Biblia Todo Logo
Bib sou entènèt

- Piblisite -




Hibru 7:5 - Godigo dwagi yai po buku

5 Te Livai hanigo wai dabe augwaligo te pris bidi sę sai dao. Tama Godigo te Mosesbolo mani bomai pogo augwalibolo te po wai, augwaligo te Israel dabe augwaligo tigidali elaluali nai nedeyu, nogo si nogo si tama dodolama, tama tigidali nai nogo side te nai deli digi wabo somainao wai, te sali nai te Livai hani bidi dabebolo momainogo yao wai. Te Israel dabe augwali te augwa ama dede dabe mu te augwali, tama augwali te Abrahamgo wai dabe dao. Tiali goli tagaliyu, te Livai dabe augwaligo te augwa ama dedego nai dabe te me badu deli deli te augwaligo siyu yai dao.

Gade chapit la Kopi




Hibru 7:5
15 Referans Kwoze  

Eno te tiwai me odali, te Livai dabe, me te Godigo bede musik elibo hani dabe, augwa te Jerusalem tagalama, te augwa tǫba ma pali, magi baso meni, te we bidi dabego augwali nai me masiąwai.


Tiali goli, nago digi eno te be me sę egobeo. Menio. Te nago ogwa mu me deligo te eno be sę emainu yaibao, te eno we bidi dabe augwali te ena pąba asomainu yaibao,’ God Genuai Bidigo te po wali.”


Tiali goli, nage dali nago ogwa dabe dagego naga te pris sę eyu, me te altade sę eyu, me te Tedali Gasagi Yai Mu Be Habude sę eyu, tama iyąo. Eno te pris sę dagebolo te wiegi yai nai tiwai tama mawai dao. Tama tialima, te pris sę, me altade sę, me te Tedali Gasagi Yai Mu Be Habude sę, te dagego sę mu dao. Ma, te bidi me aga eno sa musiąwai bidi aga te sę yainogo asobaso da, teda dagego aga ela muiąo,” Genuai Bidigo te po Aronbolo wai.


Te genuai pris tobolu bidigo ebo sę te genuai nogi elaluaibao. Tama bidi me deli aga homugo aga digi te sę me sogobeo. Menio. Godigo naga hasia agabolo i olama, tama agai te sę yaibao, te polobadu agai te bidi Aron te genuai pris tobolu bidi sęba i wali tiwai gilama ebo dao.


Genuai Bidigo po ma wadolama weyu, e tiwai po wai, “Moses, nosali nage ma peyu, nago naga ama Aron aga ogwa dabe dali augwali i wao, Nadap, me Abihu, me Eleasar, me Itamar, augwali asomainao. Tama nago augwali te Israel bage tomode selama, tama augwali eno pris bidi pedalomainogo yao.


Te Jekopgo ogwa dabe me wąį hani dabe dolo te Isipba pali, te 66 hani augwali Kenandu pali. Te nedali te Jekopgo ogwa dabego we dabe te augwali nedebe.


Tama agai ogwa me te Josep polasa pelama, Isip buluba polobadu bidigi pai dao. Te sogo te Israel hani, te Jekop aga hani mu, augwali te bidi sese sela olama, nogo si we bidi 70 augwali Isip buluba bidigi pai.


Tama Godigo agabolo te po wali, “Ena da, te Tigidali Bomo Mu Elalubo God dao. Nago te wai hauwa pedalumainu yao. Te nage hauwa we bidigo wąį hani pedelama, tama te bidi dabe meba augwali te gavman tuni bidi pedelaibao.


“Te tigidali kibu be sela wabode, dagego duga gide nai sesao, tama nogo si tama 10 bugulama wialao. Tama dagego te nai pesage me deli te Livai hani dabebolo mao. Me te gasa bulu bidi hani dage dali bidibo, te hani sibolo te nai mao, me te tiana wai pulubabolo, me te wilawe we dabe, te bagebolo te bugulali nai pesage me deli dobola mao. Tialima, dagego tama tiyu da, teda te we bidi nai usu elama mu bidaluaibao. Dagego te sę dabe elama, silibo sogo da,


Swiv nou:

Piblisite


Piblisite