Hibru 9:24 - Godigo dwagi yai po buku

²⁴ Dago koneao, Krais aga te Tedali Gasagi Yai Be habu tomoba peyu, aga te bidi dabe augwaligo nogogo sę yai be tomoba pelama, tama te Godigo be mu tiwai elama te piksa tiwai naga ebeo. Menio. Aga te dagaluba digi tomoba dolo mu pai. Tama megi aga te God gedude hania bidibao, tama agai da tau sabo sę megi ebo dao.

Hibru 9:24 Referans Kwoze

Hibru 12:2

Tama tiyu dago gedugo Jisasba naga tonono iyąo, aga te dago agade konealubo po dąų wabo kolesaga page bidi, tama nosali agai dago agade tią pabo kolesaga ebo mu usu naibao. Polobadu Jisas aga homugo te wiegi yai homu pemene yabo sę te nosali sabo homu elama, tama aga bomo elama bidali, tama aga dene bugagia tolama aga ni pedaide isai. Agai homugo te ni pedaide hale sabo te olo nai tiwai da, te homu yai. Tama megi da agai genuai nogi elalubaso, aga te God dulalubo sia saide te dolo nogo badude megi dulaluyu bidibo dao.

Hibru 9:23

Augwaligo tama tiwai ofa yaligo te tǫde elaluali nai dabe peneai. Te nai dabe te dagalude elalubo nai dabe te piksa naga ola mabo tiwai yali dao. Tiali goli gasagi yai ofago te tǫde yali ofa aiyaba elaluyu, te wiegi yai mu yali, tama tego naga te dagalude nai dabe digi te meda meni yai ilibo usu yaibao.

Hibru 8:2

Agai te pris bidi sę te Godigo tedali wiegi yai mu bede sę ebao. Te nami ugwago nigali lotu be mu dao. Te bidi dabe augwaligo e tǫde te be me sę ebeo. Menio. Genuai Bidi Godigo naga te be aga bidibo digi sę yai dao.

Dwagi Yai Gesi Po Jongo Asęani 16:28

Polobadu ena Aya dali bidai, tama eno aga taga soyu, ena e tǫba dulai. Tama megi ma eno e tǫ taga peyu, Aya God bidibo digi painogo ebao,” Jisasgo te po aga bidi dabe dali wai.

Kolosi 3:2

Sesemane sogo dagego te Godigo bidibo digide elalubo naide homu dąų wao. Dagego tǫde naiba duga homu mugio.

Polgo Po Pas Rom Dabeba Asęani 8:33

God aga digi da doloba pai we bidi nogi pobaso, te da God aga digi hagea sali we bidi bidiyu, te mena boi bidigo da kisiliyu po tų ebo usu egowe? Woo, bidi mu menio.

Godigo Sęba Tagala Palai Bidigo Po 3:21

Megi agai dagalude tonalu bidibo, Godigo tigidali nai gesi ma ilibo sogo, te sogo asobo tonalubo. Te po polobadu Godigo agai po pusa mabo bidigo dabebolo wai, mu dolo yai bidi dabe. Tama augwaligo te po pusa mani.

Dwagi Yai Gesi Po Lukgo Asęani 24:51

Tama agai te bidi dabebolo te po madubadi, tama Jisasgo augwali taga pai, tama Godigo Jisas dagaluba sela holai.

Dwagi Yai Gesi Po Makgo Asęani 16:19

Genuai Bidi Jisas agai po augwaliba pusa silama, tama Godigo aga selasa te dagaluba holai. Tama megi da, aga te Godigo dolo nogo badude dualalu bidibao.

Dwagi Yai Gesi Po Makgo Asęani 14:58

“Dago odali, agai te tiwai po wai, ‘Te eno digi eno te bidi dabego nogogo sę yani te Moni Lotu Be tempel te aluaibao. Tama nosali te be eno te sela sogode gasa dodolama sę yaibao, tiali goli te be te nogogo me sę egobeo,’ agai te po wabo dago odalio,” augwaligo te po wai.

Ma Dobola Sali 28:29

“Tama Aron te Tedali Gasagi Yai Be Habuba pabo sogo, agai te Israel hani tigidali nogi elalubo te dwasianu ugwa te aga hagawiade munama, sela pomainao. Tama ena Genuai Bidi, eno te ena hani bidi dabe augwali sulama, tama eno augwali sesemane sogo homugo kone palaibao.

Kraisgo Geme Dualali Sę Pedelabo Po Jonbolo Ola Mani 8:3

Tama gasa ensel mobo bidi me te Godibolo nai ulubo sae yali pąba dolagasai. Tama agai te denami ilabo nai te kapa golgo nigai pou tolaluai. Tama augwaligo agabolo te denami ebo nai pauda hauwa mani, te agai te nai te Godigo we bidi tigidaligo wali gedu haluasa po dali manama, tama te si te golgo nigai saede te siago ulumainogo tiaibao. Te sae te genuai tuni bidi duabo nai gesabidide elalubo, tama te denami ebo pauda dali te gedu haluasa po dali agai te duabo naide dulalubo bidibolo olo mawaibao.

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.

Hibru 9:9

Te ugwa bego te megi e sogo te sa mubo tiwai te ebao. Te ugwa bede, augwaligo te haniani nai te Godibolo menama, tama augwaligo haniani ofa agabolo mabo dao. Tiali goli te nai dabe tigidaligo te augwaligo te lotu wabo bidi dabe augwali homu dodolabo te usu me ilibe, tama augwaligo wiegi yai mu me pedalobeo. Menio.

Hibru 8:5

Augwaligo pris sę te tǫde moni lotu bede ebo, te piksa noma naga ola mabo tiwai eyu, tama te wiegi yai sę mu da te dagalude elalubao. Te Godigo Mosesbolo wali po tiwai elama, te Mosesgo te polobadu lotu ugwa be sę yainogo ebo sogo tiwai po wai. Tama Godigo te po wai, “Nage dua dao, te nago te tigidali nai te eno nagebolo te bulu dude ola mani nai te noma tiwai mu usu nama nigao,” te po Mosesbolo wai dao.

Hibru 6:20

Tama da tobade Jisas aga digi polasa peyu, te be habu tomoba pali, te da tau sainogo yali. Aga te genuai pris tobolu bidi pedalali, te bidi Melkisedek tiwai pedalali, tama aga sesemane sogo bidada peyu, bidada paibao.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Dwagi Yai Gesi Po Jongo Asęani 6:62

Tialima, dagego suali ma te Godigo Bidi Mu aga polobadu bidali buluba hodobo suyu da, magi yaibawe?” Jisasgo te po wai.

Sekaraia 3:1

Te nade subo nai tiwai elama, Genuai Bidigo tobolu bidi pris Josua enabolo ola mani. Josua aga Genuai Bidigo ensel bidi pąde dolalubo suali. Tama dwai haubo bidi Satan te Josuago dolo nogo badu dolaluali, tama agai po tų ela mawainu kegaluali.

Godigo Nogi Ugwaba Sabo Tęąbi Po Wabo Buku Dabe 68:18

God te ugwanu mu yai bulu duba holama, tama agai te kalabus bidi hauwa sela pai. Agai te hagoma ebo bidi dabego te aga dali hwįani bagego nogode te haniani wiegi yai nai sela peyu, aga dali pali. God, Genuai Bidi, te bulu dude bidaibao.

Ma Dobola Sali 28:12

Tama te masigi si te nagide bolai elalubo kukulu siba kęnama, tama te Israel hani augwali dąį yai tiwai elaluaibao. Tama Arongo augwali nogi te aga nagide tolasa bilibaso, tama Genuai Bidi eno sulama, tama eno bidi hani te eno homugo augwali sesemane sogo kone palaibao.

Matyu 18:10

Dage dua bugagia dao. Tiyu dagego te homu eyu, e dwasianu we bidi tomode me deli te olo nai tiwai da wagimio, augwalide tagala wagimio. Menio. Eno dagebolo te po obao, te Godigo bidibo madide bidibo ensel te mobo bidi dabe augwaligo sesemane sogo te eno Aya dagalude bidibo subo dao. Tama tiyu, te ensel mobo bidi dabego e tiwai dwasianu we bidi hani tonalubo dao.

2 Korin 5:1

Dago te daba pedalobo haniani sęgę tede moni homu me ebo menio. Magi baso meni. Dago te tiwai koneanio: te da e tǫde megi elalubo tigi da, te dena osogo bidabo be tiwai dao, te nami ugwa be tiwai dao. Tama te osogo bidabo be hųgibaso da, teda Godigo da maiabo be me deli elalubao. Te be bidigo nogogo me sę ebeo. Te dagalude elalubo, tama te be sesemane sogo elalua peyu, elalua paibao, te be gamonaibao.

Hibru 4:14

Te God aga te dago ebo kolesaga dagalabo bidi bidibaso, dago te Kraisde homugo konealubo po, te gasa we bidi dabebolo pusabo po, dago te pode dago homugo mu kęą pao. Magi baso meni, dago genuai pris tobolu bidi te bidibao, tama aga te dagaluba holama tama Godigo bidibo digi tomoba mu pai. Aga te bidi Jisas, te Godigo Ogwa dao.

Hibru 9:1

Te hasia dąų wali pode te Godigo te lotu wabo bomai po meba mawai. Tama te lotu wabo be, te me e tǫde sę yai elaluai dao.