Hibru 4:8 - Godigo dwagi yai po buku

⁸ Te polobadu te tobolu bidi Josuago te Israel we bidi augwali te Godigo mawaibao wali toma nabo pesage tomoba selasa pigi sogo da, teda Godigo nosali te gasa sogode me da po wagi menio.

Hibru 4:8 Referans Kwoze

Josua 1:15

Te duga Genuai Bidi Godigo e tǫ dagebolo mawai dao. Tama dagego te gasa Israel hani bage duga abagi dede tau siyu, tama agai augwalibolo mabo tǫ sabo sogoba usu nagasu yao. Tama elama, te boi pilama wiegi yai pemene ebo sogo elaluyu, tama augwali me te toma tueibao, te dage megi ebo tiwai gilama yaibao. Tama tiliama, tama nosali dage duga e tǫba ma asomainogo, polobadu te tǫ Mosesgo dagebolo mawai dao, e tǫ te Jordan ąį badu, te giliga pedalubo badu dao,” Josuago te po wai.

Josua 22:4

Megi te God, te dago Genuai Bidigo, te boi pilama wiegi yai pemene ebo sogo te dagego ama dabebolo mayu, te polobadu agai po dąų wali tiwai gilama yali. Tialima, dage te duga beba ma geasa pelama, te tǫ pedai te Jordan wę u badu, polobadu Moses, te Genuai Bidigo sę bidigo, te dagebolo mani.

Bomai Po 12:9

Magi baso meni, dage Genuai Bidigo dagebolo mawainogo ebo te tǫba dage me sabalobeo. Dage te bulude bugagia bidama, tama te bulude bugagia toma tuyu bidagameo.

Josua 23:1

Te kibu be hauwa bidama, tama Genuai Bidigo te boi pilama wiegi yai pemene ebo sogo te Israel dabebolo mani. Tama augwaligo te bidalua pabo boi bidi dabe dali te boi me hwįbeo. Te megi da, te Josua monu dabe mu yali.

Godigo Sęba Tagala Palai Bidigo Po 7:45

Nosali dago wąį augwa ogwago te ugwa be selama, te tobolu bidi Josua wali pelama, gasa hanigo tǫ sali. Godigo augwali tau selama, te tǫ sai. Tama te ugwa be tede elalubadi, genuai bidi Devit bidibo sogo te be me elaluali.

Godigo Nogi Ugwaba Sabo Tęąbi Po Wabo Buku Dabe 78:55

Agai te gasa hani dabe te aga hani dabe asobo si, te augwali sela sąwani. Tama agai te tǫ te Israel hani dabeba doba yali. Tama agai augwali te augwa ugwa be dabede bugagia bidimainu yai dao.

Godigo Nogi Ugwaba Sabo Tęąbi Po Wabo Buku Dabe 105:44

Gasa we bidi augwaligo tǫ agai augwalibolo te tǫ mayu, tama augwaligo te tǫde elaluali gi dabe me sai.

Bomai Po 25:19

Tama tialima, Godigo te bulu dagebolo mabo sogo tama bugagia bagulama, tama boi bidi dabe pąde bidalubo bagego dage me dologobeo. Teda dagego Amalek dabe tigidali elama isilao. Tama tilama da, te bidi dabego augwali kone me egobeo. Dagego te tama tiyąo. Dagego munu me gegeda pelamo dao,” Mosesgo te Israel dabebolo te po wai.

Josua 11:23

Josuago te moni tǫ pedai tigidali badu sela silali, te Genuai Bidigo Mosesbolo wali gilama te tiwai yali. Tama Josuago te Israel dabe augwalibolo te moni tǫ te augwa page bulu tiwai ilama mawai. Tama te tǫ te tigidali Israel hani deli delibolo dobayali. Tama tilama, te we bidi augwaligo hwįbo sę ebo sogo silama, tama augwaligo hwįbode te toma tuyu bidali.

Hibru 1:1

Te polobadu mu hauwa sogo me, te haniani kolesaga hauwago me, te Godigo agai po pusali bidi profet dabego pedauwalidu agai po meba te dago wąį dabebolo mena mena pai dao.

Hibru 4:9

Tiali goli dago koneani, te toma nabo sogo te me elalubao. Te Godigo tigidali nai nigila silama, tama aga toma nani sogo, te tiwai tama te toma nabo sogo asobo te Godigo we bidi augwali tonalubo dao.

Tuni Bidi Dabego Po Elalubo Buku Deli 7:27

tama Elisama te Nungo aya, tama Nun te Josuago aya dao.