Hibru 9:27 - Godigo dwagi yai po buku

²⁷ Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

Hibru 9:27 Referans Kwoze

2 Korin 5:10

Magi baso meni. Dago koneani, da tigidali te Kraisgo po tųde hania hanilama pedalaibao. Tama da megi e bidibo tigi dali bidiyu tama wiegi yai kolesaga ebaso, ma dago dwai kolesaga eyu me yali da, teda da tigidali deli deli te dena yali kolesagade usu nama tama dago te tiwai saibao.

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Kolesaga Koneai Bidigo Pusali Po Elalubo Buku 12:14

Godigo dago ebo kolesaga tigidalide da po tų ilaibao, te wiegi yai kolesaga dabe me, dwai kolesaga dabe me, te geme dualama ebo kolesaga dabede me, da po tų ilaibao.

2 Samuel 14:14

Dago koneani, da tigidali te isaibao, tama te da bidabo ula ma sainu ebo te usu me egobeo. Te wę tǫba gealuali, te dago ma sainu ebo te usu isiąbo, te tobage tiwai ebao. Tiali goli, Godigo te bidigo bidibo ula te olo dali sela sąwainu ebaso, usu me egobeo. Menio. Te bidi me deli agade te digibulu bidibaso da, agai te bidi te aga pąba ma odasa asabo sunumi gegibo dao.

Godigo Sęba Tagala Palai Bidigo Po 17:31

Tama agai deli sogo me bodolu mawai. Nosali te sogo agai tigidali tǫde bidibo we bidi po tų ela mawaibao. Augwali po tų yabo bidi Godigo sa muai dao, te bidi agai dwagi yai doloba pai po tų mu yaibao. Tama Godigo te sa muai bidi agai dabolo hania ola mani. Mena sę elama, da tigidaligo sualiwe? Agai te bidi isąma, gų pagede ma hodaluama, ma gesi bida bida paibao,” Pol agai te po wai.

Jutgo Asęani Pas 1:15

Tama aselama, tama agai te we bidi tigidali osola sueibao. Tama osola sulama, agai augwaligo aga tudiba muani bidi tebolo augwaligo sęgę hania ola mawaibao. Tama augwaligo Godigo po oda tagalama te dwai sę eyu, tama te God tagalali bagego dwai sesena pai nogi posobo po agade odu geai. Tama te yali sę tigidali me, te wali dwai po tigidali me wei ponoyu, tama Godigo augwali dene mawaibao,” te bidi Inok agai te po polobadu wai.

Polgo Si Wali Pas Timotiba Asęani - 2TI 4:1

Timoti, te God de Krais Jisas si gedude eno nagebolo e moni sęgę yai po bomo elama wainogo ebao. Krais Jisas agai te tigidali we bidi, te bidibo ula elalubo bidi badi, te isali bidi dabe dali me po tų eyu dagalaibao. Te aga tǫba ma asiyu, tama tigidali bidi geduba pedalama, tama tuni bidi mu bidaibao. Tama tibaso, eno e sęgę yai po bomo elama nagebolo obao, nago Godigo po mu pusao. Tama te po odainu sisi elalubo bidi dabe ebaso, ma augwali sisi elalusiąbaso me, te homu eyu tagalao, te sesemane sogo nago te Kraisgo po bomo elama pusubo sę yao. Nago te augwali homuba te po eniyu, te augwali homu begelemainu te augwali hodolao. Augwaligo dwai sę ebaso, tama nago te pogo te dwai sę tagalabo po augwalibolo pusao. Nago te augwaligo Godigo kolesaga wali pomainu homu hodolao. Tama te tobage haniani sę eyu, sesemane sogo nago augwalide sę dua digi eyu, sębę polo isąyu tama augwali bugagia ola mao.

Kolesaga Koneai Bidigo Pusali Po Elalubo Buku 11:9

Dage gesi ogwa bidi dabe, dagego te dage gesi tigi elalubadi, wiegi yai pemene yao. Dagego te duga homugo godolo homu wali pobao. Tiali goli, dua da, Godigo dagego yali kolesaga te agai po tųde dagalaibao.

Polgo Po Pas Rom Dabeba Asęani 5:12

Edao. Eno asęani po page e tiwai dao. Bidi deligo dwai sę hasia polobadu yali, tama te kolesagade te dwai sę ebo kolesaga e tǫba pedalalio. Tama te dwai sęgo te isibo sę sela asai. Tama te isibo sę tigidali we bidibolo mena mena pali. Magi baso meni, tigidali we bidigo dwai sę yai dao.

Kolesaga Koneai Bidigo Pusali Po Elalubo Buku 3:20

Godigo tǫ selama, augwali si nigali, tialima augwali si isibo si da, te augwali si tǫ tiwai ma pedelaibao.

Jopgo Po Asęani Elalubo Buku 14:5

Da e tǫde bidabo bubuga dali, kibu be dali si polo bodolu muai dao. Bidi mego aga bidabo bubuga bobobage ma ilabo usu egobeo.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Godigo Nogi Ugwaba Sabo Tęąbi Po Wabo Buku Dabe 89:48

De mu te sesemane bidada pidu, bidada pelama, tama te me isigobe dawe? De te bomo elama bididu, te aga gų pageba me pogobewe? Te mena bidi deli me tegobeo, mu menio.

Jopgo Po Asęani Elalubo Buku 30:23

Eno koneani, nago ena isimainu elama, tama nago ena te nago nigilali te tigidali isibo we bidigo bidigi pabo pesage gų pageba pomainu ebao.

Jopgo Po Asęani Elalubo Buku 19:25

Tiali goli, eno koneani, bidi ena pagede bidiyu, te ena ma dobola sabo te bidi bidibo. Tama nosali aga aselama, e tǫde dodolagasaiba.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Polgo Po Pas Rom Dabeba Asęani 2:5

Tiali goli nago naga homu mu palia selama, tama nago homu me begelebeo. Tialima tebo kolesagago te nago te dwai dene sabo sę ebo te pesage genuai holobao, te mone ge sabobo piduai tiwai. Te nosali te bodolu mani side te Godigo doloba pai po tų ebode te agai sębę hania haninama pedalaibao, tama nage te dwai dene te sogo saibao.

Kolesaga Koneai Bidigo Pusali Po Elalubo Buku 9:10

Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Kolesaga Koneai Bidigo Pusali Po Elalubo Buku 3:2

Godigo bidi da e tǫde ame nabo sogo bodolu dąį muani, te isabo sogo bodolu me muanio. Agai te nai wai bulabo sogo bodolu dąį ilibadi, te nai gudabo sogo me bodolu muai dao.

Hibru 10:27

Menio. Te da wi mu elama, tama te po tų yabo bodolu naga tonaluaibao. Tama te sia te posolo yai mu elalubao tama te siago te God dali boi bidi ebo bidi tigidali ulaibao, te me tonaluyu bidaibao.

1 Jon 4:17

Tama bidiyu, tama te dwagi yai homu eyu godolo ebo kolesaga te da tomode sese wiegi yai mu pedalobo dao. Magi baso meni. Tama tiyu da, da e tǫde bidibo sogo te da Krais tiwai bidibo dao. Tama tibaso, te nosali te tǫ dagalu silibo side genuai po tų ebode da wi me egobeo.

Dwagi Yai Gesi Po Lukgo Asęani 20:32

Nosali te we me isalio.