Hibru 9:14 - Godigo dwagi yai po buku

¹⁴ Te tama tialigo da, te Kraisgo kanemego digi ofa ebogo te genuai bomo mu elalubao, te hasia ofa yali sę aiyaba mu elaluai. Te Kraisde dwai sę deli agade me elalubeo. Mu menio. Tama te sesemane sogo bidada pabo Mobo Bidigo bomogo, aga digi te aga wiegi yai bidibo ula te Godibolo ofa tiwai elama mawai. Tama agai kanemego dago tigi naga me penebeo. Menio. Te dago yali dwai sę sela sąsiąbo polobadu ofa mabo kolesaga tagalama, tama agai dago homu me penaibao. Tama dago te bidibo ula mabo Godigo sę tulama emainogo agai tama yai dao.

Hibru 9:14 Referans Kwoze

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

1 Pita 1:19

Te meni. Te Kraisgo kanemego agai dage abelama, tama ma dobola selama, tama megi dage olo mu bidibao. Tama aga kaneme te dila pai nai mu dao. Krais aga te wiegi yai kibu sipsip wai tiwai bidali, te sipsip wai aga tigi dwai naigo doloyu husugu yai digi te menio, te Godibolo te ofa mabo sipsip usu dao.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Hibru 9:12

Tama Kraisgo te kibu meme kanemego me te omai bulmakau kanemego me te selama, tama aga te Tedali Gasagi Yai Be Habu Mu tomoba me pabeo. Menio. Agai te aga kanemego digi ofa Godibolo elama, tama aga te Tedali Gasagi Yai Be Habu Mu tomoba deli sogo naga palio. Tama tiyu, agai da te sesemane sogo bidada peyu, bidada pabo tede bidimainogo da ma siyu abelai dao.

1 Pita 2:24

Tama aga digi agai dago yali dwai sę sęgę aga tigigo selama, tama te niba dąų wagi pai. Tama tiyu, agai homugo dago te dwai sę ebo kolesaga tagalaibao, te isai bidigo dwai sę ebo tagalali gilama. Tama dago te dwai sę ebo tagalama, tama dago doloba pai kolesaga naga eyu bidaibao, te me aga homu dao. Tama augwaligo aga tigi doloyu dene mawai, tama tebogo da tau selama dwagi yai ilali.

1 Pita 3:18

Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

Hibru 7:27

Te polobadu polalubo pris bidi dabe deli deli augwaligo te tigidali sogo te Godibolo nai mabo ofa sę elaluai. Te augwaligo hasia augwa sęgę bolo sela sąbo ofa yai. Tama elama, tama nosali augwaligo te we bidigo sęgę sela sąbo ofa me yai. Tiali goli Jisas aga gasagi yai tedali elalubaso, agai te aga yali dwai sę sela somainogo te Godibolo nai mabo ofa sę me ebeo. Menio. Te we bidi naga tau somainogo eyu agai ofa te deli sogo naga yai. Me sogo te sę ma egobeo, te deli sogo yali te usu dao. Te aga digi aga bidibo ula te Godibolo mawai dao.

1 Pita 4:2

Tama tiyu aga e tǫde bidibo sogo tigidali agai e tǫde we bidigo yabo dwai dwai kolesaga munu me egobeo. Te meni. Agai te Godigo homu naga wali peyu bidaibao.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.

Hibru 6:1

Tama tibaso, dago te bidi mugo odabo po odao. Dago te hasia sogo odali Krais pode naga te po page po wabo sę elala pigimio. Tama dago te be ni pos me deli te hauwa sogo buluyu idu gebo menio. Dago te sę silama, tama gasa sę egi pabo dao. Tama tiyu, dago e tobage po naga me olamuo: te dago homu begelama te bidibo ula elalusiąbo te kolesaga tigidali tudiba munama homu begeleyu, tama dago Godide konealubo po dąų weyu, tama te haniani baptais sabo kolesaga po wabo me, tama te bidi toboluba nogo mubo me, tama te tigidali isai bidi ma hodaloabo po me, tama te bidi dabe augwali te po tų elama, tama te po tų dodolobo bidi agai po sesemane sogo bidada peyu, bidada paibao po wai. Tama da te tobage hasia sogo odali po wabode naga bidigimio. Menio. Te da pidu geyu, tama dago te we bidi mu augwalibolo ola maiabo po odinao.

Polgo Po Pas Rom Dabeba Asęani 6:13

Tama dagego duga nogo sągą te dwai sę ebo madi menama, te dwai kolesaga emainogo elamuo. Te menio. Godigo dage te gų pagede ma hodolali tiwai yaligo da, teda dagego duga tigi tigidali badi, te dagego homu kolesaga me te Godibolo mayu, te doloba pai kolesaga naga eyu bidiąo.

1 Jon 3:5

Dagego koneai, Krais asali agai te tǫde we bidigo dwai kolesaga ebo sela sąwainogo asai, tama dwai sę ebo kolesaga agade me bidibo menio.

Polgo Po Pas Rom Dabeba Asęani 6:22

Tiali goli megi Godigo dage te dwai kolesagade kalabus elaluali te agai dagala sąnama, tama dage aga sę ebo bidi munama bidibao. Tama dagego e tiwai wiegi yai nai saibao, God agai dage te wiegi yai tedali te dwai sę me isąwai we bidi ilibao, tama dagego te wiegi yai sesemane sogo bidada pabo te bidibo ula saibao.

Jeremaia 10:10

Tialima, Genuai Bidi, nage God mu dao. Nage sesemane bidibo God, te nage sesemane sogo king bidaibao. Te nago haliga sębę ebo sogo da, te tǫ mali eyu, te we bidi hani bugagia me bidigobeo.

Hibru 10:2

Menio. Te ofa maiabo bomai pogo augwaligo yali dwai sę sela sąnama tama augwali wiegi yai mu ilama pedaligi sogo da, teda augwaligo te ofa ma egi menigi dao. Tama te Godibolo lotu po wagasali we bidi dabe augwali te deli sogo yali ofade te wiegi yai pedaligi sogo da, teda augwaligo homude te sęgę elalubo homu kone me egi menio.

Efesus 5:2

Tama tiyu, dagego duga hasi godolo mu ebo kolesaga eyu, tama dagego yabo sę tigidali ebo si te kolesagago dage tonalumainogo, te Kraisgo da godolo eyu wiegi yai homu ebo tiwai gilama. Agai da godolo eyu, tama aga digi aga bidabo ula da hagede tagalama, tama augwaligo aga isilali. Tama tiyu, agai aga tigi te Godibolo olo mani, te polobadu bidali bagego Godibolo mani wiegi yai denami ebo nai mani tiwai yai dao. Tama te sęde God aga Kraisde dwagi yai homu ebo dao.

2 Korin 5:21

Te bidi Krais agai dwai sę me isąwai, tiali goli da tobade Godigo dago dwai sę yali sęgę tigidali agaba sisinama, tama aga te dwai sęgę sai bidi tiwai mu pedalai. Agai tama tiali te da Kraisde wadolomainogo yali, tama agai bomogo da te Godigo gedude doloba pai we bidi pedalomainogo yai dao.

Polgo Po Pas Rom Dabeba Asęani 11:12

Augwaligo te dwai sę ebaso, tama tede Godigo te tigidali tǫde bidibo we bidi tau mu sidubadi geaibao. Augwaligo te Godigo kolesagade tulalubaso, tama tede te Godigo te Juda ąǫ isąwai gasa we bidi hani augwalibolo wiegi yai kolesaga mu yai. Tama tibaso, tigidali Israel dabe Godiba ma geasa asobaso da, teda tigidali hani wiegi yai mu bidaibao, me deli dwai bidigobeo.

Dwagi Yai Gesi Po Lukgo Asęani 1:74

Tama agai sę dago dąų olama, tulama, wi egobeo.

1 Pita 2:22

Tama tiyu, agai magi dwai sę munu me ebe, te tibo kolesaga eyu tibo po me deli digi wabeo.

2 Timoti 1:17

Tama tibaso, eno agai ena dali yali sęde homugo kone paluyu, tama aga genuai nogi me aga wiegi yai ula yai bomo me te si ugwaba muyu, tama eno e po obao: “Aga te Tuni Bidi tigidali sogo bidibao. Aga me isibo meni, gamonaibao. Tama bidigo aga me subo menio. Agaduba deli naga te God mu dao. Genuai nogi me bomo me te agade sesemane sogo mu bidada peyu, bidada pomainao. Mu dao,” eno te po obao.

Galesia 2:19

Tama eno te bomo yai po nedeyu tama te nedebogo eno koneani, eno te bomo yai po dabe bolama, tama eno Godigo gedude dwai sę yai dao, tama agai ena sęgę mawaibao, te eno konea sali. Tama koneyu, eno te me koneani, eno te dena wąį dabego bomo yai po wali peyu, tama tedu ena Godigo gedude te doloba pai bidi munu me pedalogobeo. Tama tibaso, megi eno Godigo po wali peyu aga sę eyu bidibo dao. Tama ena te bidi Jisas dali te ni pedaide isali tiwai ebo ąǫ te homu ebo dao.

2 Korin 6:16

Mena tama dago te Godigo wiegi yai be dali, te bulu haubo bidigo dali si te deli madi sisinaibawe? Te tiwai me egobeo. Dagego koneani, da digi, da te bidibo ula elalubo Godigo bidabo be tiwai dao, te polobadu Godigo te tiwai po wai, “Te ena augwali dali bidiyu, tama augwali tomode bilaibao. Tama ena augwaligo God bidiyu, tama augwali eno we bidi bidaibao.”

Polgo Po Pas Rom Dabeba Asęani 11:24

Magi baso meni. Dage gasa hani we bidi da, te buside holali ni oliv nologo naga tiwai dao, te ni oliv mugo nologo meni. Tiali goli Godigo dage te nide togolama, tama agai dage te gide elalubo ni oliv muba wadolali. Tama te Juda bage augwali da, te gide elalubo ni oliv dao. Tama tibaso, Godigo te augwali polobadu te ni nologo tiwai togwa sąnama, tama augwali te augwa oliv niba digi te augwa ma wadoloyu ebo usu mu dao, te pedalisiąbo sę meni.

Polgo Po Pas Rom Dabeba Asęani 1:20

E tiwai dao: polobadu mu Godigo tigidali nai nigali, tama te sogo gagalama megi e sogoba usu nagasali, tama te bidi dabe augwaligo agai nigali nai dabe suali. Tama augwaligo tede te Godigo kolesaga meba koneani, te bidi dabego gedugo susiąbo kolesaga te augwaligo koneagameo. Te aga gasagi yai tedali mu da, aga God dao, te augwaligo hania koneagameo. Tama agai genuai bomo te sesemane sogo bidada pabo bomo dao, silisiąbo bomo mu dao, te me augwaligo agade koneagameo. Tama tibaso, te bidi dabe augwa dwai sę ebo kolesaga te geme dualiyu tama augwaligo te po wei ponabo tų menio, “Dago te God konebeo,” te po me wagobeo.

Dwagi Yai Gesi Po Jongo Asęani 3:34

Te bidi Godigo tagala palali bidi, te bidi agai Godigo po pusubo dao. Magi basowe? Godigo agai Dwagi Yai Mobo Bidi agabolo habuge me mabeo, sese mu mawai. Tama mobaso, te bidigo Godigo po pusubo dao.

Dwagi Yai Gesi Po Lukgo Asęani 4:18

“Genuai Bidigo Mobo Bidi ena dali bidibao. Agai dwagi yai po eno te nai meni yai we bidibolo ola momainu ena sa muai dao. Agai ena tama po pupusu bilimainu tagala palai dao, ‘Dage kalabus yali bage kalabus tagala piąo. Gedu widai bage, dage duga gedugo ma sueibao.’ Kalabus sęgo tabibo bage augwaligo sę togolomainu agai ena tagala palai dao.

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

Daniel 6:26

“Dage eno bulu tǫ pedai kantri dabe we bidi dabeo, eno te po odiąo. Dage tigidaligo genuai nogi te Danielgo Godiba menama, tama te God dologoba pelama bidao. Te God te sesemane sogo bidada pobao. Aga te king sesemane sogo bidada pidu, bidada paibao, tama aga te we bidi tonalubo bomo te me siligobeo.

Pris Sę Ebo Bomai Po 22:20

Bugagia odao. Te dagego kibu tigi dwasianu dwai gana yaigo ofa ebaso da, teda eno godolo me egobeo.

Hibru 11:21

Te nosali Jekop me agai Godiba konealubo po dąų olama tama agade tią peyu bidibaso, tama aga pąde isainogo ebo sogo, agai te aga ogwa Josepgo ogwa side dwagi yai po wai. “Godigo augwali si dali wiegi yai sę yaibao,” te po wai. Tama te sogo aga te aga donoba tigulama, tama Godibolo lotu po wai.

Hibru 9:9

Te ugwa bego te megi e sogo te sa mubo tiwai te ebao. Te ugwa bede, augwaligo te haniani nai te Godibolo menama, tama augwaligo haniani ofa agabolo mabo dao. Tiali goli te nai dabe tigidaligo te augwaligo te lotu wabo bidi dabe augwali homu dodolabo te usu me ilibe, tama augwaligo wiegi yai mu me pedalobeo. Menio.

Godigo Sęba Tagala Palai Bidigo Po 14:15

“Dagego te kolesaga egimio. Dadi si me bidi dage tiwai tama dao,” wali. “Dadi si dage pageba asali, Godigo dwagi yai po dagebolo pusa mawainogo asai dao. Tama dagego te odolali lotu po wabo tibo god tudiba muiyąo. Tudiba munama, dagego te God mu pageba asiąo, hauwa sogo bida bida peduabo God pageba asiąo. Agai te dagalu me, tǫ me, tamu ąį me, tigidali tede bidibo nai dabe me agai nigai dao.

Godigo Sęba Tagala Palai Bidigo Po 10:38

Te po duga digi koneai dao. God agai te Nasaret bulu bidi Jisas sa muai. Tama Godigo agai Dwagi yai Mobo Bidi dali, bomo dali si agabolo mawai dao. Tama Jisas aga tigidali bulu bilama, dwagi yai sę ela bilali, tama agai Satango dolai we bidi agai dwagi yai ma ilali. God aga dali bidibaso, te tobage sę yali.

Bomai Po 17:1

“Dagego te kau kibu o sipsip kibu te agai tigi dolai me selama, tama Genuai Bidi dago God agaba ofa me elamuo. Genuai Bidigo te tiwai nai mu godolo me egobeo,” wali, Mosesgo.

Hibru 9:7

Tama te polalubo tobolu pris bidi agaduba deli naga te si wali be habu tomoba peyu yai. Aga te tigidali kibu bede deli sogo naga peyu yali. Tama aga olo me pabeo. Menio. Agai te ela muani omai bulmakau dali te meme dali te sigo kaneme sela peyu te tomoba pai. Tama te kaneme agai Godibolo ofa mani, te kanemego aga sęgę bolo sela sąnama, tama te we bidi augwaligo bugagia konesiąma yali dwai sęgę me te sela sąmainogo yai dao.

2 Timoti 3:15

Magi baso meni, ena polo sabalisiąbaso da, teda nago e pas selama tama nedama, tama nago nage Godigo hanide bugagia bidabo kolesaga po tede koneagameo. Te God aga da te bidibo ula elalubo God dao. Te agai po odobo we bidi hani augwali da te Godigo be tiwai we bidi dao. Tama augwali te Godigo mu po tolalubo te bomai ni pos dali kau ni me tiwai elalubo dao.

1 Tesalonaika 1:9

Dage bidibo digi da asali sogode dagego yali sę po augwa digi augwaligo dabolo pusubo dao. Augwaligo da dali pusuyu, te po wai, ‘Augwaligo te tibo god tagaliyu, tama augwaligo homu God muba muai,’ te po wabo dao, tama dage bidabo ula sabo te God agai sę bidi dage bidibao, te po wabo dao.

Godigo Sęba Tagala Palai Bidigo Po 1:2

Jisasgo te tiwai yai, te aga sę gagalobo sogo pelama, Godigo aga dagaluba odasa pali sogoba dąį egi pai. Tama Godigo aga dagaluba odasa pesiąwai madi, Jisas agai sa muani tagala palai bidi dabebolo po pusa mawai. Tama agai Godigo Dwagi Yai Mobogo bomogo te po augwalibolo pusa mawai.

Dwagi Yai Gesi Po Lukgo Asęani 12:28

Te noswai dabe Godigo aulubo dao. Te noswai dabe megi tama elalubo nago suali goli, te do da sasia pelama, te bidi dabego togolama, isiba ulaibao. Te olo noswai tiwai da, te Godigo aulubo da. Dage we bidi dabego homu dwasianu mu Godiba te begi pobao. God agai dagebolo ugwa maiabogo te noswai aulubo aiyaba elaluaibao.

Dwagi Yai Gesi Po Lukgo Asęani 12:24

Te ba dabe suao. Augwaligo nai me bulama, nogogo sabe dao. Augwa tubo nai muabo be me meni dao. Tialima, Godigo augwali gesebo dao. Ba dabe da sęgę menio. Dage bidi da, sęgę ebaso, Godigo tubo nai mawaibao.

Matyu 12:28

Tiali goli, Godigo Mobo Bidigo ena te dwai haubo mobo bidi sela sąyabo bomo mabo dao. Tama tibaso dagego koneiąo, te Godigo we bidi tonalubo kolesaga te dageba asai dao.

Matyu 7:11

Tama dage dwai bidi dabe bidibo digi, tama dagego te wiegi yai nai duga wai dabeba mabo koneyu da, teda dagego mu koneiąo, te duga Aya dagalude bidibo bidi agai wiegi yai nai te agabolo gedu haluasa po wabo bidi dabebolo mu mawaibao. Tama agai te dwagi yai nai mabo kolesagago dagego mabo kolesaga aiyaba mu elaluaibao,” wali.

2 Samuel 4:11

Tama megi dage sigo te bidi me deli te aga bede pila munubadi, te odolali mu ela muanio. Dage si te dwai bidi si mu. Tama dage sigo homugo te dage si eno gogolama, bidaiba homu eyu, yali da, agawe? Mu menio. Te eno dage sigo dwai kolesaga yali sę wei ponoyu, tama eno dage sigo bidabo ula me mu sia somainu yaibao,” Devitgo te po wali.

Bomai Po 33:27

God Tigidali Sogo Bida Bida Pabo God dao, aga te dago duala sabo pesage dao. Tigidali sogo da aga nogogo tolaluyu, tama agai da me tagalobo menio. Dage te duga tǫ dabe sigi pabo sogo da, agai te boi bidi dabe sela sąwaibao. Tama dagebolo augwali sese elama, isila sila po walaibao.

Israel Hanigo Namba 28:11

Tama Genuai Bidigo Mosesbolo te we bidibolo te po omainu yali, “‘Te tigidali poluago namba wan deide dagego Genuai Bidiba ofa yao. Te da, te isigo mu dela silabo ofa dao. Dagego kau kibu omai si ofa eyu, me sipsip kibu omai si ofa eyu, me 7 sipsip kibu omai te kibu be deli yai, te ofa yao. Tama te hasa dabe tigidali te augwaligo tigi keni dabego me dolisąma yai dabe sao.

Polgo Po Pas Rom Dabeba Asęani 1:4

Tama me ma te wiegi yai kolesaga ebo Tedali Mobo Bidigo bomo eyu aga sa hania muani, aga te Godigo Ogwa da wai. Godigo aga te gų pagede ma hodolama, tama tebogo agai te we bidibolo aga Godigo Ogwa mu dao ola mayu waselai dao. Aga dago Genuai Bidi Jisas Krais dao.

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Bomai Po 15:21

Tiali goli, te kau kibu o sipsip kibu augwaligo sągą gagea peyu, ma agai gedu hwidiyu, o agai meba dwai gasi dabe yai baso da, teda dagego Genuai Bidi dago Godibolo ofa eyu tama tugimio.

Israel Hanigo Namba 28:3

Moses, nago te Israel dabebolo tama wao, ‘Dagego te ofa Genuai Bidibolo mao,’ po wao. ‘Te tigidali sogo dagego sipsip kibu te kibu be deli yai, tama keni dabego agai tigi me dolisąma yai, si selama, ofa eyu yao. Te si te isigo mu dela silabo ofa dao.

Aisaia 53:9

Te augwaligo aga te haniani dwai kolesaga yali bidi dabe dali me, te mone doado bage hauwa elaluali bidi dabe dali, pubulali. Tiali goli, te aga digi dwai kolesaga deli me isąwai, te agai tibo po me deli me wabeo,” te po wali.

Aisaia 42:1

Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.

Jopgo Po Asęani Elalubo Buku 15:16

Tiali goli, da tǫde bidi da, da dwagi yai mu menio. Dago kolesaga da, damua pai mu dao. Dago dwai sę yabo homu godolo naga ebo dao, dogoni wa pai bidigo wę gegebo tiwai dao,” wali.

Te Israel me Juda Hani Sigo Tuni Bidigo Po Elalubo Buku Si 19:16

“Genuai Bidi, eno homugo nago olo bugagia munama, tama eno gedu haluasa po wabo odao, tama naga te da tigide te dwai nai pedalabo nago bugagia suao,” wali. “Tama eno homugo augwaligo te dwai po wali te nago odao, te king Senakeripgo agai nage dali posobo po wabo, God nage tigidali sogo bidada pabo bidi dao.

1 Samuel 17:26

Devitgo te po bugagia odisąbaso, tama agai te aga pąde bidalubo bidi dabeba hanalu, te tiwai wali, “Te kingo mena sę te Filistia elibo bidibolo elama, tama da Israel dabeba te genuai hale pedalubo sę tagalaibawe? Te Filistia bidi te Godigo po odisiąwai bidi naga te dao. Agai hagoma mu eyu, tama te Sesemane Sogo Bidibo Godigo amiba te posobo po wali dao,” te po wai.

Bomai Po 5:26

Te niwai bidi mu te God tigidali sogo mu bidibo bidigo po te isi tomode bidi po wabo de isigobewe?

Israel Hanigo Namba 28:9

Tama Genuai Bidigo Mosesbolo te Israel bagebolo e pusabo po wali, “‘Te Sabat side dagego te omai sipsip kibu si, kibu be deli yai sipsip si ofa yao, tama te keni dabego augwaligo tigi me dolisąma yai sao. Tama kilo si yai wiegi yai plaua selama, tama oliv wel dali begelao, te wit ulubo ofa tiwai. Tama te wit ulubo ofa me te wain gelebo ofa te sipsip dali ulao.

Aisaia 61:1

Tigidali Bomo Elalubo Godigo Mobo Noma Bidi enaba bidagasali, magi baso meni, Genuai Bidi aga digi eno toboluba wel gelali, te ena dąį sa muyu, te aga wiegi yai po te magi doado bage meni yai bidi dabe selasa pomainu yai. Te agai ena tagala palali, te haliga sęgę genuai elalubo bidi dabego sęgę silimainu yai, te kalabuside bidibo bidi dabeba po pusu, te augwa kalabus tagalama, olo pao po omainogo yai.

Bomai Po 31:27

Magi baso meni. Eno koneani, augwali tobolu gagea pelama, po sela sąbo we bidi dao. Megi ena bidibadi, augwaligo Genuai Bidigo po sela sąnama, tama agai bomai po bolobo dao. Tiali goli, ena mu isibo si da, teda tegoba, teda eno homugo te augwaligo dwai kolesaga genuai mu pedalaibao.

Ma Dobola Sali 12:5

Tama dagego kibu sipsip omai, ma te meme omai, te kibu be deli yai sa muao. Dagego te sipsip meme te tigide keni keni yai me selamo dao.

Godigo Nogi Ugwaba Sabo Tęąbi Po Wabo Buku Dabe 51:2

Nago ena tigidali ąį telayao, tama dwai kolesaga enade ma elaludalio. Eno sęgę sela sąnama, ena dwagi yai pedelama bidaio.

Esekiel 45:18

“Ena God Genuai Bidi, eno e tama po obao, te hasia wabo dei te hasia wabo poluade nago te gesi kau kibu omai agai tigi kenigo me dolisąma yai selama, ofa yagasao. Te ofa ebo te eno tempel be te eno gedude wiegi yai pedelemainu yaibao.

Matyu 16:16

Tama Saimon Pitago po wei ponoyu, te po wai, “Nage da, nage te Godigo te we bidi tau sabo sa muani bidi Krais dao, te nage bidibo ula elalubo Godigo Ogwa dao,” Pitago te po wai.

Godigo Sęba Tagala Palai Bidigo Po 15:9

Tama Godigo te Juda hani isąwai bidi hanibolo ebo sę te ebo kolesaga tiwai, agai da dali yali, polobadu. Tialima, augwaligo te Jisasba augwa homu mubo si, agai augwaligo dwai kolesaga yali sęgę sela sąwai dao.

1 Korin 15:45

Te Godigo po bukude asęani pode me te tiwai po wai, “Te polasa hasia bidi, Adam, te bidibo ula elalubo bidi pedalai,” te po asęani. Tama nosali mu pedalali Adam aga te bidibo ula mabo mobo bidi pedalali.

Hibru 3:12

Ama dede dabe, dage bugagia bidao. Tiyu dage tomode ama me deli aga homude dwai sę ebo homu elaluyu, tama aga Godide konealubo po tagaliyu, tama te bidibo ula elalubo God gegeda peyu tudiba muidali weyu, dagego dua dao.

Hibru 7:16

Te bomai po me deligo aga mena hani bidi dawe, ma aga mena kaneme bidi dawe, te tobage po wabo bomai pogo bomogo aga te pris bidi sęba me mubeo. Menio. Te gamonabo ula elalubo te bomogo naga, te munu me dolisiąbo ulago bomogo aga te pris bidi nigilali.

Hibru 9:26

Te agai hauwa sogo te sę egi sogo da, teda aga dene hauwa sogo toloyu, te Godigo tǫ nigali sogo gagalama tama megi e sogoba usu nagasigi dao. Tiali goli menio. Megi e sogo tigidali te pąde silainogo ebaso, tama Krais e tǫba deli sogo naga mu asali, te aga digi aga bidibo ula te Godibolo menama, tama te we bidigo yali dwai sę sęgę sela sąwainogo yai dao.

Hibru 10:10

Jisas Krais agai te Godigo homu kolesaga wali pelama, tama aga bidibo ula aga digi Godibolo te ofa tiwai ilama, te deli sogo naga mawai. Tama tialigo agai da tigidali wiegi yai mu ilai dao, te da sęgę me elalubo menio.

Hibru 10:12

Tiali goli Kraisgo aga digi te sęgę sela sąbo ofa te deli sogo naga mani, tama te ofa te tigidali sogo usu nama elalua paibao. Agai tama tilama, tama aga megi te Godigo dolo nogode dulalubao.

Hibru 13:12

Tama tibaso, Jisas me te obo bagulali hanu bulu badu te aga dene tolali, te agai kanemego digi te we bidigo sęgę sela sąyu, tama augwali Godigo gedude wiegi yai mu pedalomainogo ilali dao.