Hibru 3:19 - Godigo dwagi yai po buku

¹⁹ Tama tibaso, dago hania koneani, te augwaligo augwa homugo Godiba tiąlusiąbaso, tama te tebogo naga te augwali Godigo te toma tumainogo ebo digi te pesage tomoba painogo ebo te usu me ebeo.

Hibru 3:19 Referans Kwoze

Jutgo Asęani Pas 1:5

Te Godigo polobadu mu yali sę po te dagego gisiga koneai digi, eno dagego ma konealumainogo eyu e po ma obao. Polobadu agai te Israel bidi hani tau siyu, tama augwali kalabus togaluyu elama, tama Isip tǫ tagalama odasa pai. Tiali goli nosali augwali meba agai wali poba augwa homu tigidali musiąwai, tama te po wali pisiąbaso agai augwali doloyu ela silai.

Dwagi Yai Gesi Po Jongo Asęani 3:36

Niwai bidi agai homu tigidali te Godigo Ogwaba mubaso, te bidigo bidabo bomo da bidada peyu, bidada paibao. Tialima, niwai bidigo Godigo Ogwago po wali pisąbaso da, te bidi aga bidabo bomo me sogobeo. Menio. Godigo sębę te bidide elalua paibao.

Dwagi Yai Gesi Po Jongo Asęani 3:18

Niwai bidigo God aga Ogwaba homu mubaso da, teda te bidi da aga po tų menio, Godigo agabolo dene magobeo. Tiali ma, niwai bidi aga Godigo Ogwaba homu musiąwani bidi da, Godigo te bidibolo po tų dodolama, dene mawaibao. Magi basowe? Te bidi agai God agai ogwa teba homu mubeo.

Dwagi Yai Gesi Po Makgo Asęani 16:16

Te enade konealubo po dąų olama, tama aga homu enaba tialuyu tama te baptais sabo bidi, aga te Godigo ma dobola selama, tama aga bidi da waibao. Tiali goli te enade te konealubo po dąų me wasiąwani bidi, aga te po tų ebo sogode hagawaibao.

1 Jon 5:10

Tama te konealubo po Godigo Ogwa dali dąų weyu agaba tiąlubo bidi, te bidi agai te Godigo aga Ogwade pusali po aga homude elalubo dao. Te Godigo aga Ogwade wali po, te pode “Mu po dao” wasiąbo bidi, te bidi agai “God aga nogi ili po wabo bidi dao” wai dao. Magi baso meni. Te po, te Godigo aga Ogwade wali pode te bidigo “Te po mu po menio” homu eyu sela sąwai dao.

2 Tesalonaika 2:12

Tama elama, Godigo mu po augwaligo homude dąų wasiąyu, tama dwai sę ebo kolesagade dwagi yai homu mu yai we bidi tigidali augwali Godigo po tųde sęgę mu saibao.

Bomai Po 1:32

Eno te po dagebolo walio. Tiali goli, tegoba! Dagego te po odisąma bididuai. Tama dagego Genuai Bidiba homu dąų wabeo.

Godigo Nogi Ugwaba Sabo Tęąbi Po Wabo Buku Dabe 106:24

Tama nosali augwaligo te wiegi yai tǫ wei isiąwai, magi baso meni, augwaligo te Godigo dąų walali poba homu kęą pabeo.

Polgo Po Pas Rom Dabeba Asęani 11:23

Tama te Juda dabe, te ni olivgo nologo mu, te augwaligo te Kraisde konealubo po dąų wabo hagelabo homu tagaluyu da, teda Godigo augwali te augwali togwali pesagede ma wadolaibao. Awe, Godigo te augwali ma wadoligi pabo usu yaibao.

Hibru 3:12

Ama dede dabe, dage bugagia bidao. Tiyu dage tomode ama me deli aga homude dwai sę ebo homu elaluyu, tama aga Godide konealubo po tagaliyu, tama te bidibo ula elalubo God gegeda peyu tudiba muidali weyu, dagego dua dao.