te Juda king dabe, me dage Jerusalem we bidi dabe, dagego eno po odiąo. Ena dage Israelgo God dao, ena te Tigidali Bomo Elalubo Genuai Bidi, eno po dolo tama obao, te eno dwai nai mu te pesagede pedalumainogo yaibao. Tama tigidali bidigo te sę pedelali po odolama, augwa te dwai noma mu saibao,’ wali.

Jeremaia 9:20

Dage Jerusalem we dabe, Genuai Bidigo po enaba dageba po pusao wali, tama dagego agai poba olo bugagia muao. Dagego duga wegi dabeba te hobede ebo tęąbi wabo kolesaga ola mao. Tama dage we deli deligo te hobede ebo tęąbi wabo kolesaga te gasa we dabeba ola mao.

Jeremaia 7:28

Te nago augwaliba te tiwai po wao, ‘Te dage hanigo te Genuai Bidi, duga Godigo po wali me pisąyu, te Godigo augwali dodolomainu me ebeo. Augwaligo te mu po wabo kolesagadu munu me wali pabeo. Augwaligo te kolesaga mu tagalobo dao.’ Te po wao,” wali.

Jeremaia 6:13

“Tigidali we bidigo te dwai kolesaga haniani eyu, te mone hauwa sabo homu eyu tama tiali. Te olo bidi dabe me, genuai bidi dabego me te kolesaga naga wali pali. Te pris dabego me, te profet dabego me te we bidi tibo po ola mayu yalio.

Jeremaia 4:28

Te pagede naga tama, te tǫgo hobede ebo tęąbi weyu, te dagalu husuga sai pedelaibao. Eno homu kone palama, te sę emainu yali, te eno homu me hasegelabo homu me egobeo. Mu menio,” wali.

Jeremaia 2:4

Dage Jekopgo bulai wąį wai puluba dabe, dage tigidali te Israel hani dao, dagego te Genuai Bidigo te tiwai po odiąo.

Aisaia 66:5

“Dage te wi elama, te Genuai Bidi, eno po dologoba asobo hani dabe, dagego te megi eno dageba pusainu ebo po odao. Dage ena wali asobo bomo yai, tama te duga deli hani dabego te dage godolu mu me isąma, te augwaligo dage tudiba muai. Te augwaligo dageba posobo po weyu, dageba te tiwai po wali, ‘Te Genuai Bidi aga genuai bomo dali asomainu eyu, te dage pemene ilimainao, te tebo dago sueibao.’ Tialima, eno te po obao, te dagego augwali dwai hale mu sabo sueibao, te po wali.

Aisaia 34:8

Te sę pedelaibao, magi baso meni, Genuai Bidigo te boi bidi dabeba te aga taun Jerusalem doliyu, aiyaba elalubo boi bidi dabebolo te dene mabo bodolu mawai dao wai.

Aisaia 28:14

Dage e Jerusalemde we bidi tonalubo we bidi, dagego Genuai Bidigo po odiąo. Dagego homugo Genuai Bidigo po olo nai dao homu ebo.

Aisaia 5:3

Tama tibaso, eno abagigo te po wali, “Dage Juda we bidi, me Jerusalem hanu we bidi, dagego enabolo walao. Te dego tiabo sę yaliwe? Enawe? Ma, eno wain gigo dawe?

Aisaia 1:10

Dage tobolu bidi dabe, me dage Jerusalem we bidi dabe, dage te bidi dwai dabe te hanu Sodom de Gomora side polobadu bidali bidi dabe tiwai mu tama dao. Megi da, dagego olo bugagia munama, tama Godigo bomai po odao, dago Genuai Bidi. Agai dabolo mawainu ebo po bugagia odao.

Te Israel me Juda Hani Sigo Tuni Bidigo Po Elalubo Buku Deli 22:19

Tialima, Mikaiago po wadolama weyu, te tama po wai, “Tialima, megi da, eno homu nago olo bugagia munama, odao, te eno nagebolo te Genuai Bidigo enabolo ola mani nai dabede po waibao. Eno suali, te dagalude Genuai Bidi te aga dugulalubo sia saide dugulaluali, te tigidali mobo bidi ensel dabe aga pąde dolalubo suai dao.

Aisaia 59:4

Dagego te doloba pai po tų me ebeo. Menio. Dagego te tibo po dabe weyu, te po tų odoboba gasa bage dabe kekasa pali. Te dagego tibo po haniani weyu, te po tų ebo dagego po naga odomainu elama, te gasa bage aiyaba elaluai. Te dagego homu kolesagade te dwai sę ebo kolesaga hauwa mu pągąnalu, te dagego dwai sę haniani ebo dao.

Aisaia 59:8

Dagego te haliga nagame elama, dua digi bidibo kolesaga konesiąma, te dagego te Genuai Bidigo godolo ebo doloba pai kolesaga me ebeo. Menio. Te dagego kolesaga dabe dolo me isąwai, te bidi dabego dage te bilibo sunumi wali pobaso da, teda augwali te bugagia haliga nagame elama, bidabo pesage me gegelama, bidabo usu me egobeo.

Jeremaia 9:3

Genuai Bidigo te tiwai po wali, “Sesemane sogo eno we bidi dabego te tibo po wabo sisi elalubo tiwai eyu, te bidigo enesigide te ene nanalubo tiwai ebao. Te mu po wabo kolesaga te augwaligo tǫ kantriba genuai pedalubeo. Te tibo po wabo ugwaba ela holalio. Augwaligo te haniani dwai kolesaga umabo mu ela pidubadi, te augwa konealubo homu enaba me mubeo.”

Jeremaia 51:5

Te Israel me Juda augwa tǫde bidali sogo, augwaligo te dwai sę hauwa te Israelgo God gedude yali, aga magi dwai sę deli munu me isąwai wiegi yai doloba pai kolesaga elalubo God dao. Tiali goli, God, Tigidali Bomo Elalubo Genuai Bidi, agai augwali tudiba mu me musiąma, te wilawe we bidibo tiwai me ebeo.

Joel 1:2

Dage monu dabe we bidigo, odiąo. Te dage tigidali Judago, odao. Eno dageba megi te pedelali nai po hanalu obao. Te tobage nai te polobadu dage bidali sogo me pedelai dawe? Te duga wąį nǫų bidali sogo me pedelai dawe? Eno homugo te menio.

Godigo Nogi Ugwaba Sabo Tęąbi Po Wabo Buku Dabe 81:9

Dagego te gasa hani dabego tibo god wali me pigio. Tama dagego gasa godiba lotu me wagimio. Dagego ena deliba naga lotu waiyąo.

Jeremaia 2:9

Genuai Bidigo te tiwai po wai, “Dagego te tobage dwai kolesaga ebaso, tama ena Genuai Bidi eno te po obao, te eno dage po tų ma ilaibao. Te eno dagego wai dabe dali, duga wąį dabe me po tų eyu, te dagego nosali pedalubo hani dabe me po tų yaibao wali.

Jeremaia 9:7

“Tama ena, Tigidali Bomo Elalubo Genuai Bidi, eno te po obao, suao, te eno ena te we bidi usu saibao, te bidigo silva te siaba ulubo tiwai eyu, te silva aga hogomu pobele bage sela sąbo tiwai yaibao. Te eno we bidi hanigo dwai sęgę sabo sę ebaso, mena gasa sę eno augwaliba yabo me elalubawe? Menio.

Jeremaia 11:7

“Te eno duga wąį nǫų dabe te Isipde selama, odasa asali sogo, eno augwaliba bomai po mayu, te tiwai po wali, te eno po augwaligo wali pao wali. Te sesemane sogo eno te tobage deli po naga dagego hani dabeba udali, te megi e sogoba usu nagasobao.

Esekiel 16:35

Genuai Bidigo po ma weyu, te tama po wali, “Jerusalem, nage penani we da, ena God Genuai Bidigo po odao. Nago naga ugwa dabe pepeda sąnama, tama naga digi naga tigi te godolo ebo tigidali bidiba mobao. Tama nago te kugumini ebo kolesaga wali peyu, te tibo god dabeba lotu obao. Te nago naga wai dabe ela munama, te tibo god dabeba ofa tiwai mabo dao.

Hosea 5:4

“Te Israel dabego te tibo godiba lotu weyu yali, tama te kolesagago augwaligo homu kolesaga dąų walama, tama augwaligo te Genuai Bidi wali me pabo meni, te usu egobeo. Tama augwa te yali dwai kolesagago te augwali paniama, tama augwali te augwa Godiba ma asabo usu isąwai dao.

Hosea 12:3

Augwa wąį nǫų Jekopgo te aga ama dali hwįani, te augwa si idago haligade bidibadi tialio. Nosali Jekop te genuai igulama, tama agai te God dali hwįai dao.

Amos 3:1

Dage Israel, dage tigidali hani Genuai Bidigo dage Isipde ma dobola selama, odasa asali, dagego agai dagebolo mabo po odiąo.