Hosea 2:15 - Godigo dwagi yai po buku

¹⁵ Te eno te wain gi dabe agaba ma menama, tama eno augwaligo te odogo nogi yali pesage Te Dwai Sęgę nogi poali pesage te hasegelaibao, tama te wiegi yai nai pedalubo pesage pedelaibao,” wali. “Te pesagede agai te eno po wali peyu, te aga gesi wegi ogwa wede te Isip tǫ taga soyu asali sogo tiwai kolesaga yaibao.

Hosea 2:15 Referans Kwoze

Esekiel 28:26

Tama augwali bugagia bidiyu, augwa be dabe sę eyu, augwa wain gi buluyu yaibao. Tama eno gasa hani bidi dabebolo eno dene mawaibao, te augwaligo te Israel dabe dali dwai sę yali bage. Tama te sogo te Israel dabe augwali bugagia bidiyu, tama augwaligo e tama koneaibao, ena deli naga God augwaligo Genuai Bidi dao homu yaibao,” te po wai.

Jeremaia 2:2

“Nage pelama, Genuai Bidi eno te po te Jerusalem dabeba pusugi pao,” wali. “‘Eno homugo dage homu konealudu, dage eno we bidi hani pedelali sogo dagego duga homu enaba kęą pai. Te sogo dagego ena godolo mu yali, te gesi tamadi sai wego aga bidi godolo mu ebo tiwai yali. Te Isip tǫ kantri tagalama, dagego te dwai masigi kemi olo tǫ bulude, te bidi dabego gi bulusiąwai pesagede bilali goli, te dagego ena wali piduai dao.

Hosea 11:1

Genuai Bidigo po wadolama weyu, te tiwai wali, “Te Israel dabe te dwasianu ogwa wai tiwai digi, eno aga godolo mu elama, te eno aga i olama, te Isip taga soao olama, te eno ogwa bidalio.

Josua 7:26

Tama augwaligo te masigi dabe hauwa te Akan aga we wai puluba dali augwali tigiba te masigi pesage holai. Tama te masigi pesage holali te e po asębo sogo me elalubao. Tama augwaligo te bulu nogi Akor poali, te sęgę pedelai bulu odogo dao. Augwaligo tama tialigo, tama Genuai Bidigo homu kedau ilai dao.

Godigo Sęba Tagala Palai Bidigo Po 14:27

Tama augwali si Antiokba ma sabolama, augwali sigo Jisasgo po wali pabo we bidi dali deliba sisinagasali. Tama augwali sigo te sę yali po augwalibolo pusali, tigidali nai Godigo augwali si tau sali sę me, tama Godigo te Juda hani isąwai we bidi augwaligo agai po konealubo sunumi dayali.

Dwagi Yai Gesi Po Jongo Asęani 10:9

Ena digi ena te tomogai tų tiwai dao. Te kibu sipsip dabe tomogai tomoba pelama, tama bugagia bidiyu, buluba ma soyu, tede nai tuyu elama, bugagia bidibo dao. Te tiwai egilama yaibao, bidi me ena bidibo digi asobaso da, aga Godigo tau selama, ma saibao. Tama te bidi dwagi yai madide bugagia bidaibao, te kibu sipsip bidibo tiwai egilama.

Amos 9:14

Eno te ena we bidi dabe augwa page bulu muba ma odasa paibao. Tama augwa te dolali taun dabe ma geselama, nigilama, tama augwa tede ma bidalueibao. Tama augwa te wain gi ma bulama, te tuabo wain ąį ma nigaibao. Tama augwa te gi nai dabe bulama, te gi dabede nai sela tueibao.

Esekiel 16:60

Tialima, eno digi nago te bolali bomai po dąų wali te eno homu kone me gegeda palogobeo. Tialima, eno gesi bomai po nage dali dąų walama, tama te dąų wali gesi bomai po te sesemane elalua paibao,” wali.

Esekiel 16:22

Nago te penani sę ebo kolesaga me, te dwai kugumini yai kolesaga wali peyu ebao, tama nage te dwasianu wai bǫųde elalubadi, te nageba pedelali sęgę po, te eno nageba mani po nago homu kone palisąwani. Te sogo nage te habu olo mu elalu, te kanemego nage mesega sai elaludu, te nage tǫde bulude uga bebege, eda bebege iduai dao.” Genuai Bidigo te po wai.

Esekiel 16:8

“Tialima, te sogo ena ma aselama, tama eno nage te bidigo sabo usu yai elalubo suali. Tialima, eno nageba dilapi holobo ugwa saket bulama, te nage tigi mesegelali. Te ena God Genuai Bidi, te eno bomai po nage dali olama, te eno nage sabo po dąų olama, te nage eno we pedelai dao.”

Aisaia 65:21

“Te eno we bidi dabego te be dabe sęnama, tede bidalueibao. Te augwa te wain gi dabe bulama, te wain du tabila tuyu, bidaibao.

Sekaraia 9:12

Dagego koneani, te Genuai Bidigo dage tau saibao, tibaso dage te duga page buluba ma aselama, te dage bugagia bidaibao. Dage te sęgę genuai tolali, tiali goli eno te tiwai po obao, eno dage wiegi yai bugagia ilama, tama eno te ebo wiegi yai kolesagago te sęgę aiyaba mu elalueibao.

Te We Bidi Dabego Jerusalem Hagede Gela Wali 3:21

Tiali goli, eno gasa nai me homu kone yali, tama tialigo te tibogo eno Genuai Bidigo ena tau somainu bomo elama, mu tonalubao. Te nai dabe da e dao.

Jeremaia 32:15

Magi baso meni, Israel God, aga te Tigidali Bomo Elalubo Genuai Bidi, agai te po wali, nosali te bidi dabego te be, me tǫ, me wain gi dabe te abelibo sę ma gagalaibao, e tǫ kantride,’ agai te po wai,” eno te po Barukbolo wali.

Godigo Nogi Ugwaba Sabo Tęąbi Po Wabo Buku Dabe 106:12

Genuai Bidigo tama tibaso, tama aga we bidi dabe augwaligo augwa te agai dąų walali poba homu kęą pelama, tama augwa tęąbi wabode te agai nogi ugwaba sabo po walio.

Israel Hanigo Namba 21:17

Tama te sogo te Israel dabego te balia po wali, “Ulu wę, nago wę pedalama soao. Tama dago te sulama, tama dago wiegi yai homu pemene ebo balia po waibao.

Hosea 12:9

Tiali goli, ena God, te duga Genuai Bidi, eno te dagego tibo po koneai. Polobadu eno dage te Isipde selama, odasa asai. Tialima, eno dagego te wiegi yai be dabe tagalumainu elama, te dage ugwa bede ma piagameo wali, te polobadu eno dage dali te masigi kemi tǫde te moni nai daa tuabo sogode deliba gesabidi ununiyu yali tiwai gilama emainu ma yaibao,” po walio.

Aisaia 65:10

Te augwa sipsip dabe, te bulmakau me, te tǫde pągąnalueibao, te Saron te giliga dega sigulubo pedai te odogo pesagede gagalasa pali, te Akor giliga pedalubo badu te odogo tǫba usu nigi paibao. Te augwa nosai hauwa elalu, te nai tuyu, toma neyu, bidaibao. Eno te sę dabe ebo te ena gegebo homu elalubo we bidi dabeba tiaibao,” te po wali.

Hosea 2:12

Te eno te wain ni dabe, me te ni fik kaya ni dabe te bidi dabego aga wei elama, aga mani, te aga mone mabo tiwai yai, te nai dabe eno mu dolaibao. Tama te uni hasa dabego te wain gi dolagaselama, tama te ni kaya fik gi me dolama, te olo bus tiwai pedelaibao,” wali.

Godigo Nogi Ugwaba Sabo Tęąbi Po Wabo Buku Dabe 129:1

Israel, nago dabolo te boi bidi dabego nage dwai mu ilibo sę ebo po pusali, te nage gesi bidide gagalasa, megiba te usu nagasobao.

Jeremaia 2:1

Genuai Bidigo te tiwai po enabolo wali,

Jeremaia 3:4

Megi tama nago enaba i weyu, te tiwai po wali, ‘Genuai Bidio, nage eno Aya dao, te nago ena gesi ogwa wegi elalubadi godolo elama, tama megi e sogoba usu nani,’ wali.

Jeremaia 29:11

Ena Genuai Bidigo, eno te dageba tau sabo sę te homude konea pali. Eno dageba wiegi yai bugagia ilaibao. Eno dageba dwai sę ebo hagela homu ebao. Dagego te eno yabo sę homu koneama, tama dagego te sę pedelabo tonaluao.

Esekiel 28:25

“Ena God Genuai Bidi, eno te po obao. Te eno wiegi yai doloba pai kolesaga te Israel dabe tomode ola mobaso, tama gasa hani bidi dabego sueibao. Te sogo eno te Israel dabe augwali eno te gasa gasa buluba sela sąwani bage deli deli ma oda selama, ma odasa asaibao, tama eno augwa kantriba ma odasa asaibao. Tama augwali augwa tǫde mu tama mu bidaibao, te eno Jekopbolo mani, te tǫ dao, eno sę bidibolo.

Hosea 12:13

Tama te Israel dabe Isipde bidali sogo, Genuai Bidigo te profet me deligo augwali sigi pomainu tagala palama, tama augwaligo te Isip taga soali, te kalabus yali bulu da. Tama te profetgo augwali bugagia tonaluai dao.

Hosea 13:4

Genuai Bidigo te tiwai po wali, “Ena God, duga Genuai Bidi da, eno dage te Isipde selama, tedu eba odasa asai. Ena deli naga, ena duga God dao. Te gasa me menio. Enaduba deligo naga eno dage ma sabo dao.

Te Israel Tobolu Bidi Dabe 8:34

Augwaligo te God, te augwa Genuai Bidi, te homu kone munu ma palubeo, te augwali boi bidi dabego bagua selama tomode bidibadi te augwali tau selama, te boi bidi dabe aiyaba elaluali, te homu augwaligo ma kone palubeo.

Te Israel me Juda Hani Sigo Tuni Bidigo Po Elalubo Buku Deli 16:31

Agai te sęgę sali te king Jeroboamgo sali sęgę tiwai agai me sai, tiali goli agai homugo te da olo bage da homu yali. Tama teyu, agai te we Jesebel sai, te Saidon hanude bidali king bidi Etbalgo wegi sali. Tama agai te tibo god Balba lotu po wabo gagalali, te Saidon hanigo tibo god.