Hosea 12:13 - Godigo dwagi yai po buku

¹³ Tama te Israel dabe Isipde bidali sogo, Genuai Bidigo te profet me deligo augwali sigi pomainu tagala palama, tama augwaligo te Isip taga soali, te kalabus yali bulu da. Tama te profetgo augwali bugagia tonaluai dao.

Hosea 12:13 Referans Kwoze

Godigo Nogi Ugwaba Sabo Tęąbi Po Wabo Buku Dabe 77:20

Nage te tonalubo bidi mu tiwai elama, tama nage polasa pobaso, tama te we bidi dabe nage wali pelawai. Nago sę te Moses de Aron sibolo menama, tama augwali sigo te augwali tonaluai dao.

Maika 6:4

“Eno tama te eno dage kalabus togolama, te dage Isipde selama, te dage odasa asali. Tama eno te Moses nigilali, me Aron, me Miriam me, te tama bage polasa peyu, te dage sunumi ola mawai dao.

Ma Dobola Sali 13:3

Mosesgo te we bidi augwalibolo te po wai, “Dage te Isipde bidali, te kalabus sę ebo bulu dao. Tama aga bomogo digi, Genuai Bidigo dage Isip bulude selama, odasa asai. Tama tibaso, tigidali kibu be dagego agai te tama tiali side homugo koneama, tama dagego te bo dai nai bret dali tugio.

1 Samuel 12:8

Tama tiwai dao. Te wąį monu Jekop te aga we wai dabe dali te Isip tǫba pelama bidigi pali sogo, te Isip bulu bidi dabego te duga wąį nǫų dabeba dwai sę mu yali. Tama tibaso, te augwali tau somainu Genuai Bidiba gela wali, tama agai te Moses dali Aron si augwaliba tagala palali. Tama augwali sigo te wąį nǫų dabe te Isip tǫde selama, tama augwali odasa aselama, te tǫ pedaiba bidagasomainu yai dao,” wali.

Ma Dobola Sali 14:19

Te Godigo Ensel Mobo Bidi te Israel hani dabe polasa pabo bidi, tama augwali tede tagalama, aga augwali nosali pai. Tama te Israel dabe pabo tedu polasa pabo pǫ, te me geasa te augwali tudi badu ma doligi sai.

Israel Hanigo Namba 12:8

Tialima, eno aga dali po wabo te bidigo aga abagi dali po wabo tiwai wabo dao. Tama eno po agabolo hanilama mu wabo dao, eno po begelama, po digi pogo me wabo menio. Te me agai ena dwasianu suai dao. Tama dage sigo magi baso mu Moses dali dwai po wabo wi ebewe? Te eno sę bidi dali.” Te po wai.

Hosea 2:15

Te eno te wain gi dabe agaba ma menama, tama eno augwaligo te odogo nogi yali pesage Te Dwai Sęgę nogi poali pesage te hasegelaibao, tama te wiegi yai nai pedalubo pesage pedelaibao,” wali. “Te pesagede agai te eno po wali peyu, te aga gesi wegi ogwa wede te Isip tǫ taga soyu asali sogo tiwai kolesaga yaibao.

Hosea 11:1

Genuai Bidigo po wadolama weyu, te tiwai wali, “Te Israel dabe te dwasianu ogwa wai tiwai digi, eno aga godolo mu elama, te eno aga i olama, te Isip taga soao olama, te eno ogwa bidalio.

Tigidali Nai Gagalama Nigali Side 28:2

Nage sisi elama, tama nage te Mesopotemia tǫ, te Betuel tego buluba pao, aga te nago idago aya da. Tama nago te naga idago abe Labango wegi me deli sao.

Tigidali Nai Gagalama Nigali Side 29:20

Tama tibaso, Jekopgo te Resel sainu, te kibu be a naga me badu si, te tama sę iduai. Tama Jekopgo te kibu be a naga me badu si te agai homu kone palali te yadela pali, magi baso meni, agai te Resel godolo mu yai.

Bomai Po 26:5

Tialima, Godigo gesabidide dagego e tama po wao, ‘Eno wąį da, te aga te Aram bidi dao, tama aga page bulu mu tagalama, subigila bilai dao. Tama nosali aga we wai puluba selama, augwali Isip buluba bidigi pai dao. Augwali te Isip buluba pali sogo, augwali te dwasianu hani naga dao. Tiali goli, augwali genuai hani mu pedelama, tama augwali boma pai hani mu pedelalio.