Hosea 13:15 - Godigo dwagi yai po buku

¹⁵ “Te Efraim dabe hauwa mu pedelama, tama te gasa Israel hani aiyaba elaluali, tiali goli eno te posolo yai bomai wali mu te giliga asobo badu tagala palama, tama te waligo augwaligo te ulu wę sula somainu ilaibao. Tama te waligo augwa dwagi yai doado bage sela pela silimainu yaibao,” wali.

Hosea 13:15 Referans Kwoze

Esekiel 19:12

Tiali goli, te bidi dabego wado po weyu, aga maga gudulama, te aga tǫba degelai. Te giliga asobo badu te posolai wali aselama, te agai wai dabe tigidali boga pai. Te bidi dabego te ni nologo tigidali tologolama, tama te ni nologo dabe sasia pali te augwaligo isiba ulai dao.

Esekiel 17:10

“Te bono wiegi yai tǫde elaluali, tiali goli aga bugagia elalu, te genuai holabo usu ebeo. Te posola pai wali te sia ge asobo badu asama, te bono aiyaba elalubaso, tama te bono aga elaluali pesagede sasia paibao,” te po walio.

Jeremaia 4:11

Te boi bidi dabe asobo sogo, Genuai Bidigo te Juda me Jerusalem we bidi dabeba te tiwai po mawaibao wali, “Te posolai wali dabe te tǫ wa pai bulu du dabede hogodaibao, tama wali te eno we bidi dabeba asaibao. Tialima, te wali asobo te dwai kolesaga sela sąwainogo naga me asobeo, te waligo te wit pobele bage hogomu sela sąbo tiwai me egobeo. Menio.

Tigidali Nai Gagalama Nigali Side 49:22

“Josep te bidigo tonalusiąbo donki me deli tiwai. Aga te wę ulu sesegede bidibo donki me deli tiwai. Aga te bulu du pedai badu bidibo, te ogwa bidi hos me deli tiwai dao.

Tigidali Nai Gagalama Nigali Side 41:52

Agai te tiwai po me wali, “Godigo te ena e sęgę sali bulude tau siyu, tama te agai enabolo te gasa wai me mani.” Tama tibaso, agai te aga tomo ogwa nogi te Efraim poali.

Nahum 2:9

Te boi bidi dabe augwa hasiba digi te po obao, “Ae, tegobao, te tigidali silva me gol tigidali sao,” po obao. “Magi baso meni, te augwaligo taunde te wiegi wiegi yai sawi yai nai pągąnaluai dao,” wabo.

Hosea 10:1

Te Israel dabego doado bage hauwa elalu, tama augwali te nai hauwa mu walobo wiegi yai ni wain tiwai yalio. Augwaligo te wiegi yai nai doado bage umabo mu pedelama, tialima augwa te tibo godigo alta, me ni pos te umabo umabo digi nigilama, tama augwa te ni pos bugagia mu me au ilai dao.

Hosea 9:11

Te Israelgo bomo te ba bola pabo tiwai elama, augwaligo bomo hagawaibao, tama silaibao. Tama te we dabe sibigo te haliga me isąma, te wai me ame nogobeo,” wali.

Hosea 4:19

Tialima, odao. Te eno augwali te bomai waligo te pobele bage hogomu tolasa pelama sągi pabo tiwai eyu, tama augwali dolaibao. Tama augwa te tibo godiba ofa yali homu kone palama, tama te augwali hale dwai mu yaibao,” Genuai Bidigo te po wai.

Daniel 11:8

Agai te augwaligo tibo god dabego piksa dali, te tibo god augwa wiegi yai doado bage dabe dali, tigidali saibao, te augwaligo gol me silvago nigali. Tama agai te tigidali nai doado bage te Isipba sela paibao. Te hwįsąbadi kibu be meba bidaibao,

Jeremaia 51:36

Tialima, Genuai Bidigo te tiwai po wai, “Jerusalem, odao. Mu tama, te eno nage tau selama, te Babilon dabego nageba yali dwai sę dabe wei ponaibao. Eno te Babilonde elalubo wę tigidali sula somainogo yaibao.

Jeremaia 20:5

Tama eno te boi bidi dabego te taunde tigidali mone somainogo ilaibao, te we bidi dabego wiegi wiegi yai tigidali doado bage, me te Juda king dabego mone doado bage saibao. Te boi bidi dabego hwįbo bomo elama, te tigidali nai gigilama, te Babilonba selasa paibao.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Aisaia 17:13

Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.

Aisaia 14:21

Tama tibaso, agai wai bǫų dabe odasa aselama, ela muagasao, te aga ayago yali dwai sę, me augwa wąį dabego yali dwai sę wei ponoyu tama yao. Tama augwali deli me bidama, tama tuni bidi nigilama, tama bulu dabe tonaluyu, tama hanu dabe tigidali bulude dabe ma nigilamuo.”

Godigo Nogi Ugwaba Sabo Tęąbi Po Wabo Buku Dabe 109:13

Eno homugo te agai wai dabe isimainu homu ebao, tama te nosali pedalubo hani dabego te bidigo nogide homu kone me isiąyu me egobeo.

Godigo Nogi Ugwaba Sabo Tęąbi Po Wabo Buku Dabe 1:4

Tiali goli, dwai bidi dabe augwali te tiwai gilama mu menio. Augwali te tubo nai wit bo te waligo selasa pabo tiwai ebo dao, te yalala pai olo nai mu dao.

Jopgo Po Asęani Elalubo Buku 18:16

Dwai kolesaga ebo bidi dabe da, mu sia saibao, te ni aga pedali dali, nologo dali si sasia pelama, damua pabo tiwai yaibao.

Bomai Po 33:17

Te Josep hani augwali bomo elalubo, te bulu uni kau kibugo tobolude gąų holai tiwai elalubao. Te Josepgo ogwa me Manase, te hani we bidi augwali te kau kibugo tobolu gąų me deli tiwai dao. Tama me te Josepgo gasa ogwa Efraim aga we bidi hani tausen hauwa te kau kibugo me tobolu gąų tiwai dao. Tama te tobolu gąų sigo te gasa we bidi hani enebo dao, tama augwali popogolo pelama, te tǫ sabiba usu nigi paibao,” wali.

Tigidali Nai Gagalama Nigali Side 48:19

Tiali goli, aga ayago te agai po wali me pabeo. Menio. Agai te tiwai po Josepbolo wali, “Eno koneani, ogwao. Eno koneanio. Te Manasego hani wąį dabe te augwali hani me te genuai pedelaibao. Tiali goli, te aga ama sabi bidi da, te genuai bidi pedelaibao. Tama agai wąį dabe te augwaligo te Manasego hani te aiyaba elaluama, tama augwali te genuai hani bidi sibi mu pedelaibao,” wali.

Tigidali Nai Gagalama Nigali Side 41:6

Nosali te gasa a naga olama, me badu si yuyu te pedelali. Augwali te dwasianu ebaso, tama te bulude posolo yai waligo te augwali ulali.

Aisaia 27:8

Genuai Bidigo aga we bidi agai augwali kalabusiba tagala palali sogo, augwali dene mawai dao. Agai te bomai wali te giliga asobo badu asiyu, te haniani nai dabe selasa pabo tiwai yali gilama, agai aga we bidi aga bomai waligo augwali sela sąyagasai dao.

Jeremaia 4:12

Te wali te bomai wali, tama te waligo augwali mu dolaibao. Ena digi eno po obaso, te wali asaibao, magi baso meni, eno te we bidi dabe po tų ilama, te megi da eno augwaliba dwai dene mawaibao,” wali.

Jeremaia 51:1

Genuai Bidigo e tiwai po wali, “Suao! Eno te bidi hani mebago homu hodolama, te nai hauwa dolomainogo yaibao, augwali te bomai wali tiwai asama, te tǫ kantri Babilon me aga we bidi dabeba hwįaibao.

Hosea 2:3

Te agai tagalisąbaso da, teda eno aga gudali ugwa tigidali peda sąnama, tama aga tigi olo gagolama, te aga ame nani sogo tiwai tigi olo bidiyu, tama aga hale dwai mu yaibao. Tama eno aga te tǫ wa pai pedalubo tiwai elama, te ni meni ebo tiwai ilaibao, tama te tuabo wę me meni yaibao, tama tebo kolesagago te eno aga dolaibao.

Jona 4:8

Tama nosali giliga bomo elama pedelama, tama Godigo posolo yai wali te giliga pedalubo badu tagala palali. Tama Jona tobolude giliga doliyu, tama aga gedu ayǫge elama, tama aga tulaluainu yalio. Tama Jonago te homu yai, ‘Te isaio. Te ena isiyu da, te dwagi yai da. Tama ena isisąyu da, te dwagi yai egobeo,’ agai te homu yai.

Tigidali Nai Gagalama Nigali Side 41:23

Nosali te gasa a naga olama, me si te yuyu sia pedelali. Augwali te dwasianu holama, tama te bulude posolo yai waligo augwali ulama, tama sasia pali.