Hibru 9:10 - Godigo dwagi yai po buku

¹⁰ Magi baso meni, te tiwai Godibolo maiabo ofa te tubo nai tiwai eyu, te tubo ąį tiwai yali, tama haniani wę paubo gagawai yai. Te e tigide bomai po naga dao. Godigo te tigidali bomai po muani te augwaligo wali peyu, te agai tigidali nai gesi nigilama dodolobo sogo usu nigi paibao.

Hibru 9:10 Referans Kwoze

Kolosi 2:16

Krais aga isaligo te da po tų yabo sę silibaso, dagego bidi me deligo dagebolo po weyu dagego tubo naide me, tubo ąįde me te bomo yai po mabo gogolamuo. Te lotu po wabo tedali sa muani sogo dabe dali, te yaluai polua sogode wabo lotu dali, te Sarere deli deli toma tubo sogode me, te sogo tigidalide te bidi me deligo dagebolo bomo yai po mabo gogolamuo.

Efesus 2:15

Magi baso meni. Agai te Juda dabego bomo yai po silali, te bomai po te dąį tiwai polobadu elaluali. Awe, agai te homu yali, ‘Te eno te bidi hani si deliba sisinama, tama te gesi noma bidi hani deli nigilaibao, tama augwali enade wadolaibao,’ te homu yai. Tama te homu eyu, agai te Juda dabego bomo yai pogo ebo sę agai mu silali. Tama megi te dwasianu bomo yai po me, te genuai bomo yai po me, te augwali tigidali megi sę elalubo menio.

Hibru 7:16

Te bomai po me deligo aga mena hani bidi dawe, ma aga mena kaneme bidi dawe, te tobage po wabo bomai pogo bomogo aga te pris bidi sęba me mubeo. Menio. Te gamonabo ula elalubo te bomogo naga, te munu me dolisiąbo ulago bomogo aga te pris bidi nigilali.

Esekiel 4:14

Ena Esekiel eno te tama po odama, eno te tiwai po wei ponani, “God Genuai Bidi, hobede mu ebao. Eno te tama kolesaga munu me ebeo. Mu menio. Eno digi eno meda yai sę nago gedude me ebeo. Te ena dwasianu ogwade bidali sogo, te eno te kibu aga digi isai kibu me, ma hasa mi, te uni hasa dabego ela muani tusiąbadi, te megi bidibo sogoba usu nagasobao. Te bomo yai pode habu seleyu, te nago gedude meda yai nai, te tiwai nai deli eno me tubeo,” eno te po wali.

Bomai Po 23:11

Tama aga pio wę bugagia paulama, tama pio giliga iba dega sainogo ebode aga te bidibo pesageba ma asomainao,” wali.

Pris Sę Ebo Bomai Po 16:24

Tama aga te sel Ugwa Be obo tomoba ąį paugi pao, tama aga te sel Ugwa Be tomoba ma pelama, te ugwa gudama, te hetprisgo gudubo ugwa au yao. Nosali aga te buluba teda solama, te isigo tigidali dela silibo ofa si yao, me ofa agade eyu, me te tigidali we bidide yao. Te ofago aga sęgę sela sąbo ofa eyu, te we bidi augwaligo sęgę sela sąbo ofa me yao,” te po wali.

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

Hibru 9:1

Te hasia dąų wali pode te Godigo te lotu wabo bomai po meba mawai. Tama te lotu wabo be, te me e tǫde sę yai elaluai dao.

Hibru 2:5

Eno megi asębo po, te we bidigo gesi kolesaga eyu bidibo te nosali pedalabo po obao. Godigo te ensel mobo bidi dabego te kolesaga ebo dodolama tonalumainogo teba me mubeo. Menio.

Bomai Po 21:6

Tialima, te hanu pąde elalubo tobolu bidi dabe augwaligo te kau kibu daide augwaligo nogo ąį telamainao.

Pris Sę Ebo Bomai Po 16:4

“Tama agai prisgo te tobage gasa ugwa gudaibao. Agai te bobage aiyaba tagalalubo ugwa gudama, te pęwadage trausis ugwa me muani, te ugwa nami agai haligade kukulu tiwai kekelama, te nami ugwa me deli te toboludu madi tiwai munama, kekaluao. Te tedela ugwa dabe naga muao. Ena digi te prisgo gudabo ugwa dabe dąį ilali. Tama tibaso, Aron aga ąį bolo paluama, nosali te ugwa doado bage mubaso usu dao,” wali.

Ma Dobola Sali 40:12

“Nosali nago te Aron aga ogomani augwali dali te ugwa be tųba sela pelama, tama augwali tede wę paumainao.

Hibru 13:9

Tama tibaso, te gasa haniani haniani ola mani pogo dagego homu kegeyu, tama dagego Godigo tų wali pabo tagalu gogologimio. Te dago homugo te Godigo da olo tau siyu mabo kolesagade dago bomo sai yai baso da, te wiegi yai dao. Dago homugo te haniani nai tubode bomai po wali pabode te bomo sainogo ebo usu egobeo. Te kolesagade bilali we bidi augwali te kolesagago tau me sabeo.

Efesus 1:10

Tama te sę e tama dao, God agai tigidali nai dodolo piduainu, agai bodolu mani sogo asobo si, te tigidali dagalude elalubo nai me, te tigidali tǫde elalubo nai me, te Kraisba tigidali nai deliba sisinaibao. Tama te sogo Krais aga tigidali naigo tobolu bidi bidaibao.

Galesia 4:9

Tiali goli, megi dagego God koneai dao. Woo, meo, te po dwasianu usube. Te e tiwai dao, megi Godigo dage aga dali wadolai. Tama megi dagego God mu koneai digi, magi baso te tǫde dwai olo kolesaga ebo dologoba ma geasa peyu, tama dage te kolesagade kalabus sęde ma bidibo tiwai ebawe? Augwaligo dage tau sabo usu egobeo, bomo elalubeo.

Dwagi Yai Gesi Po Makgo Asęani 7:4

Te augwali te Juda hani isąwai bagego maket elaluboba pelama ma asiyu, tama augwaligo nogo wę telasiąbadi da, te augwaligo nai me tuai menio. Tama augwaligo te wąį nǫųde sali gasa kolesaga hauwa me wali peyu yai. Augwaligo te wę tubo kap me, sene me, genuai pou me, te pibo bet sai me wę telayu yai dao.

Pris Sę Ebo Bomai Po 22:6

Mena pris te tiwai meda pedalubaso, te meda agade elalubadi te giliga dega sigulaibao. Te aga ąį bolo bugagia paluama, te augwaligo enabolo ofa mabo kibu mi dabe tuagameo. Te wę pausąbaso, te agai me tugobe dao.

Ma Dobola Sali 29:4

Tama Aron dali, aga ogomani augwali dali, te eno lotu ugwa beba odasa aselama, augwali wę paluao.

Israel Hanigo Namba 6:3

teda agai te wain me bomai wę me tulamuo. Me agai te wain du wę me tulamuo, me te wain du tau yai me tulamuo, me te augwaligo te wain ni du te giligade olai, te ni du agai tulamuo. Te tigidali nai habu mu dao.

Hibru 7:12

Tama te pris hani hasegelebaso da, teda te hasegelebo sę usu ilimainogo eyu, augwaligo te pris sę ebo kolesagade bomai po me augwaligo hasegelao.

Pris Sę Ebo Bomai Po 13:58

“Tialima, agai te ugwa me kau wali ąį telabo sogo, te oiyabe tiwai nai menia sobaso da, teda agai si sogo ąį tedelama, te ugwa eno gedude wiegi yai mu pedelaibao,” wali.