Hibru 5:11 - Godigo dwagi yai po buku

¹¹ Te bidi Krais aga te pris bidi dao, te Melkisedek tiwai, tede eno po hauwa elalubaso, tama dagebolo eno te po wainogo yai. Tiali goli dagego homu kolesaga megi puna pelama, tama dagego polo konea sabo menio. Tama tibaso, dagebolo eno te po page ola mawainogo sinabo sę dene yaibao.

Hibru 5:11 Referans Kwoze

Matyu 13:15

Magi baso meni. E we bidi hanigo homu kolesaga te puna pai dao. Tama augwaligo ologo po odobo te hagela eyu, tama augwaligo augwa gedu palia sai. Tiyu augwaligo gedugo te magi nai me deli suidali weyu tiali, tama augwaligo ologo po odidali weyu tiali, tama augwaligo homude te po page ma koneama, tama augwali begesa enaba ma aselama, te eno augwali usu ma ilidali weyu augwaligo tama kolesaga yai dao,’ Aisaiago Godigo wali po augwalide tama asęai dao.

2 Pita 3:16

Agai tigidali pasde agai te sęde te tobage po naga wabo dao. Tama meba po te pasde elalubo te po page polo hania pedalobo meni, te dago bugagia hania koneainogo sinabo sę ebo dao. Tama te bugagia dolalusiąbo bage, te konesiąwai bidi dabe, augwaligo te po hasegelebo dao, te augwaligo te gasa po te Godigo bukude elalubo po te me hasegelebogia. Tama tebo bidi dabe augwali augwa digi dolaibao.

Godigo Sęba Tagala Palai Bidigo Po 28:27

Te magi baso menio. Te po page da, te we bidigo homugo eno po odogobeo. Tama augwaligo olo dega salio. Tama te ebogo, eno po odabo ąǫ ebe dao. Augwaligo gedu me halua sali dao. Te tibogo, eno ebo sę suabo ąǫ ebe dao. Augwaligo te sę egi menigi sogo da, teda enaba augwaligo dwagi yai kolesaga sigi dao, tama augwaligo ologo eno wali po me odigi dao. Me augwaligo eno yali sę me bugagia sugi dao. Tama tigi sogo da, augwali homu digi begelama, tama eno ma augwali dodoligi dao,’ Godigo Aisaiabolo tama po wai,” Pol agai te tama po pusa mani.

Dwagi Yai Gesi Po Jongo Asęani 16:12

“Te eno po hauwa dagebolo maiabo me elalubo. Tialima, te po dagego megi sogobeo, te sęgę yai po mu dao.

Dwagi Yai Gesi Po Jongo Asęani 6:6

Jisasgo Filipbolo te po wai, agai homu magi ebowe naga suainogo eyu, Jisasgo te po wai. Jisas aga digi yabo sę da te aga konea selama, te sę yaibao.

Dwagi Yai Gesi Po Lukgo Asęani 24:25

Te Jisasgo te tama po augwali sibolo wai, “Ao, dage sigo homu kolesaga meniwe? Dage sigo homu te polobadu Godigo sę nosali pedelabo po ola mani bidigo po naga konealuai dawe?” Jisas po augwali si dali wai.

Dwagi Yai Gesi Po Makgo Asęani 8:21

Tama agai augwalibolo te po wai, “Tama dagego me konesiąma ebawe?”

Aisaia 6:10

Magi baso meni. E we bidi hanigo homu kolesaga te puna pai dao. Tama augwaligo odogo po odobo hagela eyu, tama augwaligo augwa gedu palia sai. Tiyu, augwaligo gedugo te magi nai me deli suidali weyu tiali, tama augwaligo odogo po odidali weyu tiali, tama augwaligo homude te po page ma koneama, tama augwali begasa, enaba ma aselama, tama eno augwali usu ma ilidali weyu, augwaligo tama kolesaga yai dao,” wali.

Te Israel me Juda Hani Sigo Tuni Bidigo Po Elalubo Buku Deli 10:1

Te Seba tǫ pedai kantri polalubo we, te kwin wabo we, te kwingo te tama po odali, te Genuai Bidigo te Solomon bugagia wiegi yai ilama, tama te Solomongo genuai nogi elalubo po odali. Tama tiyu, te kwin we aselama, te Solomonba te gegeda pai hanalubo po meba, te Solomon aga usu sabo hanalubo po meba, te agaba hanalu wagasali.

Hibru 5:10

Tama Godigo aga sa munama tama te po wai, “Nage pris bidi dao, te polobadu bidali pris bidi Melkisedek tiwai yaibao.”

Hibru 5:12

Te dage Godigo po ola mabo bidi bidabo sogo usu yali homu yai. Tiali goli menio. Dagego homu kolesaga habuge elalubaso, tama eno homu bidi me deligo te Godigo hasia polalubo po page deli deli te dagebolo ma ola momainogo yao. Dage te wai bǫų tiwai dao, dagego te dili yai nai me sela tugobeo. Te dagego te ame pę naga tubo usu dao. Dage tama bidibo te dwai dao, usu egobeo.