Hosea 11:9 - Godigo dwagi yai po buku

⁹ “Eno dageba haliga sębę yali, tiali goli eno dageba te dwai dene da me magobeo. Magi baso meni, eno kolesaga te bidigo kolesaga tiwai menio. Ena God, te eno kolesaga tedali gasagi yai elalubao, tiali goli ena te dage dali bidibao. Eno wado elama, te eno dage doloyu da me egobeo,” wabo dao.

Hosea 11:9 Referans Kwoze

Israel Hanigo Namba 23:19

God da, aga te tǫde bidi mu menio. Godigo da bidigo yali gilama ili po me wabo menio. Agai homu da bidigo yali gilama me hasegelebo menio. Mu menio. Te agai magi sę me yainogo eyu, po dąų wali da, teda agai tama ebo dao. Agai te po wabogo naga te sę tama pedalobo dao.

Jeremaia 30:11

Ena Genuai Bidi, ena dage dali bidibao, te dage tau saibao. Dagego te dwai sę yali dao. Tama eno dage dodolobo sę igi menigi da, te dolo menigi da. Tama tibaso, eno dage e tǫde sela sąwaibao. Te eno dage augwali tomoba te tagala palobaso bidigi pali tǫ pedai kantri dabe te mu silaibao. Tialima, te dage eno me silimainogo egobeo. Mu tama, te eno dwai dene dagebolo mawaibao, tialima, eno te doloba pai kolesaga naga wali peyu, te eno dage dodolaibao,” wali.

Aisaia 12:6

Israel dabego God aga te Wiegi Yai Doloba Pai Kolesaga Naga Ebo God dao. Aga genuai nogi elalubo. Tama aga dage Saion we bidi dabe dali bidibao. Tama tibaso, dage wiegi yai homu iyąo. Tama i bomona weyu, agaba balia po wao.” Te aga hani we bidi ma sisinibo sogo dagego te balia po waibao.

Malakai 3:6

Genuai Bidigo po ma weyu, te po wai, “Ena naga ena Genuai Bidi, tama eno homu kolesaga me hasegeligobeo. Tama tibaso, dage te Jekopgo bulai wąįgo wai dabe, dage tigidali me hagabe dao.

Hosea 14:4

Genuai Bidigo te po wai, “Tialima, ena te tagalali we bidi dabe eno ma dobola saibao. Te eno haligago augwali godolo mu eyu, te eno augwaliba wado yabo homu begelama, munu me egobeo.

2 Samuel 20:10

Tama Joapgo te bainat hwą me deli te pobase nogode tolaluali, tiali goli Amasago te bainat hwą subeo. Tama Joapgo Amasago haligade te hwągo enama, tama agai haliga tigidali dįąsa soyu, te tǫba tulaluama, tama polo tama aga isai. Tama tibaso, Joapgo te hwągo aga ma enebeo. Joapgo te Amasa ela munama da, teda aga dali, te aga ama Abisai, augwali sigo te Seba pobeasa palio.

Aisaia 48:9

“Eno dageba haliga sębę mu elama, eno dage silabo homu yali, tiali goli sesemane sogo eno ena genuai nogiba homu kone palama, te eno haliga sębę homu aiyaba tamugulali, te we bidi dabego eno nogi ugwaba somainu tiai dao.

Godigo Nogi Ugwaba Sabo Tęąbi Po Wabo Buku Dabe 78:38

Tiali goli, Godigo te olo tau mabo wiegi yai kolesaga augwaliba elama, tama augwaligo te dwai sęgę sela sąwani, tama agai augwali me dolobeo. Hauwa sogo te agai wado yali, te palia selama elalu, tama augwaliba haliga sębę me ebeo.

1 Samuel 26:8

Tialima, Abisaigo Devitbolo te tama po wai, “Megi da, te Godigo nago boi bidi te nago nogoba muanio. Te eno aga te aga sesemone enego digi enemainu eyu, te tǫba dąų walumainu ilao. Te eno aga deli sogo naga enama, tama aga isaibao. Eno aga si sogo me enegobeo,” wali.

Bomai Po 13:17

Dagego te hanude nai deli me selamo dao. Te isigo sese dela silimainogo sula tagalao. Tama tiyu da, Genuai Bidigo sębę tagalama, dage hobede yaibao. Tama agai dage hani genuai mu pedalomainogo yaibao, te agai dagego wąį dabe dali polobadu po dąų walali gilama tiaibao.

Godigo Nogi Ugwaba Sabo Tęąbi Po Wabo Buku Dabe 46:5

God te taunde bidibao, tama tiyu, te taun munu me dologobeo. Te be posisąbadi, tama te Godigo aga tau saibao.

Aisaia 5:24

Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Jeremaia 26:3

Te nago eno po tigidali bugagia pusubaso da, teda te we bidi deli deligo nago poba olo bugagia munama, te homu begelama, te augwa ebo dwai kolesaga tagalaibawe, te dago sueibao. Augwaligo tama tiyu da, teda eno homu hasegelama, te eno augwaliba yainogo yali sę tagalaibao, te augwa yali dwai kolesaga wei ponainu tiaibao.

Godigo Nogi Ugwaba Sabo Tęąbi Po Wabo Buku Dabe 85:4

God, nago da ma selama, megi da, nago da te nagaba odasa ma pao. Ya, nago dabolo wado ma igio.

Hosea 12:1

Genuai Bidigo te po wai, “Te Israel dabego tigidali sę te giligade me hulide yali, te augwa digi dolabo dwai sę yalio. Te tibo po wabo kolesaga, me hwįbo kolesaga te augwali tomode genuai pedelali. Augwaligo te Asiria dabe dali sę yabo po mia sali. Me ma, augwa te bisnis sę te ni oliv welgo elama, te Isipba tolama, te Isip dabego abelali.”