Hibru 6:4 - Godigo dwagi yai po buku

^4-6 Magi baso meni. Te bidi meba augwaligo te Godigo ula salio. Augwaligo te Godigo olo mabo wiegi yai nai usu sela sulama koneani. Tama te Godigo Mobo Bidi me te augwaligo sai dao. Augwaligo te Godigo wali po odolama, tama augwaligo koneani, te wiegi yai mu da wai. Augwaligo te Godigo wiegi yai sogo bomo ebo suyu gęnenama, tama te tiwai bomo te nosali pedalaibao te homu yalio. Tama te bidi dabe augwali tulaluyu tama God tudiba mubaso da, teda augwali ma begasa aselama, homu ma begelabo tų te usu munu me egobeo. Menio. Te tebo kolesagago augwa digi augwaligo te Godigo Ogwa te ni pedaide ma elali sę tiwai yai. Augwaligo aga ni pedaide walama, te bidi dabego agade te posobo po waibao.

Hibru 6:4 Referans Kwoze

Matyu 5:13

“Te dage konealubo po dąų wabo we bidi dabe, dage e tǫde bidibo we bidi tomode bidiyu, tama dage te tamu aga sę ebo tiwai eyu bidiąo. Te tamu aga pusu te tubo naibolo mabo dao. Tama dagego dwagi yai kolesaga ebogo te gasa we bidi augwaligo ebo kolesaga dwagi yai ilao. Tiali goli, tamu halia peyu pusu ebo tagaliyu da, teda dago magi ilama te tamu aga pusu yali ma saibawe? Menio, te tamugo da, te sę ma egobeo. Te bidi dabego sela sąyu naga eyu, tama augwaligo sągągo agabo dao.”

Dwagi Yai Gesi Po Jongo Asęani 15:6

Bidi me deli ena dali wadoloyu bidisiąyu da, te aga da te sasia pai ni nologo tiwai dao. Te augwaligo te tobage ni nologo sela sąbo dao. Tama sela sąnama, augwaligo te sasia pai nologo sisinama, tama augwaligo siaba sąnama, dabo dao.

Efesus 2:8

Tama tiyu, Godigo da olo tau sabo kolesaga naga tego dage tau selama, dage Satango nogode ma sali dao. Tama dagego te Krais hagede te konealubo po duga homu dąų olama, tama God agai dage tau siyu ma sali dao. Te dagego bomogo me ebeo. Te menio. Te God agai dage olo tau sai dao.

Dwagi Yai Gesi Po Jongo Asęani 3:27

Jongo po wei ponoyu, te po wai, “Te God agai deli nai deli bidibolo me masiąyu da, te bidi agaduba naga me sogobeo.

Hibru 10:32

Tiali goli te dageba polobadu pedalali sę te dagego homugo ma kone palao, te sogo dagego Godigo po odama tama tede te ula sai. Te sogo gasa bidi dabe augwaligo genuai sę dene dagebolo mani, tama dagego dene hauwa tolai. Tiali goli dage bomonama bugagia dolaluai dao.

Matyu 12:45

Tama aga pelama, gasa dwai noma te a naga olama me si sigi pali. Tama te gasa dwai noma haubo dabego te dwai dwai sę ebo kolesaga tebogo te hasia dwai mobo haubogo ebo dwai kolesaga aiyaba elalubo dao. Tama augwali aga dali aselama, tama augwali tomoba pelama, tama augwali te bede bidibo dao. Polobadu te bidi dwai bidai, tiali goli megi me te aga dwai mu bidibao. Te tiwai naga megi e sogo dwai sę eyu bidibo we bidi augwalibolo me te tiwai sę pedelaibao,” Jisasgo te po wai.

Galesia 3:2

Tama dagego te Juda dabego bomo yai po wali pabo homu ebaso, eno dage te po me deli hanalu obao. Edao. Godigo Dwagi Yai Mobo Bidi aga dageba asai dao, polobadu. Tama aga dageba magi baso asaliwe? Dagego te bomo yai po bugagia wali pidu baso Godigo Mobo Bidi dageba asaliwe? Te menio. Dagego te Kraisde gesi dwagi yai po odama, tama te poba duga homu tigidali mubaso, te Godigo aga Mobo Bidi dagebolo mawai dao.

Polgo Si Wali Pas Timotiba Asęani - 2TI 2:25

Te agai ola mabo po sela sąbo bidi dabe dali agai te nagamea pai homu naga eyu, augwaligo homu dodolao. Te agai tama tiyu da, teda Godigo augwali tau siyu, tama augwali homu hasegeleyu tama te mu po bugagia koneabo tų elaluaibao.

1 Jon 5:16

Bidi me deligo aga amago dwai sę ebo suyu da, tama te dwai sę ebogo te yali bidi aga dwai madigi pisąbo dwai sę elaluyu da, teda aga amago Godibolo gedu haluasa po wao. Tama weyu, tama Godigo te dwai sę yali sela sąnama tama bidibo ula te bidibolo mawaibao. Te dwai sę tedali tedali dao, mebago te sę yali bidi dwai madigi tagala palabo dao, mebago meni. Tama te sę yali bidi dwai madigiba pisąbo dwai sę ebode eno te po wai, Godibolo gedu haluasa po wao. Tiali goli te bidi dwai madigi tagala palabo dwai sę, tede eno dagebolo “Gedu haluasa po wao” wabeo.

Hibru 2:4

Tama ebadi, God me agai te po te haniani bomai sęgo me tama agai haniani bomo yai idualigo te po mu po dao dabolo hania ola mani. Tama tiyu, agai te Mobo Bidigo olo mabo haniani wiegi yai sę ebo kolesaga te we bidi dabe augwaliba dobayali, te God aga digi homugo tama tiai.

2 Timoti 4:14

Polobadu te Godigo po pusubo bidi augwaligo nago nosali yabo sęde mu yabo po weyu, tama te monu dabe tobolu bidi augwaligo augwa nogo nago toboluba muani. Tama te sogo Godigo nago sę yabo bomo dali, homu kolesaga dali nagebolo olo manio. Te mani nai tagaligio. Te mani bomogo me, te homu kolesagago me nago naga sę yao.

Godigo Sęba Tagala Palai Bidigo Po 11:17

Dago te Genuai Bidi Jisas Krais polobadu agaba dena homu mubo si, Godigo agai Dwagi Yai Mobo dabolo olo mawai. Tama eno suali, Godigo te Juda hani isąwai dabebolo me te Dwagi Yai Mobo Bidi mani. Tama agai augwalibolo manigo da, teda eno mena tama Godigo tų paligobeo,” Pitago te po wai.

Efesus 4:7

Te Krais agai da deliba sisinama, tama agai da deli tigi tiwai nigilai goli, tama agai da usu selama, nedama, tama aga homu wali peyu agai da deli delibolo haniani sę yabo homu kolesaga agai dabolo dobawai dao.

Efesus 3:7

Te God agai wiegi yai po eno pusigi pomainogo ena te sęba muai dao. Tama agai te olo tau sabo wiegi yai sę enabolo eyu, tama agai bomo me enabolo mani, te ena dąų olama eno te sę emainogo tebo dao.

Godigo Sęba Tagala Palai Bidigo Po 10:45

Tama augwaligo gasagi gasagi yai po, me me po haniani weyu, Godigo nogi ugwaba sali, “God, nage dwagi yai bidi mu dao,” wali. Tama me badu Juda bidi augwali Jisasgo po wali pabo bidi dabe Pita dali asai, Jopadu. Augwali noma mu sai, Godigo agai Dwagi Yai Mobo Bidi te Juda hani isąwai we bidibolo me olo mawai.

Godigo Sęba Tagala Palai Bidigo Po 8:20

Tiali goli, Pitago te po wei ponoyu, te po wai, “Te Godigo olo mabo bomo te nago masigigo abelai hagede, nage dali nago masigi dali si te moni isiba paibao.

Dwagi Yai Gesi Po Jongo Asęani 6:32

Tama tibaso Jisasgo augwalibolo te po wai, “Mu tama eno dagebolo obao. Polobadu Mosesgo dagebolo mani nai te dagalu bret te dage mabeo. Menio. Eno Aya Godigo da te dage dagalu bret mu dage megi mabo dao.

Israel Hanigo Namba 24:3

tama agai te profet po pusuyu te po wali, “Eno e po odao. Ena Balam, te Beorgo ogwa dao. Eno gedu wiegi yai mu elama, tama eno bugagia mu tonono bilibo dao.

Galesia 3:5

Tama God agai aga Mobo Bidi dagebolo menama, tama agai dage tomode bidi noma sabo bomai sę ebo dao. Magi basowe? Dagego te bomo yai po bugagia wali pobaso agai te Mobo Bidi mabo dawe? Te menio. Dagego te Kraisde gesi dwagi yai po odama, tama te poba duga homu tigidali mubaso, te God agai dage dali te dwagi yai sę ebo dao.

Godigo Sęba Tagala Palai Bidigo Po 15:8

Tama God agai da dago homu tigidali konebo da. Tama God agai Dwagi Yai Mobo Bidi te agai dabolo hasia mani tiwai, tama nosali augwalibolo me manio, te Juda hani isąwai bidi dabe. Tama menama, dago koneagameo, Godigo augwali dali dwagi yai homu ebo dao.

Dwagi Yai Gesi Po Jongo Asęani 4:10

Jisasgo te webolo po wei ponoyu, te po wai, “Nago te God agai te we bidibolo olo mabo nai konegi sogo da, tama ena mena bidigo nagebolo ‘Aį ena mao, ena tueio’ obao konegi sogo da, te si nago konegi sogo da, teda nago ena hanalu olama, eno nagebolo te bidabo bomo elalubo ąį mao wagi da,” Jisasgo te po wai.

Polgo Si Wali Pas Timotiba Asęani - 2TI 4:14

Te bidi nogi Aleksander, agai mone ge sabo sę da te haniani nai te aga kapago nigibo bidi, te bidi agai enabolo dwai sę mu ilali. Nosali te Genuai Bidigo agabolo te dwai dene wei ponoyu, te aga yali dwai kolesaga usu nama te dene mawaibao.

Polgo Po Pas Rom Dabeba Asęani 1:11

Magi baso meni. Eno dage suainogo ebo homu mu godolo yai. Eno te Godigo Mobo Bidigo tau sabo po mobo meba te dagebolo mayu, te dage bomo ilimainogo homu ebo dao.

2 Korin 4:4

Magi baso meni. Te e tǫde tibo god Satan agai te Kraisgo poba augwa homu begi pisąbo bidi dabe augwaligo homu kone tuą palali. Magi baso meni, Krais aga da te God tiwai mu dao, tama agai dabolo Godigo noma mu hanilibo dao. Tama te Kraisgo genuai bomo yai ula waselabo wiegi yai gesi po, te po te giliga nanobo tiwai dao. Tiali goli te hagayabo we bidi augwaligo te pogo nanobo ula suidali weyu, Satan agai augwaligo homu kone puna palama tuą palali.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

Efesus 1:18

Te eno homugo agai wiegi yai ula yai pogo dage homude ula momainogo yaibao. God agai dage i wali, te dagego agai te da mu ma sabo sogo tonalumainogo agai dage i wai dao. Tama Godigo Mobo Bidi agai dagego homude te wiegi yai ula yai po ola mayu, tama dagego te da mu ma sabo sogo tonalubo sę page gisiga koneyu, tama wiegi yai homu ebadi dagego te sogo asobo tonaluaibao. Tama God agai aga we bidi dali wiegi yai kolesaga nosali yaibao po weyu, te po dąų wai dao. Tama tibaso, dagego te kolesaga page wiegi yai mu dao konemainogo, eno God hanaludu gebo dao, agai te dagebolo te dage dali nosali yabo kolesaga page gisiga ola mao.

Pris Sę Ebo Bomai Po 13:55

Nosali agai ma suao, te oiyabe tiwai yali te au me tama elaludubaso, te ugwa menade te nai pedelali madi elalu, te nai elaluali pesagede me genuai pedalisąbaso da, tagalao, te eno gedude wiegi yai me egobeo. Tialima, prisgo te ugwa isiba ulao.

Pris Sę Ebo Bomai Po 14:43

“Te oiyabe tiwai nai te be obo dagade ma pedaliyu, te sę yali tudi, badu te nai ma pedalubaso da,