Hibru 7:12 - Godigo dwagi yai po buku

¹² Tama te pris hani hasegelebaso da, teda te hasegelebo sę usu ilimainogo eyu, augwaligo te pris sę ebo kolesagade bomai po me augwaligo hasegelao.

Hibru 7:12 Referans Kwoze

Aisaia 66:21

Tama te augwali meba eno te pris pedalumainu ilaibao, te meba Livai hani bidimainu yaibao,” Genuai Bidigo te po wali.

Esekiel 16:61

“Tama eno te we ama nani si te nageba ma asobo sę ilaibao, tama eno augwali si te naga wegi si dolo tiwai pedelaibao. Mu tamao, eno te yainogo ebo kolesaga te dąų wali bomai pode elalubeo, tiali te ena digi homugo yaibao. Eno te tama tebo sogo, te nago naga yali dwai kolesaga haniani te homu kone paligisu, te nage hale umagi mu yai dao,” po wai.

Hibru 7:11

Te Livai hani bidi dabe augwaligo te pris bidi sę ebo kolesaga, te kolesaga Godigo Mosesgo pedauwalidu te sę yao wali. Tama te pris bidi sę ebo kolesaga elaluyu, tama Godigo te Israel dabebolo agai bomo yai po hauwa mawai dao. Tiali goli, te Livai dabe augwaligo pris sę yaligo te we bidi augwali usu ilama tama wiegi yai mu pedaligi sogo da, teda te gasagi yai pris, aga te Melkisedek tiwai elama, tama aga te bidi Aron aga hani bidi meni, aga te Livai bidi meni, te tobage gasagi yai pris bidi aga pedaligi meni da. Tiali goli aga pedalama bidibao.

Hibru 7:13

Godigo po bukude te agade po wabo bidi, te bidi dago Genuai Bidi, aga te gasa hani bidi dao, aga te Livai hani bidi menio. Tama aga te hani bidi mede polobadu te Godibolo ofa mabo sai nogi alta, te altade te pris sę munu me yai menio.

Hibru 9:10

Magi baso meni, te tiwai Godibolo maiabo ofa te tubo nai tiwai eyu, te tubo ąį tiwai yali, tama haniani wę paubo gagawai yai. Te e tigide bomai po naga dao. Godigo te tigidali bomai po muani te augwaligo wali peyu, te agai tigidali nai gesi nigilama dodolobo sogo usu nigi paibao.