Hosea 1:4 - Godigo dwagi yai po buku

⁴ Tama Genuai Bidigo te po wali, “Nago aga nogi ‘Jesril’ poao,” wali, “magi baso meni, te Israel king bidigo wąį nǫų Jehugo te king bidi si polobadu ela muai, te Jesril bulude. Tama te ogwa nogi Jesril poabogo eno te megi bidibo Israel kingba dąį ilibo sę tiwai ebao, te eno agaba dwai dene tamadi tama mawaibao, te Jehugo yali dwai sę wei ponoyu tiaibao, te aga wąį nǫų dao. Tama eno te Jehugo hani king pedalumainu me egobeo.

Hosea 1:4 Referans Kwoze

Hosea 1:9

Tama Genuai Bidigo Hoseabolo te tiwai po wai, “Nago aga nogi e tama poao,” wali, “‘Eno Menio’. Magi baso meni, dage Israel dabe eno we bidi menio. Tama ena dagego God bidigobeo,” wali.

Hosea 1:6

Nosali Gomer te haliga ma elama, te wegi ame nai. Tama Genuai Bidigo Hoseabolo te tiwai po wai, “Aga nogi e tiwai nogi yao, ‘Eno Aga Godolo Ebo Menio’. Magi baso meni, eno te Israel dabe godolo homu me egobeo, tama eno augwaligo sęgę me sela sągobeo.

Esekiel 23:31

Nago naga amago dwai kolesaga ebo wali pobaso, te eno nageba dwai dene mabo te agabolo mani dwai dene tiwai mawaibao,” walio.

Esekiel 23:10

Te augwaligo agai ugwa peda sąnama, te aga habu olo mu bidali. Tama augwaligo Ohola te bainat hwągo ela munama, te agai wai naga tigidali sali. Te we dabe sibigo te tiwai sę te we Oholaba pedelali po mibo odama, tama augwa te po wali, ‘Agai te aga yali dwai kolesagade sęgę tolobo sę yai dao.’ Augwaligo te po wali.”

Jeremaia 23:2

Tama tibaso, ena Genuai Bidi, ena duga Israelgo God, eno po dolo te dage eno bidi tonalubo sę ebo bidi dabeba obao. Dagego eno sipsip dabe ela gudulama, te augwali pobelama, besela palio. Dagego augwali bugagia me tonalubeo. Tibaso, ena Genuai Bidi, eno po dolo obao, te dage eno bugagia tonalu, te dagego yali dwai kolesaga wei ponainogo tebo dao.

Jeremaia 3:8

Israelgo we bidi dali bidibo tiwai elaluali, te togwali sogo te penani kolesaga hauwa mu ebaso, eno te bidigo we tagalobo pepa asęnama, te eno agaba menama, te aga sela sąwai. Aga ama, Juda da, agai tebo suali, tiali goli, aga wi dwasianu me ebeo. Menio. Tama eno suali, aga me pelama, te penani sę ebo kolesaga ela bilali.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Te Israel me Juda Hani Sigo Tuni Bidigo Po Elalubo Buku Si 15:29

Te bidi Peka king bidibo sogo, te Tiklat Pileser, te Asiria king bidi, augwali asama, te Israel hani dali boi hwįagaselama, tama augwali aiyaba elaluama, tama te Asiria hanigo te taun tigidali sesa pali, me te taun Ijon sali, me te taun Abel Betmaka, tama me te taun Janoa, tama me te taun Kedes, tama me te taun Hasor, tama te genuai distrik Gileat, tama me te moni distrik Galili me, tama te Naptali hanigo tigidali tǫ pedai dabe me, te Asiria hanigo sali. Tama te bulu we bidi dabe augwaligo selama, tama te Asiria digibulu buluba kalabus mugi pali.

Te Israel me Juda Hani Sigo Tuni Bidigo Po Elalubo Buku Si 10:17

Augwali te Samaria buluba sabolali, tama te Jehugo te bulude te Ahapgo hani gasa me badu te bulude bidali bidi dabe tigidali elama, isilali. Agai te bidi dabe elama, mu silali, tama te tialigo te Genuai Bidigo polobadu te profet Elaijabolo mani te poba usu na silali.

Dwagi Yai Gesi Po Jongo Asęani 1:42

Tama Andru agai aga ama Saimon odasa, Jisas bidibo madigi pai. Jisas agai Saimon sulama, te po wai, “Nage Saimon, Jongo ogwa dao. Nosali nago nogi Sifas waibao,” Jisasgo te po wai. (Dago te nogi Sifas begelama, tama wai, Pita wali nogi, te nogi page masigi dao.)

Dwagi Yai Gesi Po Lukgo Asęani 1:63

Tama Sekaraia agai nogogo bagi eyu, “Te buku asębo nai me sesao,” olama, tama agai e tama asęanio, “Agai nogi Jon dao.”

Dwagi Yai Gesi Po Lukgo Asęani 1:31

Edao! Nage haliga yaibao. Nage haliga elama, ogwa tega paibao. Te ogwa nogi nago Jisas poao. Aga genuai bidi bidaibao.

Dwagi Yai Gesi Po Lukgo Asęani 1:13

Tiali goli, te enselgo agabolo te po wali, “Sekaraia, nage wi tagalao. Te Godigo nago agabolo hanalu wali po odalio. Naga we Elisabetgo nago ogwa me deli ame naibao.

Matyu 1:21

Te agai te wai ogwa ame naibao, tama nago aga nogi Jisas poao. Magi baso meni, agai te we bidi augwaligo sęgę elalubo sela sąnama tama augwali ma saibao,” te po wali.

Hosea 9:17

Eno aga sę ebo God, te Godigo te aga we bidi tudiba mueibao, magi baso meni, augwaligo agai po wali pisąbaso tiali. Tama augwali te bulu tǫ kantride te tǫ meni yai bidi dabe tiwai bidaibao walio, augwali te bulu wau bilibo bage naga bidaibao.

Hosea 2:13

“Agai ena hauwa sogo homu kone gegeda palali, tama te tibo god Balba te wiegi yai denami ebo ofa iligi palio, tama agai te wiegi yai au dobage munama, te aga godolo ebo bidi wali bilali. Tama tibaso, eno te dwai dene agaba mawaibao. Ena Genuai Bidi, eno te tama po wai dao,” wali.

Te Israel me Juda Hani Sigo Tuni Bidigo Po Elalubo Buku Si 15:8

Te Usia aga te Juda hanigo king bidi nigilama bidali kibu be te 38 kibu be, te sogo Sekaraia, aga aya te namba 2 king bidi Jeroboamgo ogwa da, te bidigo ogwa Sekaraia aga te Israel hanigo king bidi nigali. Tama aga te Samaria bulude king bidi bidali te polua nogo a olama, me badu nogo kibisa nogo deli wagi solama polua naga bidali.

Jeremaia 20:3

Te do kigamu Pasurgo te Jeremaia kalabusiba muani tagala palobo si, te Jeremaiago agabolo te tiwai po wali, “Genuai Bidigo nage nogi Pasur wagobeo. Menio. Agai nago nogi te tiwai nogi yaibao, te Tigidali Badu Bidi Wi Ilibo Nai Dao, waibao.

Josua 19:18

Te tǫ pedaigo te Jesril, Kesulot, Sunem, te tama hanu sali,

Te Israel me Juda Hani Sigo Tuni Bidigo Po Elalubo Buku Si 10:1

Te wai dabe te ogomani naga ebadi elama, te king Ahapgo wąį nǫų ogomani Samaria taunde bidali. Te bidi dabe augwaligo namba te bidi sese sela selama, te ugwadu nogo si bidi selama, 70 bidi bidai. Tama te Jehugo te pas asęnama, tama te Jesril hanu tobolu bidibolo me, te genuai bidi dabe te taun tonalubo bidibolo me, tama me te Ahapgo wąį nǫų ogwa dabe tonalubo genuai bidi dabebolo me, te Jehugo pas asęnama, augwalibolo tolali. Agai te po e tama po asęani,

Aisaia 8:3

Nosali ena ena we dali piali. Tama aga haliga elama, ogwa ame nani. Tama Genuai Bidi enabolo te po wali, “Nago te nogi agabolo mao, ‘Polo wi sa, polo sela pa’.

Amos 9:8

Ena God, Genuai Bidigo, eno dage Israel we bidi dabego kolesaga bugagia subo sę idubao, magi baso meni, te dwai sęgę dagede mu pągąnalubao. Tama tialima, te eno dage dolama, te dage mu silaibao. Tiali goli, eno te Jekopgo hani me badu naga bidimainu sula tagalaibao. Eno augwali tigidali mu me dologobeo,” wali.