Hosea 13:14 - Godigo dwagi yai po buku

¹⁴ Tiali goli, nosali eno te Israel bage te isali bidi dabego pesagede ma saibao. Isibo, ena te dwai nai tiwai pedelama, tama nage ela mu silaibao. Te isai bidigo pesage, ena te moni dwai gasi tiwai pedelama, tama nage dwai mu dolaibao. Eno te Israel dabeba te olo tau sabo wiegi yai homu kolesagago tau me sogobeo,” wali.

Hosea 13:14 Referans Kwoze

Aisaia 25:8

Agai te isibo me silama, tama augwali me isibo sę me egobeo. God Genuai Bidigo augwaligo gela ųga sia sąnama, tama augwaligo gedu ąį wa sąwaibao. Te we bidigo gedu ąį menia saibao. Tama agai aga we bidi tigidali tǫde bidibo we bidigo hale me sia sąwaibao. Genuai Bidigo te sę yabo po polo wai dao.

Kraisgo Geme Dualali Sę Pedelabo Po Jonbolo Ola Mani 21:4

Tama agai augwaligo gedude elalubo gedu ąį omainogo deli deli hola sąwaibao. Tama te we bidi dabe augwali ma isigobeo, tama augwali homu sęgę ma isiąma, tama augwali gela weyu dene eyu ma egobeo. Tama te polobadu elaluali kolesaga tigidali pela silai dao,” te po wai.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

Godigo Nogi Ugwaba Sabo Tęąbi Po Wabo Buku Dabe 49:15

Tiali goli, Godigo ena ma saibao, tama isibo bidigo bulude te agai bomogo ena dąų wabo usu egobeo.

Godigo Nogi Ugwaba Sabo Tęąbi Po Wabo Buku Dabe 30:3

Genuai Bidi, ena isibo bidi tiwai yai digi, tama nago ena ma hodolali. Ena te isai bidi dabego pesageba dulali. Tiali goli, nago enaba te bidibo ula ma mawai dao.

Jopgo Po Asęani Elalubo Buku 33:24

Tama ensel bidigo te bidi hobede ebaso, tama Godibolo e tama hanalu waibao, ‘Nago te bidi hobede elama, tama te bidi isibo bidigo buluba pomainu sula tagalamo,’ te po waibao. ‘Magi baso meni. Eno polo gegali, te bidi ma usu ilabo sunumi elalubao,’ ensel bidigo te po Godibolo waibao.

Polgo Po Pas Rom Dabeba Asęani 11:29

Tama tiyu, te Godigo agai te bidibolo olo mani wiegi yai naide te enabolo ma mao po munu me wagobeo. Agai te bidi sa munama tama i obaso da, teda agai homu te sęde me nosali ma hasegelegobeo.

Godigo Nogi Ugwaba Sabo Tęąbi Po Wabo Buku Dabe 86:13

Magi baso meni, nago sesemane sogo ena wei mu ebo dao. Nago ena te isabode ma dobola selama, tama ena te isibo bidi dabego pesageba pabeo.

Godigo Nogi Ugwaba Sabo Tęąbi Po Wabo Buku Dabe 16:10

Magi baso meni, nago ena te isai bidigo bulude bidimainu tagala palogobeo. Tama nago naga tedali gasagi yai bidi aga te gų pagede damua pomainao wagobeo.

1 Samuel 15:29

Nago homugo Godigo te e po hasegelaiba te homu me elamuo. Mu menio. God, te da Israel dabego wiegi yai ula yai bomo agade elalubao, tama agai tibo po me wagobe, ma agai homu me hasegeligobeo. Menio. God te da bidi tiwai meni, tama tiyu agai wali po ma hasegeligobeo,” wali.

Kraisgo Geme Dualali Sę Pedelabo Po Jonbolo Ola Mani 20:13

Tama te tamu ąįde isali bidi tigidali te ma pedalali, tama te isibo kolesaga dali te isai bage osogo bidibo sao dedage page te side bidali bage augwali ma pedalali. Tama te po tų ebo bidi agai te tigidali deli deli bidi po tųde dagalali, te augwaligo yali kolesagade te sogo naga dagalai dao.

1 Tesalonaika 4:14

Da tigidaligo te Jisas aga isilama, tama ma hodaloai dao, te dago te mu po da homu eyu, konealubo dao. Tama tibaso, da tigidali Jisas dali wadoloyu bidibaso, dago e po me konealubo dao, te Godigo te Jisasgo bomode te agai po wali pelama isali we bidi Jisas aga dali ma hodasa sela asaibao.

2 Korin 5:4

Awe, da e osogo bidabo ugwa bede me bidaludu, tama da sęgę siyu gela weyu bidibao. Te dago poloba tigi tagalainogo homu eyu me wabeo. Menio. Dago homugo dago gesi tigi mubode, te gesi ugwa tiwai elama, teda te isibo tigi te aga bidibo ula somainogo ebo dao.

Polgo Po Pas Rom Dabeba Asęani 11:15

Edao. Godigo te Juda dabe augwali sela sąnama, tama tede agai te tigidali tǫde bidibo bidi selama, tama augwaligo deli homu aga dali pedalabo tų dawai. Te dwagi yai kolesaga dao. Tiali goli, Godigo te Juda dabe augwali ma sabo si, te wiegi yai mu yaibao, te isali bidi aga gų pagede ma hodalobo tiwai yaibao.

Malakai 3:6

Genuai Bidigo po ma weyu, te po wai, “Ena naga ena Genuai Bidi, tama eno homu kolesaga me hasegeligobeo. Tama tibaso, dage te Jekopgo bulai wąįgo wai dabe, dage tigidali me hagabe dao.

Hosea 6:2

Nosali te si sogo, ma sela sogo bidama, tama te agai da hodolama, tama te aga dali bugagia bidaibao.

Godigo Nogi Ugwaba Sabo Tęąbi Po Wabo Buku Dabe 71:20

Nago te deli tigi poai sęgę enaba tagala palali. Tiali digi, eno koneai, te nago ena ma dąų walainu yai. Te ena gų pageba pidali weyu, te nago ena ma hodolaibao.

Israel Hanigo Namba 23:19

God da, aga te tǫde bidi mu menio. Godigo da bidigo yali gilama ili po me wabo menio. Agai homu da bidigo yali gilama me hasegelebo menio. Mu menio. Te agai magi sę me yainogo eyu, po dąų wali da, teda agai tama ebo dao. Agai te po wabogo naga te sę tama pedalobo dao.

Filipai 3:21

Magi baso meni. Agai bomo te gasa tigidali bomo aiyaba elalubo dao. Tama agai bomogo agai tigidali nai deliba sisinama, tama aga dologoba muabo te bomo tede usu dao. Tama aga tǫba ma asama, tama dago bomo meni yai polo isibo tigi, te tigi agai bomogo hasegelaibao, tama dago tigi aga wiegi yai ula elalubo tigi tiwai si pedalaibao.

Jeremaia 15:6

Ena Genuai Bidi, eno po dolo tama obao, naga digi ena tudiba mudu, te ena digibulu pali. Tama tibaso, te ena digi ena nogogo te nage elama dolobao. Hauwa sogo eno nage hobede yali, tiali goli megi ena hagela pai dao.

Kraisgo Geme Dualali Sę Pedelabo Po Jonbolo Ola Mani 6:8

Te po obaso eno tonono ma bilali, tama eno sewa yai kibu hos me deli asobo suali. Tama bidi te kibu hosde dulaluali, tama te bidi aga nogi isibo kolesaga da wali. Tama isai bidi bidibo madi aga wali asai. Tama augwaligo te we bidi hani tigidali tomode buguluyu, tama hani me si me si nigilali. Tama augwali sibolo augwaligo te hani dabe tonalubo bomo mawai. Tama te bomogo augwali sigo te we bidi me habu badu ela muao wali, te poa pai ge hwągo hwįbogo ela muainogo, tama te nai nasi me eyu, te haniani gasi me eyu, tama te tǫde bidibo haniani uni hasago me ela tuyu tama elama augwali sigo te bomo selama, te we bidi me habu badu ela muao wali.

Jeremaia 20:16

Eno homugo te bidi dolomaina homu yali, te Genuai Bidigo te taun dabe dolali tiwai gilama emainogo yai. Genuai Bidigo te taun dabeba te olo mu tau mabo wiegi yai kolesaga me elamu da homu yalio. Menio. Te kigamu mu te we bidi dabego te boi bidi sulama, te augwali dwai gela mu wali. Tama te giliga tomo yagasobode, te boi bidi dabe te taun tomoba aselama, te i bomonama weyu, hwįnao wali. Eno homugo te bidi te yali deli kolesagago dolomainogo homu yali.

Jeremaia 31:35

Genuai Bidigo giliga muani te ula momainogo yali, tama agai polua me hǫ dabe dąį ilali, te hulide ula momainogo muani. Agai te tamu ąį hodolobaso, te genuai ąį dini pedalu, te genuai u wabo. Aga nogi e tiwai, Tigidali Bomo Elalubo Genuai Bidi dao. Agai te tama po wai,

Esekiel 37:9

Tama nosali Genuai Bidigo enabolo te po wali “Tǫde bidi, nago eno po te walibolo e tama po pusao, ‘Godigo te po wali, wali, nage tigidali badu aselama, tama nago te boi bidigo elai bidi dabe te mobo mao, tama augwali bidibo mobo ma somainu yao.’ Te po wao,” wali.

Jopgo Po Asęani Elalubo Buku 41:22

“Agai mage dila pai mu dao. Tama bidi dabego aga subo si da, augwali wi genuai mu ebo dao.

Godigo Nogi Ugwaba Sabo Tęąbi Po Wabo Buku Dabe 49:16

Niwai bidi me agai masigi hauwa selama, tama genuai be sęnama, tama te bede dwagi yai nai hauwa elaluai, tagalao, nago te nai sulama, godolo igio.

Hosea 7:10

Te Israel dabe augwa hagoma ebo kolesagago digi augwa po tų ilali, tiali goli te augwa homu begelama, te augwa Genuai Bidi, God enaba ma asobeo. Mu tama, augwaligo ena kegasa asobeo.