Hibru 7:23 - Godigo dwagi yai po buku

²³ Polobadu te bidi hauwa pris sę ebo bidi bidai. Magi baso meni, te bidi dabe augwaligo te pris sę iduama tama augwali isibaso, te augwa ogwago augwa sę sali. Tama nosali te bidi dabe me isama, tama augwa ogwago te pris sę sali. Tama tiyu, te bidi me deligo sesemane sogo te pris sę eyu me bidigobeo.

Hibru 7:23 Referans Kwoze

Hibru 7:8

Te Livai dabe augwaligo te pris bidi sę eyu, tama te Israel dabede te nai tigidali te tomode bugulama tama nogo si nogo si dodolama tama me deli wabo siyu yali, augwali da te isabo bidi naga dao. Tiali goli te bidi Melkisedek agai te nai me deli wabo sali, tama te bukude po agade weyu te po wai, “Aga da te bidibo ula dali bidibao” po wai.

Matyu 3:14

Tiali goli Jongo aga te paliainogo yali, tama te po wali, “Te ena nago baptais mabo te usu egi dao. Tiali goli nage enaba asalio,” te po wai.

Hibru 7:21

Tiali goli Godigo mu po da po wabogo te Jisas te pris bidi nigilali. Godigo agabolo te po wai, “Ena da Genuai Bidi dao, tama eno mu po da po wai, tama tede eno homu me hasegelegobeo, ‘Nage te pris bidi sę eyu, sesemane sogo bidada peyu, bidada paibao.’”

Hibru 7:22

Tama tiyu tama dago koneai, te Godigo agai da tau somainogo eyu dąų wali po olama, tama Jisas da te Godigo dąų wali po du mu walobo sę ilabo bidi dao. Tama te we bidi tau sabo dąų wali gesi pogo te polobadu dąų wali po aiyaba mu elalubo dao.

Hibru 7:24

Tiali goli Jisas da, sesemane sogo bidada peyu, bidada pabo dao. Tama tibaso, agai te pris sę sesemane sogo tonaluyu, tama gasa bidigo aga me hasegelegobeo.