Hosea 13:9 - Godigo dwagi yai po buku

⁹ “Te Israel dabe, te ena deli naga te dage tau sabo usu yaibao. Tiali goli, dagego hagela ebaso, tama eno dage dolaibao. Tama dego dage tau sogowe? Te bidi dabe menio.

Hosea 13:9 Referans Kwoze

Jeremaia 2:17

Te naga digi yali sęgo te sę nageba pedelali. Magi baso meni, ena Genuai Bidi, naga God, eno nage te sunumidu odasa asainu yali, tiali goli, naga hagela eyu, ena tudiba muai dao wai.

Jeremaia 2:19

Naga digi ebo dwai kolesagade te nageba dwai dene mawaibao. Nago ena tudiba mubaso, tama naga te kolesagade nageba wado ilaibao. Nago ena Genuai Bidi tagalu, te nago God, te nago ena dologoba me bidagasobe. Tama nago bugagia homu kone palama, koneao, nago te dwai kolesaga dabe mu ebogo te nageba dwai dene mobao. Ena God, Tigidali Bomo Elalubo Genuai Bidi, eno te po wai dao.”

Bomai Po 33:26

Tama Mosesgo te po wali, “Israel dabe, dago God tiwai gasa god me menio. Agai genuai bomo elaluyu, tama genuai ula tomode bidiyu, tama te dagalu pǫ daidu ugwadu asali, te da tau sainogo.

Hosea 14:1

Te Israel dabe, dage te Godiba ma asiąo, te duga Genuai Bidi dao, magi baso meni, te duga dwai sęgęgo dage tulalumainu yali dao.

Jeremaia 5:25

Tialima, dagego te haniani dwai sę ebo kolesaga ebao, tama duga te ebo kolesagago te wiegi yai nai sabo te paliama, te dagego sabe dao,” wali.

Malakai 1:9

Ae, dage pris, duga te Godiba hanalu te agai wiegi yai sę daba emainu homu yali. Tiali goli, te agai dagego gedu haluasa po me odogobeo, tama te sę yali page dego dawe? Te dugade digi dao. Magi baso meni, dagego agaba te dwai hasa dabe sesiyu, te ofa emainogo yali.

Hosea 13:4

Genuai Bidigo te tiwai po wali, “Ena God, duga Genuai Bidi da, eno dage te Isipde selama, tedu eba odasa asai. Ena deli naga, ena duga God dao. Te gasa me menio. Enaduba deligo naga eno dage ma sabo dao.

Aisaia 3:11

Tiali goli, dwai bidi dabe da, dolaibao. Augwali te dwai pe te augwa yali dwai sęde saibao.

Aisaia 3:9

Te po tų odobode augwaligo augwa godolo ebo bidi dabe naga tau sabo dao, tama gasa bidi dabe aiyaba elalubo dao. Tama te kolesagago augwa digi augwa ma po tų ela mabo dao. Augwali te we bidi dabego gedude dwai sę ebode augwali hale me ebeo, te Sodom bagego polobadu yali gilama. Augwali dolaibao. Augwa dagede augwa dolaibao.

Bugagia Bidibo Kolesagade Po Asęai Buku 8:36

Tiali goli, te ena sisąbo bidi dabe, augwa digi augwa dolaibao. Awe, te ena hagela homu mu ebo bidi dabe augwa isibo sogo godolo ebo dao,” wali.

Bugagia Bidibo Kolesagade Po Asęai Buku 6:32

Tiali goli, te bidigo gasa bidigo we dali pibaso da, te mu geda munama, tama te esela peyu, te mu umuna pabo bidi tiwai ebao. Te kolesaga ebo bidi aga digi aga dolobo dao.

Godigo Nogi Ugwaba Sabo Tęąbi Po Wabo Buku Dabe 146:5

Te bidi me deligo te Jekopgo Godiba homu kęą pelama, te agai aga tau siyu, te God dali kęą pelama, te aga Genuai Bidi da homu eyu da, teda aga pemene emainao.

Godigo Nogi Ugwaba Sabo Tęąbi Po Wabo Buku Dabe 46:1

God aga te da seselalubo bidi da, tama agai sesemane sogo da bomo mabo dao. Aga te pąde bidiyu, te dago genuai sęgę sabo sogo tau sainu sisi elalubo dao.

Godigo Nogi Ugwaba Sabo Tęąbi Po Wabo Buku Dabe 33:20

Te da Genuai Bidigo tau sabo te dago tonalubao. Genuai Bidigo naga da tau sabo da. Aga te hwįbo sabele tiwai elama, tama da agade duala sabo dao.

Bomai Po 33:29

Te Israel dabe, dage wiegi yai homu pemene mu yao. Genuai Bidigo dage tau selama, ma oda sali tiwai, agai gasa we bidi hani me tau sai menio. Genuai Bidi aga digi te dagego awa tiwai elama, me dagego moni ge hwą tiwai dao. Agai dage obo ela selama, tama dagego wąbi hwįbode dagego gasa bidi dabe elalumainu ilibo dao. Dagego boi bidi dabe dageba aselama, tama dagego augwali hobede emainogo dageba gela wagasaibao. Tiali goli, dagego augwali agalama, tama augwali aiyaba elaluaibao,” Mosesgo te po wai.

Jeremaia 4:18

Dagego te dwai kolesaga eyu, dage te dwai sunumidu bilibaso, tama dageba te pedalubo sęgęgo page dabe te dao. Te duga dwai sęgęgo digi duga te dene tolobao, tama te duga homu enelawe togwalubo dao,” wali

Malakai 1:12

Tiali goli, dagego eno alta te olo nai da po weyu, te dagego duga digi homugo godolo isąbo nai dabego enaba ofa yalio. Tialima dagego ena nogi ugwaba me sabeo.

Malakai 1:13

Dagego te tama po wabo dao, ‘Iya, da te ofa ebo hagela ebao.’ Te po wabo dao. Tialima, dagego ena godolo homu meni isąwai. Dagego te bulu uni hasa dabego elai kibu hasa dabe te ofa yali. Dagego te kibu me hasa te gasi yai, ma te sągą dwai sela aselama, ofa ilali. Dagego homugo eno te nai saiba homu elama eba, agawe? Menio.

Tuni Bidi Dabego Po Elalubo Buku Si 28:23

Agai te po wali, “Te Siria dabego god dabego Siria dabe tau sai dao. Tama tialima eno augwaliba ofa eyu da, augwaligo ena tau sogowe?” te po wali. Tama tialima Ahasgo te Siria dabego tibo god dabeba ofa ebo sę iduali, te aga boide aiyaba elaluali bidi hani. Agai te kolesaga dabe yali, tama te agaba me Israel we bidi tigidaliba te genuai sęgę pedelali page dao.

Hosea 7:14

Augwaligo tibo gedu haluasa po enaba wabo dao. Tama augwali te tǫba degasa dulama, tama te dwai gela te Genuai Bidigo po odisąbo bidi haiden dabego wabo tiwai ebo dao. Te augwaligo nai me wain ąį sainu gedu haluasa po wabo sogo, te augwa digi augwa tigi dabe ge hwągo togobo, te haiden eno po wali pisąbo bidi dabego ebo tiwai ebo dao. Augwaligo ena dali hagoma mu ebo dao.

Hosea 7:15

Mu tama, ena digi eno augwali tau sali, te augwali genuai elama te dili emainu ilali, tiali goli augwaligo te enaba dwai sę wei ponabo po mia salio.