Hibru 6:14 - Godigo dwagi yai po buku

¹⁴ Agai te po bomonama wai, “Eno mu po naga obao, te eno nagebolo dwagi yai sę yaibao, tama eno nage wąį hani hauwa mu nosali pedalomainogo ilaibao,” te po wai.

Hibru 6:14 Referans Kwoze

Tigidali Nai Gagalama Nigali Side 22:17

Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Bomai Po 1:10

God, dago Genuai Bidigo dage hauwa mu, te dagalude hǫ tiwai pedalumainu ilai dao.

Nehemia 9:23

Tama nago augwaliba te wai dabe hauwa mawai, te dagalude elalubo hǫ dabe tiwai pedelali. Tama nago te augwaligo te boi bidi dabe aiyaba elalumainu ilama, tama nago te augwa bulali wąį nǫų dabeba mawainu te po dąų walali tǫ somainogo yai dao.

Ma Dobola Sali 32:13

“Nago naga sę bidi Abraham, me Aisak, me Jekop, te homugo koneao. Tama nago te bomo yai po augwali dali dąų wali po, te homude koneao. Nago bomo yai po dąų mu weyu, e tiwai po wai, ‘Eno mu po obao, eno te dagego wąį nǫų dabe te dagebolo hauwa mu, te hǫ tiwai dageba mawaibao. Tama eno po dąų weyu, te eno dagebolo mawaiba wali te tǫ, teda te tǫ te eno duga wąį nǫų dabe augwaliba mawaibao. Tama augwali sesemane sogo mu te tǫde bidada paibao,’ nago te po wai.”

Tigidali Nai Gagalama Nigali Side 17:2

Te nage dali eno dwagi yai tau sabo bomai po dąų wali po, tede eno megi usu da po weyu, tama nagebolo menama, tama eno nago hani wai dabe te umabo hauwa pedalumainu ilaibao,” wali.

Tigidali Nai Gagalama Nigali Side 48:4

tama agai te po wali, ‘Te eno nagebolo wai hauwa mawaibao, tama nago waigo wąį dabe te bidi hani hauwa pedelaibao. Te augwalibolo te e tǫ menama, tama augwaligo tǫ gagalama, sesemane sogo bidaibao.’

Tigidali Nai Gagalama Nigali Side 22:16

“Yawego te tiwai wali, ‘Te ena nogide digi eno mu dąų walai bomai po obao. Nago naga te deli naga elalubo ogwa me yoga sabeo. Tama tibaso, mu tama, eno nage dali wiegi yai sę mu yaibao.

Bomai Po 1:8

Te tigidali tǫ ena Genuai Bidi eno te tǫ duga wąįbolo mawaibao po dąų walai dao. Te Abraham, me Aisak, me Jekopbolo wai dao, me te augwaligo wąį nosali asobo bagebolo me. Tialima, dage megi pelama sigi piąo,’ wali,” Mosesgo te po wali.

Galesia 3:18

Tama da te bomo yai po naga bugagia wali peyu, tama God agai da dali dwagi yai sę egi sogo da, teda agade agai dąų wali po wali peyu agai da dali dwagi yai sę egi menigi da. Tiali goli te menio. God agai ‘Eno Abraham dali dąų wali po polobadu obaso, tama megi eno aga dali dwagi yai sę yaibao’ te homu eyu, Godigo Abraham olo tau siyu, dwagi yai sę yai. Tama tibaso dago koneai, te Mosesgo sali bomo yai po tego te Godigo polobadu dąų wali po aiyaba elalugobeo.

1 Pita 3:9

Bidi mego dage dali dwai sę ebo si, tama dagego dwai sę eyu ma wei ponogio. Ma, bidi mego dage dali dwai dwai po wabo si, dagego te dwai po me weyu wei ponogio. Te menio. Dagego God hanalu wabo po wao, agai augwali dali dwagi yai sę emainogo yao. Te God agai dagego te tobage sę emainogo dage i wali dao, tama nosali agai dagebolo dwagi yai kolesaga mu yaibao.