Hibru 6:17 - Godigo dwagi yai po buku

¹⁷ Tama te tiwai me, polobadu Godigo po weyu, te Godigo aga we bidi tau saibao po wai. Agai hania mu augwalibolo ola mawainogo yali, agai te tau sabo po me hasegelegobeo. Tama tibaso, te dąų wali poba genuai bomo me momainogo eyu God aga digi nogigo bomo teba manani.

Hibru 6:17 Referans Kwoze

Hibru 6:18

Tama tibaso, te Godigo mu po dąų wabo me, te aga teba aga nogigo bomo manubo me, te sę si me hasegelegobeo. Te sę side Godigo tibo po munu me wagobeo. Tama tibaso, tebogo da te God pąba wi pelama geme duala sigi pali we bidi da homu bomo mayu, mu dąų ilimainogo yai. Tama tiyu, dago homugo te Godigo po dabolo weyu te dąų olama, te agai da dali nosali yabo dwagi yai sę dago tede dwagi yai homu eyu tama tonalubo dao.

Bugagia Bidibo Kolesagade Po Asęai Buku 19:21

Da we bidi dabe dago te sę hauwa yabo homu ebo dao. Tiali digi, te Genuai Bidigo yabo homu yali sę te naga te pedelaibao.

Aisaia 55:11

Te tiwai naga eno po me te enaba odolali ma asogobeo. Menio. Agai te eno wali po tiwai gilama pedelaibao. Te agai eno homugo pedalumainogo homu yali sę pedalubo dao.”

Hibru 11:9

Tama aga Godide tią peyu, tama Godigo agabolo polobadu te mawaibao po wali te tǫde bidaluali. Tama aga te tǫde bidali te gasa bidi hanigo tǫde bidibo tiwai yai. Aga te ogwa Aisak de Jekop si dali te osogo bidabo ugwa bede bidaluali. Te agabolo te tǫ saibao wali po, te Godigo te tiwai po polobadu wai dao, tama Godigo te po te bidi sibolo me nosali ma dąų walali.

Aisaia 14:24

Tigidali Bomo Elalubo Genuai Bidigo bomai po me deli e tama wali, “Mu tamao. Sę me eno yabo homu yali, te sę eno yaibao. Sę me eno pedalabo homu yali, te sę mu pedalaibao.

Godigo Nogi Ugwaba Sabo Tęąbi Po Wabo Buku Dabe 110:4

Yawe Genuai Bidigo nageba po dąų waliyu, te tiwai wali, “Nage te pris sesemane bidada peyu, bidada pagameo,” wali. “Nage te pris Melkisedek tobage tiwai dao.” Genuai Bidigo te mu po naga weyu, tama agai te aga po me hasegeligobeo.

Dwagi Yai Gesi Po Jongo Asęani 10:10

Te tibo po wabo bidi, aga te sipsip wi sabo bidi tiwai dao, te wi sabo bidi agai te homu deli naga elasa asai, agai te sipsip dabe wi siyu, ela munama, doloyu yainogo, te homu naga elasa asai. Tialima eno da, we bidi augwaligo bidabo bomo somainogo ena asai. Tama te bidabo bomo augwalide mu pągąna pomainogo, ena asai dao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 33:11

Tiali goli, Genuai Bidigo te sę yao po wali da, teda agai po te sesemane bomo elaluaibao. Agai te mena sę me deli yabo homu eyu da, tama te homu yali te sesemane elalua peyu, elalua pabo dao.

1 Pita 3:7

Te dage we sai bidi dabe me, dage Godigo we bidi hani dali dwagi yai homu eyu, tama dage deli deli duga we dali tau sabo homu eyu, abagi homu eyu, bugagia bidao. Tama dagego koneani, te bidi me aga we me augwali sibolo God agai te bidada peyu, bidada pabo bomo olo mawaibao. Tama dagego augwali bomo genuai meni homu ebadi, te bidi agai aga wego nogi ugwaba sao. Bidigo tama tiyu bidibaso da, teda Godigo augwali sigo aga hanalu wabo po odaibao.

1 Pita 1:3

Te dago dena Genuai Bidi Jisas Kraisgo Aya God aga nogi dago ugwaba sinao. Agai da moni homu dene mu eyu, tama da tau somainogo, agai Jisas Krais te isai bidi dabe bidibo digi tomodu ma hodolali. Tebogo dabolo te gesi noma ula mawai. Tama menama, da dwagi yai homu eyu, bugagia tonaluyu bidalubao.

Hibru 6:16

Bidi si augwa hasi konila po weyu da, teda bidi mego te gasa bidibolo agai wabo po mu po naga dao te hania ola momainogo eyu, te bidigo aga digi nogi weyu te mu po dao te wagobeo. Menio. Agai te gasa bidi me deli, te genuai nogi elalubo bidi, te bidigo nogi weyu tama agai wabo po te tiwai dąų wabo dao. Tama tebogo te bidi si tomode elalubo konila po togolama tama po me meni.

Hibru 6:12

Dage sę ebo hagela egimio. Menio. Bidi meba augwaligo te Godide konealubo po dąų mu weyu, te hagela homu polo isiąbo bidi dabe bidibao. Tama tiyu, tama te polobadu Godigo te aga wai dabe augwalibolo mawaibao wali nai tigidali te tobage bugagia tonalubo bidi dabego sabo dao. Dagego augwaligo ebo dwagi yai kolesaga wali piąo.

Galesia 3:29

Tama tiyu, dage Krais aga dali wadolama, tama dage agai hani we bidi bidibaso, te dage Abrahamgo wai me bidibao. Tama tibaso, te polobadu Godigo Abrahambolo sa muyu sagameo wali te hagea sali nai, te nai dagego sabo bidi dabe dao. Godigo dage ma dobola sai dao.

Polgo Po Pas Rom Dabeba Asęani 11:29

Tama tiyu, te Godigo agai te bidibolo olo mani wiegi yai naide te enabolo ma mao po munu me wagobeo. Agai te bidi sa munama tama i obaso da, teda agai homu te sęde me nosali ma hasegelegobeo.

Malakai 3:6

Genuai Bidigo po ma weyu, te po wai, “Ena naga ena Genuai Bidi, tama eno homu kolesaga me hasegeligobeo. Tama tibaso, dage te Jekopgo bulai wąįgo wai dabe, dage tigidali me hagabe dao.

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Hibru 11:7

Te Godigo te bidi Noabolo po weyu, “Te nago gedugo susiąwai nosali pedalabo sęde dua yao,” te po wai. Tama te bidi Noa agai Godide tiąluama tama konealubo po dąų obaso, agai te Godigo agabolo te aga gedugo susiąwani naide pusali po bugagia odali. Tama te po wali peyu, tama agai te moni geba me deli nigai. Tama tiyu, aga dali, aga we wai puluba augwali te geba tomoba pelama, tama bugagia bidali, tama augwali me dolobeo. Te geba sę tama ebogo Noago te tǫde we bidi tigidali augwaligo dwai sęde po tų ela mabo tiwai yalio. Tama te bidi Noa aga Godigo wali pode tiąlubo kolesaga elalualigode Godigo Noa te doloba pai bidi da wali, te Godigo tigidali konealubo po agaba dąų wabo we bidi dabe dali ebo kolesaga yalio.

Polgo Po Pas Rom Dabeba Asęani 8:17

Tama da te Godigo wai dabe bidaligo da, teda nosali dago te Ayago nai me saibao. Awe, te dago Godigo nai saibao, te nai me dago Krais dali saibao. Te megi dago Godigo sę eyu tama Krais dali dago te dene tolobaso da, teda dago aga dali te genuai nogi me te ula yai bomo me, te me dago aga dali nosali saibao.

Aisaia 46:10

Te magi deli me pedalisiąbadi, eno te tama sę pedelaibao po weyu, te mena tama siligi pabo po waibao. Polobadu digi eno te sę pedelabo po olama, tama nosali te nai dabe te eno po wali gilama pedelaibao. Te eno mena sę me deli yainogo da, teda te sę eno eyu naga yaibao. Te magi nai me deligo eno te sę yabo sunumi me paligobeo.

Solomon 5:1

Eno we, nage eno hobolu du mu da, ena te ena giba asalio. Tama eno te wiegi yai denami ebo nai dabe sisinagasali. Eno te wiegi yai pusu yai nai hani tuali. Te eno ame pę me wain dali tuali. Dage si abagi wali wiegi yai mu da, dage si nai me ąį tuao, dage si mu pągąną pao.

Ma Dobola Sali 22:11

teda te bidi augwali si te po tų dodolobo digi pelama, tama Genuai Bidi eno gedude te abagigo te po wao, ‘Mu tama, eno agai nai doliyu, ma te kibu me te eno wi me sabeo.’ Tama kibu page bidigo agai te po wabo usu da weyu, tama te abagigo agai te hagawali kibu dabe wei ponogobeo.

Jems 2:5

Eno ama dedeo, eno dagebolo dwagi yai homu eyu, godolo mu ebaso, eno dagebolo te po obao. Bugagia odao. Te tǫde tigidali bidi gedude magi nai meni yai bage, te Godigo te tiwai bidi sa munama, tama augwaligo te Godigo po dąų waligo te augwaligo te homu kolesagade te masigi me walu hauwa munalubo bidi tiwai yaibao. Te polobadu Godigo tama po wai, “Niwai bidi agai homu enaba muyu godolo ebo bidi, te aga eno we bidi bugagia tonalubo madi tomoba asagameo,” te po wai. Tama tiyu, agai te magi nai meni yai bidi augwali sa muyu, augwaligo te Godigo po mu dąų waligo da, te augwali te dąį ilali madi te pesage saibao.

Godigo Nogi Ugwaba Sabo Tęąbi Po Wabo Buku Dabe 36:8

Nago bede te nai hauwa elalubao, tama tiyu, te we bidi dabe te nai me sǫą pabo menio. Te nago wiegi yai nai te umabo mu elalubao, te soabo genuai wę tiwai eyu, tama nago da te wę tumainu mabo dao.

Tigidali Nai Gagalama Nigali Side 26:28

Tama augwaligo te tiwai po wei ponani, “Megi dago koneani, te Yawe nage dali bidibao. Tama dago homugo te dago dage dali te mu po naga dao weyu, te boi homu ebo silabo po me deli dąų waibao. Dago nagebolo dwai sę me ilibeo. Tama dago homugo te nago bomo yai po dąų weyu,

Efesus 1:11

Ao, te God agaduba agai te nosali pedalabo sęde homu bugagia konea pelama, tama agai homugo magi sę yainogo ebo sę, te sę tigidali mu pedalobo dao. Tama agai te homu kolesaga wali peyu, tama polobadu agai da Juda dabe sa muai. Tama aga homugo da Juda dabe da aga hani we bidi mu bidimainogo agai da Krais dali wadolali. God agai te sęde hasia mu konea pelama, tama tiwai dao.