Hosea 2:3 - Godigo dwagi yai po buku

³ Te agai tagalisąbaso da, teda eno aga gudali ugwa tigidali peda sąnama, tama aga tigi olo gagolama, te aga ame nani sogo tiwai tigi olo bidiyu, tama aga hale dwai mu yaibao. Tama eno aga te tǫ wa pai pedalubo tiwai elama, te ni meni ebo tiwai ilaibao, tama te tuabo wę me meni yaibao, tama tebo kolesagago te eno aga dolaibao.

Hosea 2:3 Referans Kwoze

Esekiel 16:22

Nago te penani sę ebo kolesaga me, te dwai kugumini yai kolesaga wali peyu ebao, tama nage te dwasianu wai bǫųde elalubadi, te nageba pedelali sęgę po, te eno nageba mani po nago homu kone palisąwani. Te sogo nage te habu olo mu elalu, te kanemego nage mesega sai elaludu, te nage tǫde bulude uga bebege, eda bebege iduai dao.” Genuai Bidigo te po wai.

Esekiel 19:13

Tama augwaligo te ni te wa pai buluba mu sela pelama, tama augwaligo te ąį meni yai tǫde bulalio.

Jeremaia 13:22

Te nago te magi baso te dwai sę nageba pedalubo te nago koneainogo homu ebaso da, teda nago koneao, te pedalubo te nago dwai sę yali wei ponoyu tebao. Te naga yali dwai sęde naga nago ugwa augwaligo peda sąnama, te augwaligo nageba dwai sę yali.

Kraisgo Geme Dualali Sę Pedelabo Po Jonbolo Ola Mani 17:16

Tama te nogo si gąų nago suali, te dali te dwai hudigi ebo hasa dali augwaligo te penani we dali boi bidi yaibao. Te penani we augwaligo aga mu dolama, tama agai ugwa dabe me tigidali doado bage dolaibao. Tama augwaligo agai tigi mi tuyu, tama aga tigi tigidali siago domainogo ulaibao.

Jeremaia 51:43

Te agai taun dabe tigidali mu dolama, te bulu tǫ kantri olo masigi kemi bulu pesage tiwai pedelaibao. Tama bidi me bidalugobeo, tama bidi augwali tede munu me biligobeo.

Jeremaia 22:6

“Ena Genuai Bidi, eno te Juda kingo bede po elalubao. Be, eno suali, te wiegi yai mu yai, te distrik Gileat me te bulu du pesage Lebanon tiwai elalubao. Tiali goli, eno nage te olo tǫ pedalubo tiwai yaibao, te tǫ wa pai pesage, me te bidi mu meni yai taun tiwai elalueibao.

Jeremaia 17:6

Te wa pai pesage bulu me delide dwasianu ni me deli holai tiwai yaibao. Te pesage bulude te ąį meniama, tǫ te tamu hauwa elalubaso, te ni me nosai tede me hologobeo. Te tobage bidi te bugagia dugulalubo pesage me sogobeo,” wali.

Jeremaia 13:26

Tialima, te ena digi nago gudalubo name ugwa ugwaba dagala palama, te naga gesabidi dualaibao. Tama te bidi dabego nago ugwa olo elalu, hale ebo sę sueibao.

Jeremaia 12:10

“Te gasa tǫ kantri polalubo bidi dabe aselama, te eno wain gi dolaibao. Te augwaligo eno wiegi yai gi agalama, te gi te wa pai pesage naga ilaibao.

Jeremaia 4:26

Eno suai, te tigidali tǫ pedai te tǫ ili elaluali, tiali goli megi da, te olo masigi kemi tǫ naga elaluali. Te tǫde tigidali elaluali taun, augwali te dolai yalio. Genuai Bidigo haliga sębę umabo mu eyu, te sę dabe pedalumainogo ilali.

Jeremaia 2:31

Dage megi bidibo Israel, te Genuai Bidi eno poba olo bugagia muao. Dagego homugo ena te masigi kemi olo pesagede te dwai nai da homu ebo dawe? Ma, ena te be hulia sai pesage me deli mu tiwai da obawe? Te tiwai isąyu da, teda magi baso eno we bidi dagego enabolo te tiwai po weyu, ‘Megi te dena homu wali peyu, tedela paibao. Da te nageba munu ma asogobeo,’ wali.

Jeremaia 2:6

Augwaligo ena homu kone me ebeo. Augwaligo te eno augwali tau sali sęde homu kone me ebeo. Eno augwali te tǫ kantri Isipde selama odasa asiyu, augwaligo te genuai olo bulu pesage tǫ nogeai. Te pesagede te olo masigi kemi tǫ elaluali, tama te dwai bulu pesage dabe elalua pai. Te buluba tulubage tulisąwai pesage elaluai, te bidi dolobo pesage elaluali. Te bidi dabe bilisąwai bulu, te bulude bidi bidisąwai bulu dao.

Aisaia 64:10

Te nago tedali gasagi yai taun dabe te olo bulu dwai tǫ pesage tiwai elalubao, te Jerusalem me mu dolama, tede bidi me bidibeo.

Aisaia 47:3

Te bidi dabego nago ugwa peda sąnama, te nago habu olo elalueibao. Te eno nageba dwai dene wei ponabo sę mu ebaso, te mena bidigo ena me togologobeo,” te po wali.

Aisaia 33:9

Te tǫ hobedai gela weyu, tama aga bomo sia sali. Tama te Lebanon genuai busi hale yali. Magi baso meni. Agai ni dabe sasiyu, ela pobaso. Te Sarongo odogo malu bulu wiegi yai te tǫ wa pelama, tama wę meni yai kemi nai elalubo bulu tiwai yaibao. Tama me, te ni yabe dabe te Basan distrikde holali, me te bulu du Karmelde holali dabe, augwali bogwa pelama, telega peyu yali.

Te Israel Tobolu Bidi Dabe 15:18

Tama Samsongo dogoni te mu wa pali. Tama tibaso, agai Genuai Bidiba i olama, te tiwai wali, “Nago ena naga sę bidi tau sali, tama tialigo eno te boi bidi dabe dali hwįnama, augwali aiyaba elaluali. Magi eyu ebaso, te nago ena megi tagalali. Te enade ąį meniama, tama tiyu ena isabo ąǫ ebao. Tama tiyu, te Genuai Bidi nago po odisąbo bidi dabego ena dolidalio.” Te po wai.

Ma Dobola Sali 17:3

Tiali goli, te we bidi augwali te wę nogonego mu isabo ąǫ ebaso, tama augwaligo po hauwa Moses dali wai. Augwaligo te po wali, “Magi baso nago da Isipde selama, da odasa asai dawe? Nago homugo da dali, te dago wai dabe me, te dago kibu dabe me, da wę menia selama, tama da isimainogo ebawe?”

Hosea 2:10

“Tama eno agai gudali ugwa dabe te agai godolo homu ebo bidi dabego gedude pepeda sąwaibao, te aga tigi bolu olo bidaibao. Tama te bidi me deligo aga eno nogode me dobola sogobeo.

Jeremaia 14:3

Te genuai bidi dabe augwa sę ebo bidi dabe tagala palama, te ąį tugi pao wali. Augwali te ulu wę dabeba pali, tiali goli ąį me elalubeo. Tama augwa te sospen sene olo ma sela pai. Te we bidi dabe augwa homu kone palali dwai mu ebaso, te augwa hale ebaso, augwa gesabidi halua siyu yai dao.

Hosea 13:15

“Te Efraim dabe hauwa mu pedelama, tama te gasa Israel hani aiyaba elaluali, tiali goli eno te posolo yai bomai wali mu te giliga asobo badu tagala palama, tama te waligo augwaligo te ulu wę sula somainu ilaibao. Tama te waligo augwa dwagi yai doado bage sela pela silimainu yaibao,” wali.

Jeremaia 51:5

Te Israel me Juda augwa tǫde bidali sogo, augwaligo te dwai sę hauwa te Israelgo God gedude yali, aga magi dwai sę deli munu me isąwai wiegi yai doloba pai kolesaga elalubo God dao. Tiali goli, God, Tigidali Bomo Elalubo Genuai Bidi, agai augwali tudiba mu me musiąma, te wilawe we bidibo tiwai me ebeo.