Hibru 13:5 - Godigo dwagi yai po buku

⁵ Dagego te monede pesą eyu godolo ebo kolesaga wali me pigio. Te dagego tolalubo naide te dagego e tiwai homu yao, “Te wiegi yai dao. Te ena usu yaibao.” Magi baso meni, Godigo digi te po walio, “Te ena nage munu me tagalogobeo. Te eno nage tudiba munu me mugobeo.”

Hibru 13:5 Referans Kwoze

Bomai Po 31:8

Genuai Bidi nage tudiba togolama, aga bolo polasa pelama, tama nage tau saibao. Agai nage tagalama, nage dolomainogo te tagalogobeo. Tama tialima, nage noma selama, wi me elamo,” Mosesgo Josuabolo te po wai.

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

Bomai Po 31:6

Dage dili elama dolalua, dage noma selama, augwalide wi elamo dao. Magi baso meni, Genuai Bidi dago God dage dali bidaibao. Tama agai dage me gegeda pelama, o dage olo bidimainogo me sula tagalogobeo,” Mosesgo te po wali.

1 Samuel 12:22

Te Genuai Bidigo homugo naga te agai dage sa munama, te aga hani bage pedelali. Tama teyu, agai te aga genuai nogi me te aga dąų walali poba homu kone palama, tama agai dage tudiba me mugobeo.

Aisaia 41:17

“Te eno we bidi dabe te ąį mu sǫą pelama, te augwali dogoni te ąį tuabo wa pali sogo, te augwaligo ena i obaso, tialima ena, Genuai Bidi, te eno augwaligo gedu haluasa po wabo odaibao. Ena, te Israelgo God, te eno dage homu kone me gegeda palogobeo.

Tuni Bidi Dabego Po Elalubo Buku Deli 28:20

Megi da, king Devitgo Solomomba te tiwai po wali, “Nage bomo elama mu dolalu, te sę yao, te haniani sęgęgo nage aiyaba elalumainu ebaso te tagalao, magi baso meni, God, eno Genuai Bidi, te nage dali bidiyu, te nage tau saibao. Agai nage me tagalogobeo. Menio. Te aga nage dali bididubadi nago te be sę tigidali silibo siba usu naibao.

Godigo Nogi Ugwaba Sabo Tęąbi Po Wabo Buku Dabe 37:25

Polobadu ena gesi ogwa bidi bidali, tama megi da ena monu dabe yalio, tiali goli te Godigo doloba pai bidi me deli tudiba mubo te eno me subeo. Tama te doloba pai bidi dabego wai dabe te nai sǫą pabo te eno me susiąyu, tama te gasa bidigo augwali tau somainu i me wabeo. Mu menio.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Tigidali Nai Gagalama Nigali Side 28:15

Odiąo. Ena nage dali bidiyu, tama nage paboba te tigidali habu te eno tonalua bilaibao. Tama nage eno e tǫba ma odasa asaibao. Tama eno nage munu me tagalisiąbadi, te eno nagebolo po wabo sę tigidali usu nama, pedela silaibao,” Yawego te po wai.

Matyu 6:25

“Tama tibaso, eno e po dagebolo obao, dagego duga bidibo ula tigi tau mabo naide homu hauwa eyu, te po wagimio, ‘Da magi nai tugowe?’ ma ‘Da magi wę tueibawe?’ Tama dagego duga tigi tau siyu gudabo ugwade homu hauwa elama te po olamuo, ‘Da magi ugwa gudugowe?’ Te bidabo ula elalubogo te tubo nai aiyaba elalubo dao. Me te tigi elalubogo te gudabo ugwa aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 37:28

Magi baso meni, Godigo te doloba pai kolesaga ebo we bidi wei eyu, godolo mu ebo dao. Agai te aga we bidi hagamainu me egobeo. Sesemane sogo Genuai Bidigo te we bidi dabe dolasa bilimainu tonalueibao. Tiali goli, te dwai bidi dabego wai dabe da, te mu dolaibao.

Matyu 6:34

Tama tibaso, dagego do yabo sęde homu hauwa mu egio. Te do pedalabo sęgę te augwa digi do dodololaibao. Te deli sogo ebo sęgę te sogo naga usu nama yaibao,” Jisasgo te po wai.

Kolosi 3:5

Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.

Dwagi Yai Gesi Po Lukgo Asęani 3:14

Enesigi bidi dabe me badu Jon pageba asama, hanalu wali, “Da da, magi yaliwe? Dago da magi egowe?” Jongo augwalibolo te po wali, “Dagego gasa bidigo mone bomo elama, sigimio, me tibo po tų elama, sigimio. Duga mabo mone deli naga sabo homu elasa siąo,” wali.

Esekiel 33:31

Tama tialima, eno we bidi augwali nago po odainu sisinagasobo dao. Awe, augwali nago gesabidide dualama, nago po odobo dao. Tiali goli, augwaligo olodali tama odobo dao. Augwaligo te po wali pabo menio. Augwaligo te timainao po wabo dao. Tiali goli augwaligo te mone hauwa sabo homu naga ebo dao.

Godigo Nogi Ugwaba Sabo Tęąbi Po Wabo Buku Dabe 119:36

Nago eno homu hodoloyu da, te eno nago po wali pabo homu yaibao. Tama eno homugo te mena gasa bidigo nai dabe suyu, homu hodolidalio.

2 Pita 2:14

Tama augwaligo gedugo te we dabe sibi sesemane sogo tonono eyu te penani yainogo, tama augwaligo te dwai kolesaga ebo tagalogobeo. Mu menio. Augwaligo te homu bomo meni yai bidi dabe augwali te sę emainogo homu begelama, tama augwaligo te dwai sęgę sabo kolesaga yai. Te augwaligo gasa bidigo nai sabo pesą ebo kolesaga konea sai dao. Tama Godigo te bidi dabe augwali mu dolaibao.

2 Timoti 3:3

Aga te bomai ąį tulama te esela pabo bidi tiwai bidamuo. Agai sębę polo eyu, bidi eleyu me egobeo. Menio. Agai te bidi dabe dali imilai homu nagame yao. Agai te wąbi subigila hwįgio. Agai homu te monede kuna dąų me olamuo.

Efesus 5:5

Dagego gisiga mu koneao, te penani ebo bidi me, te dwai dwai meda yai kolesaga ebo bidi me, te mena gasa bidigo nai godolo eyu pesa ebo bidi me, te tobage dwai sę ebo bidi dabe augwali Krais dali God dali sigo tonalubo we bidi hani tomoba munu me pogobeo. Tama te nai godolo eyu pesa ebo kolesaga, te kolesaga da te tibo godibolo lotu po wabo sę tiwai dao, te naiba te bidigo aga homu tigidali muani.

2 Pita 2:3

Tama te tibo po ola mabo bage augwaligo te gasa we bidi dabego nai sulama pesą elama mu sainogo ebo bidi dabe, tama augwaligo te dagego mone dabe bomonama sainogo tibo po hauwa dage dali waibao. Tiali goli polobadu mu Godigo augwali po tų ilama hagayabo te sisi yai elalubao. Tama augwali mu dolabo nai te sesemane sogo tonalubao.

Jeremaia 6:13

“Tigidali we bidigo te dwai kolesaga haniani eyu, te mone hauwa sabo homu eyu tama tiali. Te olo bidi dabe me, genuai bidi dabego me te kolesaga naga wali pali. Te pris dabego me, te profet dabego me te we bidi tibo po ola mayu yalio.

Godigo Nogi Ugwaba Sabo Tęąbi Po Wabo Buku Dabe 10:3

Te dwai sę ebo bidigo te aga ebo dwai homu kolesagade hagoma homu eyu ebo dao. Tama te hauwa nai wei eyu, pesa ebo bidigo agai te Godiba dwai po weyu, tama aga tudiba mudu gebo dao.

Ma Dobola Sali 2:21

Tama nosali Jetro agai homugo Moses aga dali bidimainogo yai, tama Mosesgo te usu dao te po wai. Tama Jetro agai wegi Sipora me Moses mawai, tama Mosesgo te wegi sai.

Efesus 5:3

Te God agai dage aga hani we bidi nigaligo da, teda te penani ebo kolesaga me, te dwai dwai meda yai kolesaga me, te mena gasa bidigo nai pesa eyu godolo ebo kolesaga tigidali, te tebo dwai kolesagago ebo sę dwasianu munu me dage tomode te pedalamuo. Gasa we bidi dabe augwaligo dagego te tobage dwai kolesaga yali po waidali weyu, tama dagego doloba peyu bidiąo.

1 Korin 5:11

Tiali goli eno asęani po page te e tiwai dao: te bidi me deligo aga dage dali ama da wabo bidigo te we sabo kolesaga dolobo me, agai te gasa bidigo naide pesa eyu, me agai tibo godibolo lotu po weyu, me agai posobo po obaso me, ma agai bomai wę tubaso, ma agai te gasa bidigo nai anoma elama te tigidali kolesaga ebaso da, teda dagego aga dali kisasa biligio, aga dali abagi me wagio. Menio. Dagego te tiwai sę ebo bidi dali te nai me munu me tulamo dao.

Dwagi Yai Gesi Po Lukgo Asęani 8:14

Te tubo nai ge sesani yai bono sili elalubo tomoba tudulaluali po wabo da, te da te bidi dabe augwaligo te Godigo po odali tiwai yali goli, e tǫde ebo naide moni homu hauwa eyu, te nai doado bage hauwa elalu, te monede me, e tǫde ebo sęde bugai homu pemene eyu, tama te nai doado bagego augwali homu hogodabo mesegelama, te augwaligo Godigo po bugagia me odobeo. Augwali te nai du bugagia walama, te inawai nai tiwai elalube dao.

Dwagi Yai Gesi Po Makgo Asęani 7:22

te we sabo dolobo kolesaga me, te mena nai sainu homu hogodama pesa dalobo kolesaga me, te haniani dwai dwai kolesaga me, te tibo po weyu te hagoma ebo kolesaga, me te bidi nogi posobo po wabo kolesaga ebo, me te hagoma homu elama te esela pabo bidigo kolesaga tiwai eyu ebo dao.

Ma Dobola Sali 20:17

“Nago gasa bidigo be sulama, pesą eyu, godolo igio. Tama nago gasa bidigo we dali gedu igio. Tama aga sę ebo bidi, me te sę ebo we, me te bulmakau, me bidi duabo donki, me te agai tigidali gasa nai dabe me, te nago godolo eyu, sabo homu me igio.”

Jutgo Asęani Pas 1:11

Augwali hobedagia bidibao. Augwali te polobadu mu bidali dwai sę yali bage tiwai ebo dao. Te polobadu bidali bidi nogi Kein, te Adam aga ogwa, te bidi aga pali dwai tų te augwali megi te tųdu bilibo dao. Tama te dwai bidi me aga nogi Balam, agai yali sę tiwai eyu, tama augwaligo masigi sabo pesą eyu, gasa we bidibolo dwai sę yabo po hwa po mabo po wabo dao. Tama augwaligo te polobadu bidali bidi me nogi Kora agai yali sę tiwai ebo dao. Te bidi Kora agai te Godigo wali po odobo hagela eyu, tama te po sela sąbaso, nosali dene mu sai. Tama e bidi dabe me augwaligo te tobage po sela sąbo kolesaga ebaso, tama augwali me mu doloyu hagawaibao.

1 Korin 6:10

tama te nai wi sabo bidi dabe tama te gasa bidi dabego doado bagede pesa homu ebo bidi dabe me, tama te bomai wę tubo bidi me, tama te gasa bidi dali posobo po wabo bidi dabe me, tama te gasa bidi dabego doado bage anoma elama sabo bidi dabe me, te tobage kolesaga ebo bidi dabe tigidali te augwali Godigo we bidi bugagia tonalubo bomo tomoba pabo usu me egobeo.

Polgo Po Pas Rom Dabeba Asęani 1:29

Tama augwaligo te doloba pai kolesaga me isąyu, tama dwai kolesaga mu eyu, tama mena nai pesa eyu, tama boi bidi ebo kolesaga yali. Augwaligo te doado bage hauwa elalubo bidi dali dwai homu eyu sębę sabo homu elama, tama bidi ela muyu yai, tama wado po weyu, tama tibo po weyu elama, tama gasa bidi dali dwai sę yabo homu kone palobo dao, tama augwaligo po tola sabilibo po wabo dao. Te tigidali dwai kolesaga augwalide mu pągąnaluai.

Josua 7:21

Te dago hwįyu, te Jeriko dabego nai dabe sali sogo, eno te nai dabe tomode te Babilon dabego sawi yai bobobage gudubo ugwa me deli suali, tama te silva sęgę me badu te 2 kilo usu badi, te gol me badu te sęgę deli usu elalubo eno suai. Eno te nai dabe pesa mu ebaso, tama augwali eno sai. Nago te eno ugwa be tomode munalubo gegelama, suagameo. Eno tigidali te tǫba pubulama, tama silva te dologode mu munalubao,” te bidi Akango te po wai.

Tigidali Nai Gagalama Nigali Side 31:5

Te augwali si sabalubode, tama Jekopgo augwali sibolo te po wai, “Eno suali, te dage sigo ayago te enade polobadu yali kolesaga tiwai isiąyu, tama agai kolesaga hasegelali. Tiali goli, eno ayago God te ena dali bidibao.

Bomai Po 4:31

Magi baso meni, aga te bidi hobede ebo God dao. Agai dage mu tagaliyu, ma dage mu dola siliyu me egobeo. Tama agai te dago wąį dali dąų walali te bomai po me gegeda pogobeo,” Mosesgo te po wai.

1 Samuel 10:7

Te sę dabe nageba pedalubo sogo da, teda nago koneaibao, te God nage dali bidu, te Godigo nageba mani sę ebo te nage tau saibao. Tama nosali, nago homugo te mena sę te we bidi tau sabo wiegi yai sę da homu ebaso da, teda nago te sę yagameo.

Te Israel me Juda Hani Sigo Tuni Bidigo Po Elalubo Buku Deli 6:13

Tama ena dage Israel tomode bidiyu, te dage eno we bidi bidaibao. Tama eno dage munu me tagalogobeo. Mu menio,” wali.

Te Israel me Juda Hani Sigo Tuni Bidigo Po Elalubo Buku Deli 8:57

God, dago Genuai Bidi, eno homugo te nage da dali bidimainu ebao, te dago wąį nǫų dabe dali bidali tiwai gilama emainu yao. Tama eno homugo agai da tagaliyu, te da olo bidimainu me egobeo.

Bugagia Bidibo Kolesagade Po Asęai Buku 23:4

Nage te mone hauwa elalubo bidi pedelabo sę dene mu igio. Te nage wiegi yai homu elalubaso da, teda nago te tiwai me igio.

Aisaia 42:16

Te eno ena we bidi dabe te polobadu augwali bilisąwai sunumidu odasa asaibao. Megi augwali gedu halua sai hulide bidibao, tialima te be hulia sai elalubo te eno sela sąnama, te augwaliba ula mawaibao. Tama eno te dwai pesage elaluali te dodolama, te dolo yai pesage ilama, te augwali bilabo madi tiaibao. Eno te sę dabe te mu pedalumainu yaibao, te eno te sę yaibao wali po tiwai gilama yaibao. Te eno magi nai me delide homu kone ebo me kegeda palogobeo.

Matyu 6:19

“Dagego duga wiegi yai doado bage e tǫde sabogimio. E tǫde dwai asibago me te yaba ilibo nai dabego te nai doloyu, me te nai wi sabo bidi dabego te be tomode munalubadi aselama, nai wi sabo dao. Tama tibaso, te nai e tǫde sabogimio.

2 Korin 4:9

Te boi bidi dabe augwaligo dwai sę da dali yainogo da pobesa bilidu gebo dao, tiali goli Godigo da me tagalobeo. Augwaligo da elama tulaluidu gebo dao, tiali goli da mu me dolobeo.

Tigidali Nai Gagalama Nigali Side 30:31

Labango hanalu wali, “Te eno nage magi naigo abelagawe?” Tama Jekopgo te po wali, “Eno te mone po olama, i me wabeo. Te nago eno po wabo godolo ebaso da, teda nago sipsip hani dabe te eno ma tonaluaibao.