Hosea 13:3 - Godigo dwagi yai po buku

³ Tama tialima, te we bidi dabe augwali te kigamu pedalubo dagalu pǫ te olo sia sabo tiwai gilama yaibao wali. Augwali te hulide tulali tulubage segeni te nosade elaluama, te giliga nanu polo sia sabo tiwai ąǫ yaibao. Augwali te wit bo te waligo sela pelama, te besela palobo tiwai yaibao. Tama augwali te sia hano te be pedudu ugwaba holama, te polo silibo tiwai yaibao wali.

Hosea 13:3 Referans Kwoze

Hosea 6:4

Tialima, Genuai Bidigo te tiwai po wei ponani, “Dage Israel, me dage Juda, te eno mena sę dageba yagawe? Te dagego ena godolo homu ebadi, tiali goli dagego sesabi gana elama, te ena godolo homu ebeo. Menio. Te dagego godolo ebo homu te polo tama mu sia siyu yali, te kigamu dagalude te pǫ me hawa pedelama silibo tiwai ebao. Tama te hulide tulali tulubage segeni te nosade elaluali, te giliga nanu te polo wa pabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 1:4

Tiali goli, dwai bidi dabe augwali te tiwai gilama mu menio. Augwali te tubo nai wit bo te waligo selasa pabo tiwai ebo dao, te yalala pai olo nai mu dao.

Godigo Nogi Ugwaba Sabo Tęąbi Po Wabo Buku Dabe 68:2

Waligo te hano sela sąbo dao, te tama tiwai gilama naga Godigo te boi bidi dabe sela sąyu tiaibao. Siago te kandel ili posolo ilibaso, tama ili te wę tiwai pedelaibao. Te tama tiwai naga te dwai sę ebo we bidi dabe te augwali God gedude dolaibao.

Daniel 2:35

Tama te tigidali ain, me tǫ, me bras, me silva, me gol, tigidali te pepeda pelama, tama te wit tigiwali bo te dago sela sąbo tiwai pedelali. Tama te waligo te kakali hogomu selasa pelama, tama te dwasianu hogomu dabe me elalubeo. Tiali goli, te piksa noma elali masigi, te genuai bulu du pedelama, tama te tǫ pedai tigidali mesega salio,” wali.

Aisaia 17:13

Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.

Jopgo Po Asęani Elalubo Buku 21:18

Eno suali, Godigo hauwa sogo augwali te bomai waligo sasi nosai sela sąbo ąǫ ebo menio.

Jopgo Po Asęani Elalubo Buku 30:15

Te haniani sę dabe enaba pedelama, tama ena wi mu ilibao. Eno genuai nogi olo ni yabe tulalubo tiwai elama, te waligo sela pabo tiwai yali. Te ena wiegi yai bugagia bidali sę dali, te eno wiegi yai nai dabe dali, te silali, te dagalude pǫ dabe gasaba sisą sigi pabo tiwai elama, tama te dagalu olo madi pepeli dilide elalubo tiwai ebo dao,” wali.

Sefanaia 2:2

Tiyu, Godigo aga homu sębę haniniyu, dage deli sogo tama te plaua sasia pabo tiwai elama dolidali weyu iyąo. Tiyu, Genuai Bidigo sę yagasiyu, dage isi ulubo tiwai elama ulidali weyu iyąo.

Sekaraia 8:12

Te eno augwali haliga dua tegaluama bidibo sę ilama, te augwa wai gi dabe bulumainu yaibao. Te tulubage hauwa tulama, te augwaligo wain ni du dabe walama, te nai dabe me wiegi yai holaibao. Eno te tigidali wiegi yai sę te dwasianu bidibo hani pedali dali yaibao.