Hosea 12:5 - Godigo dwagi yai po buku

⁵ Te Jekop dali po miani God, aga te Tigidali Bomo Elalubo Genuai Bidi dao. Dago aga nogi te tiwai wao, Genuai Bidi dao.

Hosea 12:5 Referans Kwoze

Ma Dobola Sali 3:15

Nago tama po te Israel we bidi dali weyu, te Yawe Genuai Bidi, aga te dagego wąį dabe augwaligo God, te Abraham, me Aisak, me Jekop, te agai nage tagala palama, tama nage augwali bidibo digi asai dao po wao.” Tama Godigo po Moses dali ma wali, “Eno nogi Genuai Bidi, te eno nogi sesemane bidada pabo sogo, tama nosali pedalobo wąį dabe augwaligo ena nogi tama nogi yaibao.”

Aisaia 42:8

“Ena naga ena Genuai Bidi. Genuai Bidi, te eno nogi dao, tama dagego genuai nogi ena deliba naga maiąo. Dagego te tibo god dabego nogi ugwaba me sigio, te bidi dabe augwa digi nigai dao.

Godigo Nogi Ugwaba Sabo Tęąbi Po Wabo Buku Dabe 135:13

Genuai Bidi, sesemane sogo te we bidi dabego te nage koneama, te naga digi nage te God da homu yaibao. Tama te nosali pedalubo hani dabe, augwaligo me te nage homu konealuaibao.

Tigidali Nai Gagalama Nigali Side 32:30

Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.

Tigidali Nai Gagalama Nigali Side 28:16

Jekop te pila muani hodalu, tama po wai, “Eno Yawe te e bulude bidibo me konesiąwai. Tiali goli, mu tama aga bidibao.”

Godigo Nogi Ugwaba Sabo Tęąbi Po Wabo Buku Dabe 30:4

Dage te Genuai Bidi dali homu kęą pai we bidi, dagego te aga nogi ugwaba sabo tęąbi po wao. Aga da, te dwai sę isąbo tedali gasagi yai God mu dao. Tama agade me, te agai yali sę tigidali homu koneama, tama agaba usu da po weyu, gedu haluasa po wao.

Tigidali Nai Gagalama Nigali Side 35:9

Te Jekop te Mesopotemiade bidali ma asobo sogode, God te agaba ma pedelama, tama agaba dwagi yai sę pedelabo po te agabolo mawai.