Hibru 8:9 - Godigo dwagi yai po buku

⁹ Te megi e sogo te dąų wabo gesi po polobadu eno te augwa wąį dabe dali dodolama dąų wali po tiwai me ebeo. Menio. Polobadu te eno augwali te Isip tǫ taga somainogo te eno augwali nogo bugagia tulama soali sogo te eno augwali tau sabo po dąų wai. Tiali goli augwaligo eno augwalibolo mani dąų wali po te pode augwaligo augwa homugo kęą pisiąma tama te po wali me pabeo. Tama tibaso, augwali eno tudiba munama tagalali,’” Genuai Bidigo te po wai.

Hibru 8:9 Referans Kwoze

Jeremaia 31:32

Te dąų wabo bomo yai po te polobadu eno duga wąį nǫų dabe dali yali tobage tiwai meni, te eno augwali te Isipde selama, te augwali nogo tolasa odasa asai. Augwali te eno we tiwai bidibaso, te ena, Genuai Bidi, ena te augwa bidi tiwai bidali. Tiali goli, augwaligo te polasa dąų wai elaluali bomo ya i po te bolai dao.

Galesia 4:24

Tama te we si augwalide te po digi po begelama tama wali po page e tiwai elalubao. Te we si da, te dąų walali kontrak po si dao. Te dąų walali kontrak po me deli te bulu du nogi Sainai tedu asali, tama te dąų walali kontrak po te Godigo Mosesbolo mani bomo yai po dao. Tama te bomo yai po dologode bidibo we bidi augwali da te kontrak pogo wai puluba tiwai dao. Tama dago po digi po begelama, tama te bomo yai po kontrak po te we nogi Hagar dao.

Dwagi Yai Gesi Po Makgo Asęani 8:23

Tialima, Jisasgo te gedu widai bidigo nogo tola selama, tama agai aga te buluba odasa soali. Tama agai te bidi geduba pesa sąnama, tama aga geduba te nogo ugwadu munama, tama agabolo hanalu wali, “Nago te nai me deli subowe, ma meniwe?”

Godigo Sęba Tagala Palai Bidigo Po 13:11

Tama Genuai Bidigo nogogo nage geduba elaibao. Nago gedu hulia selama, giliga ge osogo sugobeo,” Polgo te po wai. Tama polo te hano tiwai te bidi Elimas aga gedude halua selama, hulia si elaluali. Aga nogo dali sągą dali sigo naga tų gege pali. Agai homugo ‘Dego ena nogo tolama, tų ola magowe?’ te homu elama, bidi gegali.

Godigo Sęba Tagala Palai Bidigo Po 9:8

Tama te bidi Sol agai sągągo doligiluali. Agai gedu si pedama, suali, agai gedu tigidali hulia sai elaluali. Tama tibaso, augwaligo nogo tulasa pelama, Damaskus be nani tomoba pali.

Malakai 2:13

Tama eno dagebolo te dagego gasa dwai sę me ebo po obao. Genuai Bidigo te dagego agaba sela pabo ofa umabo hagela eyu, te me sogobeo wali. Tama tibaso, dagego gela weyu, te i dwai weyu, te gela kugai ąį te Genuai Bidigo alta daiba gealubo dao wali.

Amos 5:22

Dagego te isiba tigidali ulama dabo ofa yabo nai sesebaso, me wit me ofa ebo goli, te ofa denami ebo eno me odogobeo. Dagego te bulmakau dabeba nai madubaso, te augwali nisalio. Tama dagego te bulmakau dabe te enaba ofa tiwai eyu, buba hwi wainogo sesali goli, eno te ofa dabe me sula tagalaibao.

Esekiel 16:59

Genuai Bidigo po ma weyu, te tama po wali, “Jerusalem, ena God Genuai Bidi, eno nageba maiabo gasa po me elalubao. Te nage gesi ogwa bidi bidali sogo, te eno nage dali dąų wali bomai po wali paibao po wai. Tiali, nago te dąų wali po olo nai da homu elama, te nago bolalio. Tialima, eno nago te yali dwai kolesaga wei dolo ponani.

Esekiel 16:8

“Tialima, te sogo ena ma aselama, tama eno nage te bidigo sabo usu yai elalubo suali. Tialima, eno nageba dilapi holobo ugwa saket bulama, te nage tigi mesegelali. Te ena God Genuai Bidi, te eno bomai po nage dali olama, te eno nage sabo po dąų olama, te nage eno we pedelai dao.”

Aisaia 63:9

Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

Solomon 8:5

Te wa pai bulude bidali tagalama asali, te mena we dawe? Agai aga abagi wali bidi nogo tolasa, augwa si asobao. Da te ni laulau tįwai madi dologode bidalu, tama eno nage hodolali. Naga idago nage te ni dologode ame nai dao.

Godigo Nogi Ugwaba Sabo Tęąbi Po Wabo Buku Dabe 105:43

Tama tiyu, agai we bidi augwali agai te Isip buludu odasa pai. Tama augwaligo tęąbi ela peyu, dwagi yai homu dali pai. Te we bidi augwali aga digi dąį muyu sa muai, augwaligo i weyu, dwagi yai homu elama, augwali pai.

Godigo Nogi Ugwaba Sabo Tęąbi Po Wabo Buku Dabe 78:57

Augwa hagoma elama, agai po sela sąwani, te augwa wąį nǫų dabego te polobadu yali tiwai yalio. Augwali te gagea pai enesigi te enebo dolo pisąbo tiwai yai dao.

Godigo Nogi Ugwaba Sabo Tęąbi Po Wabo Buku Dabe 77:20

Nage te tonalubo bidi mu tiwai elama, tama nage polasa pobaso, tama te we bidi dabe nage wali pelawai. Nago sę te Moses de Aron sibolo menama, tama augwali sigo te augwali tonaluai dao.

Jopgo Po Asęani Elalubo Buku 8:20

“Ma, te bidigo doloba pai kolesaga wali peyu, tama Godigo gedude dwai sę me isąma yali da, teda Godigo aga tudiba me iligobeo. Tiali goli, bidigo dwai kolesaga ebaso da, teda Godigo aga tau sabo usu egobeo.

Bomai Po 29:25

Tama augwaligo augwa digi po ma wei ponoyu, te po waibao, ‘Magi baso menio, te we bidigo te augwa wąįgo God augwali Isip bulude bidibadi augwali te odasa asali, te Godigo dąų walali po sela sąwai baso da.

Bomai Po 29:12

Dage megi ede bidibao, te Genuai Bidi dago Godigo gesi noma kontrak o dąų walobo po sainogo te bidibao, te dage dali dąų walobo po. Tama dagego te po wali paibao po olama, tama te po dąų walao.

Bomai Po 29:1

Te Genuai Bidigo Israel dabe dali te kantri Moapde dąų wali po page dabe te e dao. Agai te Israel dabe dali kontrak po dąų wali po wadolama, ma wali, te Sainai bulu dude polobadu wali po.

Ma Dobola Sali 34:10

Tama Genuai Bidigo Mosesbolo te po wai, “Megi eno bomai po dąų dage Israel dabe dali yainogo ebao. Te nago we bidi augwali gedude te eno genuai bomai sę te eno gasa tigidali we bidi hani dali polobadu me isąwai te sę yaibao. Tama tigidali gasa we bidigo te ena Genuai Bidigo dage eno tau siyu, haniani sę ebo te augwaligo sulama, tama augwali homu hauwa elama, tama noma saibao.

Tigidali Nai Gagalama Nigali Side 19:16

Augwali sigo po wabode, tama Lot polo asesa me pabe. Tiali goli, Yawego Lot homu dene eyu tau sainogo yali. Tama tibaso, te bidi sigo te Lot aga me, te aga we me, aga wegi si dali, augwali nogo tulama, tama augwali sigo augwali odasa te hanu buluba dilanio.

Aisaia 41:13

Ena Genuai Bidi, te duga God dao, eno dage ugwaba sagualu tonalu, te eno te tiwai po dageba obao, dage wi me igio. Te eno dage tau saibao, te po wai dao.”

Te We Bidi Dabego Jerusalem Hagede Gela Wali 4:16

Genuai Bidi aga digi augwali subigila pomainu sela sąwani, tama agai augwali homu kone me ebeo, te pris dabe, me tobolu bidi dabe, augwali te we bidigo gedude genuai nogi me elalubeo.

Aisaia 51:18

Te nago ogwa dabe deli me bidisąwai, te nago nogo tolasa, te nage dolo somainu ilabo te meni yai.

Ma Dobola Sali 32:8

Tama eno po weyu, augwalibolo te wali pao wali tų polo geda munama, tama augwaligo te bulmakau wai te golgo nigilama, tama agabolo lotu po weyu, tama agabolo ofa ilibao. Tama augwaligo te po wai, ‘Odao,’ wali, ‘te aga dago god dao. Agai da Isipde selama, odasa asai dao.’ Te po megi obao.

Godigo Sęba Tagala Palai Bidigo Po 7:36

Moses te Isip bulu nosali taga pelama, polasa peyu, te tigidali Israel we bidi nosali aga wali asalio. Tama te Isip bulude me, te mama tamu ąį sesegede me, te bidi meni yai bulude me, tede bidi noma sabo bomai sę mu hauwa yali. E sę dabe edubadi, kibu be bidi nogo sągą sese si 40 yia silali.