Hibru 3:13 - Godigo dwagi yai po buku

¹³ Tama tiwai pedalidali weyu, megi e sogo Godigo nogi yali “te megi” te me elalubadi, tigidali sogo deli deli dagego wiegi yai po te ama dedebolo mayu, tama augwali homu hodoloyu tau sao. Duga hasi tama tiluao. Tiyu te sęgę sabo kolesagago dage tomode bidi me deli ili po ola mayu, tama te sęgo aga olo palia selamuo.

Hibru 3:13 Referans Kwoze

1 Tesalonaika 5:11

Tama tibaso, duga hasi te pogo duga abagi dabe augwali homu kolesaga dąų waliyu, tau siyu, te po augwalibolo ola mao, tama megi dagego te ebo sę tiwai tama naga yao.

1 Tesalonaika 4:18

Te sę pedalama, tama da tigidali te tiwai bidaibao. Tama tibaso, dage tomode we bidi meba augwali isibaso, dagego te pogo duga hasi tau siyu, duga homu dąų walao.

Polgo Po Pas Rom Dabeba Asęani 7:11

Magi baso meni, te dwai sę ebo kolesagago te bomai pogo tų gegelama, tama ena ili po ola mani, tama te kolesagade te bomai pogo ena ola mani, te ena dwai sę ebaso ena isali tiwai yalio, ena God dali bidibeo.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

Jems 1:14

Tiali goli tigidali bidi deli deli augwa homugo digi te dwai sę yabo homu hodolobo dao, tama dago te dwai sę emainogo te dwai homu kolesaga tomode dabolo te ili po wabo dao.

Efesus 4:22

Te mu po da wali po e tiwai dao: polobadu dagego duga dwai dwai sę yabo homu kolesagade biliyu bidai dao. Tama te sogo te dwai homu kolesagago dage tonaluyu, tama dagebolo te dwai dwai sę yao po weyu yai. Tama tiyu, te dagego te dwai sę ebode godolo emainogo tama te dwai sę yabo homu kolesagago tibo po weyu, dagego homu hodolai dao, tama dage te dwai sę ebo tųdu pai dao. Tama te dwai sę ebogo te dwai sę yabo homu kolesaga doloyu yai. Tialima megi dagego te polobadu yai dwai homu kolesaga mu sela sąyao.

Obadia 1:3

Te duga hagoma ebo kolesagago naga, te dage tibo po ola mobao. Te bomai masigi obogo te dagego genuai taun bagua selama, te dage bulu du tomode bidibao. Tialima, dagego te tama po obao, ‘Dego da aiyaba elalueibawe? Mu menio,’ wabo.

Bugagia Bidibo Kolesagade Po Asęai Buku 28:26

Te bidigo te homu eyu, te aga koneani kolesagago digi te aga tau selama, te tigidali sę ebo usu yaiba homu yali da, teda agade te wiegi yai homu kolesaga me elalubeo. Tiali goli, te bidigo te wiegi yai homu ebo kolesaga wali pobaso da, teda aga bugagia mu bidaibao.

1 Tesalonaika 2:11

Tama dagego koneai, ayago aga wai dabe dali ebo kolesaga tiwai dago me dage deli deli dali yai dao.

Aisaia 44:20

Augwa homu kolesaga te mu kone tuą palio, tama augwa te geda mubo homu kolesaga mu eyu, te bidigo sia keli tubo tiwai yalio. Te we bidi dabe me deligo homu kolesaga dolo ma siyu, te po wabo sunumi deli me menio, ‘Te eno dolo nogode tolalubo nai, te ni dage naga, te god meni,’ te po wagobeo.’” Te po wai.

Hibru 13:22

Ama dedeo, eno po bomo elama dagebolo obao, dagego eno e mobo mabo wali pode dwagi yai homu eyu, odao, te eno dagego homu dąų ilabo po e pas tomode wai dao. Eno dagebolo e asęna tolobo pas te pęwadage tiwai naga dao.