Hibru 13:20 - Godigo dwagi yai po buku

^20-21 God aga te da we bidi homu nagame ilibo page bidi elalubao. Agai te dago Genuai Bidi Jisas te gų pagede ma hodolama, tama aga ma bidimainu ilali. Hasia Jisasgo aga digi bidibo ula olo mayu, tama Godibolo ofa tiwai mani, te da we bidi tau somainogo yali. Tama tebogo agai te Godigo te we bidi tau sabo dąų wali gamonabo po te mu dąų walali. Tama tiyu, aga te da sipsip tiwai bidibo we bidi tonalubo te polalubo bidi pedalai dao. Tama eno homugo te God agai te tigidali wiegi yai kolesaga dagebolo mao, te dagego agai homu kolesaga wali pabo usu ilimainogo yao. Tama eno homugo me da tomode agai tigidali te aga digi godolo yabo kolesaga tigidali pedalomainogo yao, te Jisas Kraisgo nogide tama tiao. Aga genuai nogi te sesemane bidada pabo sogo elalua peyu, elalua paibao, te eno homugo. Mu dao.

Hibru 13:20 Referans Kwoze

Dwagi Yai Gesi Po Jongo Asęani 10:11

Jisasgo te po me wai, “Ena te kibu sipsip dabe bugagia tonalubo bidi dao. Te kibu sipsip bugagia tonalubo bidi agai te homu ebo dao, ‘Ena te sipsip tau sabo sę ebadi, tama te sipsip kibu elainogo asali bidigo ena me elebaso da, te usu dao,’ te kibu sipsip bugagia tonalubo bidigo te homu ebo dao.

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

Godigo Nogi Ugwaba Sabo Tęąbi Po Wabo Buku Dabe 23:1

Genuai Bidi te ena tonalubo bidi da, tama ena te aga sipsip me deli tiwai dao. Tama tiyu, te magi nai me deli ena me sǫą pogobeo.

Polgo Po Pas Rom Dabeba Asęani 15:33

Eno homugo God da, aga te wiegi yai homu nagame ebo page bidi, aga te dage tigidali dali bidao. Mu dao.

Esekiel 37:26

Tama eno augwali dali kontrak po dąų walama, tama augwali tigidali sogo bugagia bida bida peyu bidaibao. Tama eno augwali augwa tǫde bidimainu sula tagalama, tama augwali we bidi hani genuai hauwa mu pedelaibao. Tama eno be augwali tomode tigidali sogo mu elalua paibao.

2 Tesalonaika 3:16

Te Genuai Bidi Jisas aga dwagi yai homu nagame ebo page bidi mu dao. Tama dago homugo sesemane sogo aga digi dage dali bidiyu, tama dage dwagi yai homu nagame emainogo yao. Tama dago homugo haniani sę dagebolo pedalubaso da, teda agai dage dwagi yai homu nagame emainogo yao.

Dwagi Yai Gesi Po Jongo Asęani 10:14

Ena da, te kibu sipsip dabe bugagia tonalubo bidi da. Eno Ayago ena konebo dao, te eno ena Aya me konebo dao. Tama te tiwai egilama, eno ena kibu sipsip konebo dao, augwaligo me ena konebo dao. Eno te sipsip tau sidubadi, bidi mego ena ela muiyu da, te usu dao. Eno homu ena te sipsip tau saibao.

Sekaraia 9:11

Te Genuai Bidigo te tiwai po wali, “Eno dąų wabo po kontrak me deli dage Juda dali yali. Te wąį nǫų dabego te ofa yabo kibu dabe elama, te kaneme gealuali. Tialima, te gelali kanemego te da dali dąų wali po kontrak dąų walali. Tama tibaso, eno dage te gasa tǫ kantride kalabus sę ebo tagalomainogo ilaibao. Te kalabus sę dwai mu yali, te dage genuai tǫ dedage tomoba munama bidibo tiwai elalu, te dage tuabo ąį menia sali tiwai elaluai dao.

Godigo Sęba Tagala Palai Bidigo Po 2:24

Tiali goli, Godigo te bidi ma hodolobaso, tama aga ma hodaloai dao. Bidi isibo sęgo Jisas kalabus usu isąbaso, aga dene hauwa dali isama, Godigo agade te dene silali.

Ma Dobola Sali 24:8

Tama Mosesgo te poude muani kaneme selama, te we bidi dabeba te kaneme segeni sąsąga pali. Tama agai te po wai, “Te kanemego Genuai Bidi agai dage dali dąų wali bomo yai po dąų walai dao. Tama te bomo yai po dabe te dąų wali po page dao.”

1 Pita 2:25

Tama polobadu dage te kibu sipsip tiwai eyu, augwali tonalubo bidi tagalama tama hagawai digi, megi dage ma geasa asiyu, te dage bugagia tonalubo bidi pageba ma asai dao.

Aisaia 55:3

“Odao, dage eno we bidi dabe dao. Dage bugagia bidimainu eyu, enaba asiąo. Te eno dage dali bomo yai po dąų walama, tama te dąų wali bomai po sesemane elalueibao. Te sesemane sogo eno dage godolo homu mu elama, te dageba wiegi yai sę yaibao. Te polobadu eno te bomo yai po te king Devitba dąų wali tiwai gilama yaibao wali.

Godigo Sęba Tagala Palai Bidigo Po 3:15

Te bidi Barabas da, te bidi ela mubo bidi da. Dagego Jisas agai da bida bida pomai hagede tau sabo bidi, te dagego ela muai dao. Tiali goli, Godigo aga gų pagede ma hodolali. Dadi sigo suali, aga ma bidibo. Tama dadi sigo koneama, te po dagebolo obe dao.

Aisaia 63:11

Tialima, nosali augwa te polobadu yali sogoba homu kone palali. Augwa te Moses me aga we bidi dabeba homu kone ma palama, augwa te tiwai po wai, “Te Genuai Bidi mena bidibawe? Polobadu agai te polalubo bidi aga we bidi dabe dali odasa asu, te tamu ąį nogeali Genuai Bidi mena bidibawe? Polobadu agai homu ogwa wai mobo te augwali dali bidimainu yai dao.

1 Pita 1:21

Tama tiyu, Godigo aga te gų pagede ma hodolama, agabolo genuai ula yai nogi mawai dao. Tama tiwai ebaso, agadu dagego duga homu tigidali Godiba muyu agade mu dąų wali. Tama duga homu tigidali Godiba munama, tama agai dage dali wiegi yai sę yabo sogo dagego dwagi yai homu eyu tonalubo dao.

1 Tesalonaika 1:10

Tama augwaligo te po wabo dao, dage te Godigo Ogwa dagalu tagalama e tǫba ma asobo sogo te dagego tonalubo dao, te po wabo dao. Te Godigo polobadu gų pagede ma hodolali bidi, te Jisas, tama te bidi agai da dali Godigo nosali sębę idali weyu tau sali bidi Jisas dao. Dagego te bidi asobo tonalubo po augwaligo dabolo pusubo dao.

Kolosi 2:12

Magi baso meni. Te dagego duga homu begelama tama ąįba dulali sogo, te sogo dage Krais dali hodobo pubulali tiwai yai. Tama te sogo me te dage te ąįdu ma hodaluali sogo, te dage Krais dali hodobo gų pagede ma hodaluali tiwai yai. Aga te isali we bidi tomode osogo bidama tama Godigo aga tedu ma hodolali, agai sę yabo bomogo. Tama dagego te bomode duga homu bugagia dąų obaso, God agai dage me Krais dali hodobo hodolali tiwai yai.

Jeremaia 32:40

Te eno gesi noma dąų wabo bomo yai po te augwaliba yaibao. Tama te dąų wali bomo yai po sesemane elalueibao. Eno te augwali wiegi yai bugagia ilibo kolesaga me tagalogobe po dąų walaibao. Te eno wiegi yai homu kolesaga augwaliba menama, te augwali ena dologode bidiyu, te augwaligo ena munu ma tagalogobeo.

Tuni Bidi Dabego Po Elalubo Buku Deli 16:17

Agai Jekopba te po ma wali, aga te Israel dabe wąį nǫų da, te agade eno te dąų wali bomai po sesemane elalua paibao.

1 Pita 5:4

Tama dage te kibu sipsip tonalubo bidi dabe tiwai bidiyu, tama Krais aga te sipsip tonalubo bidi dabego tuni bidi mu tiwai dao. Tama aga ma asiyu hanilibo si, te sogo dagego te bomo yai ula saibao, te bomonama udayu nai sabo bidi agai te wiegi yai tobolu au yabo nai sabo tiwai. Tama agai au yabo nai osogo elaluyu dolai goli, te dagego sabo bomo yai ula te dolisiąbo nai mu dao.

Hibru 10:29

Te Mosesgo mani bomai po bolali bidi dali te bidi dabego tama tialigo da, teda dagego magi homu te Godigo Ogwa tudiba mubo bidi dali yaibawe? Magi baso menio. Te Kraisgo te Godigo da tau sabo po dąų wali kanemego te bidi wiegi yai ilali. Tiali goli te bidigo dwai kolesaga ma ebogo te po dąų wali kaneme te olo nai tiwai ilalio. Tama agai dwai kolesaga mu te olo tau sabo kolesaga mabo Mobo Bidi dali eyu, tama Mobo Bidi nogi posobo po tama wai dao. Kone palao. Te bidi aga sęgę genuai mu sobaso, te dolo mu dao.

Hibru 9:20

Tama tibadi agai te po wai, “Te e kaneme da, te Godigo dagebolo te wali pao dąų wali po te dąų walobo kaneme dao,” te po wai.

1 Tesalonaika 5:23

Te God aga te dwagi yai homu nagame ebo kolesaga page bidi mu dao. Tama eno homugo te God aga digi dage doloba pai mu ilaibao, aga tiwai bidimainogo yaibao. Tama eno homugo agai dagego homu kolesaga tomode sę ebo mobo bidi me, te dagego noma bidi me, te dagego tigi me God agai bugagia tonaluaibao, tama dage dwagi yai mu bidimainogo. Tama dago Genuai Bidi Jisas Krais ma asobo sogo te dage magi dwai sę isiąwai we bidi tiwai bidaibao.

Filipai 4:9

Ena dage dali bidibadi eno te haniani kolesaga po dagebolo ola menama tama dagebolo mani. Tama dagego eno yali kolesaga gedugo suali. Dagego te enade tama sali kolesaga sesemane sogo iduao. Tama tiyu te dabolo nagame homu ilibo God aga dage dali bidaibao.

Polgo Po Pas Rom Dabeba Asęani 8:11

Godigo Jisas te gų pagede ma hodolai. Tama te sę yali Godigo Mobo Bidi dage tomode bidaligo da, teda te Krais te gų pagede ma hodolali bidi agai te dagego osogo bidibo isabo tigiba te bidibo ula me mayu tama dage me gų pagede ma hodolaibao. Te agai tama tiwai sę emainogo te aga Mobo Bidi dage tomode bidibo dao.

Godigo Sęba Tagala Palai Bidigo Po 5:30

Dago wąį dabe augwaligo polobadu Godibolo lotu po wai dao. Tama dagego Jisas te ni pedaide neligo enama, isalio. Tiali goli, dago wąįgo God, te Godigo digi Jisas ma hodolali.

Matyu 26:28

Magi baso meni, te eno kaneme dao. Augwaligo ena ela muyu, tama eno kaneme gelebogo te Godigo te we bidi ma dobola sabo gesi po te bomo menama mu dąų walaibao. Eno te kaneme gelebogo te hauwa we bidigo dwai sę ebo te tagaliyu dagala sąwaibao.

Esekiel 34:23

Tama eno ena sę bidi Devitgo hanide bidi me deli sa munama, tama aga eno sipsip dabe tonaluabo bidi nigilama, tama agai eno sipsip dabe augwali bugagia tonalumainu yaibao.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

2 Samuel 23:5

“Tama Godigo te eno hani sibi bomo ilama, bidimainu ilali, magi baso meni, agai te bomai po me deli te ena dali dąų wali, tama agai te dąų wali po te togolama, me ma bologobeo. Menio. Teda te dąų wali po te sesemane sogo elalueibao. Te eno godolo ebo nai tigidali, te Godigo ena mawaibao. Tama agai te ena te sesemane sogo ugwaba ela holomainu ilali.

Galesia 1:1

Ena da Pol da. God agai ena tagala palali, eno agai po wagi pomainogo yai. Bidigo ena tagala palobeo, bidi mego ena te po wagi pabo sęba mubeo. Te menio. Te God dago Aya dali te agai te gų pagede ma hodolai bidi Jisas Krais dali, augwali sigo ena te sęba muai dao.

2 Korin 13:11

Eno ama dedeo, megi eno po paliama, tama eno dage tao po obao. Dagego duga ebo kolesaga dodolama, tama Godigo po odobo bomai we bidi mu pedalobo kolesaga yao. Dagego eno dage tau sabo po odiąo. Dagego te deli tigi poai deli homu naga elama, nagame yai bidao. Tama God da, te we bidi dali dwagi yai homu eyu godolo kolesaga ebo dali, te homu nagame ilibo kolesaga ebo dali si ebo God, aga te dage dali bidaibao.

2 Korin 4:14

Dago homu si isąyu tama mu koneanio, Godigo dago Genuai Bidi Jisas hodolali, tama agai da me Jisas dali hodolama, tama da dali dage dali aga pąba odasa paibao, te da tigidali aga gesabidiba pedalaibao.

1 Korin 15:15

Tama te tiwai da wida, teda me da te Godigo po pusubode te da tibo po wabo bidi tiwai pedalaibao. Magi baso meni, dago te Godide po weyu tama dago te agai Krais te gų pagede ma hodolali po dago hanilama hania wali. Tiali goli Godigo te isai bidi ma hodolobo meni eyu da, teda agai te Krais me ma hodolobeo.

1 Korin 14:33

Magi baso meni, Godigo te da dago lotu po wabode te subigila ebo homu me ilibo meni. Te menio. Agai da deli homude naga nagamea homu elama bidimainogo ilibo dao. Te Godigo po odobo we bidi sisinibo sogo te we dabe sibigo po me olamuo, augwali pedauwali naga pania sao. Da Godigo po odobo we bidi hani te tigidali tǫde bidiyu, da tigidaligo tama naga tebo dao. Te we dabe sibi augwali te Godigo po odobo we bidi tomode me polalugobeo. Augwali te dologode bidao, te Juda dabego bomai pode wali po gilama yao.

1 Korin 6:14

Tama tiyu, God aga bomogo digi te dago Genuai Bidi te gų pagede hodolali, tama te tiwai dago tigi tau siyu agai da me hodolaibao.

Godigo Sęba Tagala Palai Bidigo Po 17:31

Tama agai deli sogo me bodolu mawai. Nosali te sogo agai tigidali tǫde bidibo we bidi po tų ela mawaibao. Augwali po tų yabo bidi Godigo sa muai dao, te bidi agai dwagi yai doloba pai po tų mu yaibao. Tama Godigo te sa muai bidi agai dabolo hania ola mani. Mena sę elama, da tigidaligo sualiwe? Agai te bidi isąma, gų pagede ma hodaluama, ma gesi bida bida paibao,” Pol agai te po wai.

Godigo Sęba Tagala Palai Bidigo Po 13:30

Tiali goli, Godigo aga ma hodolama, tama ma bidibao.

Godigo Sęba Tagala Palai Bidigo Po 2:32

Tama te bidi Jisas, Godigo aga ma hodolali. Te sę da Godigo po wali pabo bidi dabego gedugo mu suali.

Dwagi Yai Gesi Po Lukgo Asęani 22:20

Te nosali genuai nai tulama, te Jisasgo agai te diluai nai bret dobayu yali tiwai egi pelama, te bono du kaneme wain wę me tama tiali. Agai te po wai, “E bono du kaneme da, te eno kaneme dao. Gesi tų eno kanemego nigaibao, dage God dali mu kęą somainogo, eno kaneme gelebao.

Dwagi Yai Gesi Po Makgo Asęani 14:24

Tama agai augwalibolo te po wai, “Te da, te eno kaneme dao, tama te kanemego te Godigo aga we bidi tau somainogo eyu mani po te dąų walobao. Eno te kaneme gelebogo te we bidi hauwa umabo mu tau saibao.

Esekiel 37:24

Tama eno sę bidi Devitgo hani bidi me deli augwaligo king bidaibao. Tama aga deli naga augwaligo tonalubo bidi bidaibao. Tama augwaligo eno bomai po me, eno gasa po wali peyu yaibao.

Aisaia 61:8

Magi baso meni. Genuai Bidigo te po wai, “Eno te doloba pai kolesaga naga godolo ebao. Eno te bidi elama nai wi sabo kolesaga, me te gasa bageba dwai sę ebo kolesaga, te hagela mu ebao. Te eno we bidi dabe te gasa bidi dabego augwaliba mani dwai sę ebo sęgę hauwa tolali, te mu tama te megi eno augwaliba wiegi yai nai mu mawaibao. Te eno bomo yai po me deli augwali dali dąų walaibao, tama te dąų walali bomo yai po sesemane elalua paibao.

Polgo Po Pas Rom Dabeba Asęani 16:20

Tama tiyu da, teda God da, aga te wiegi yai homu nagame ebo page bidi, dwasianu sogo tama silama, tama agai te Satan dagego sągą dologoba munama agawaibao. Te eno homugo te dago Genuai Bidi Jisas Kraisgo da olo mu tau sali wiegi yai kolesaga dage dali bidao.

Polgo Po Pas Rom Dabeba Asęani 1:4

Tama me ma te wiegi yai kolesaga ebo Tedali Mobo Bidigo bomo eyu aga sa hania muani, aga te Godigo Ogwa da wai. Godigo aga te gų pagede ma hodolama, tama tebogo agai te we bidibolo aga Godigo Ogwa mu dao ola mayu waselai dao. Aga dago Genuai Bidi Jisas Krais dao.

Godigo Sęba Tagala Palai Bidigo Po 4:10

Tibaso, dage tigidaligo koneąo, te Israel we bidi dabe tigidali me, dagego koneao, ede te sągą dwai bidi dolalubo, te Nasaret bidi Jisas Kraisgo nogi bomogo e bidi ma dwagi yai ilama, aga sągągo dolalubo. Te bidi Jisas dagego ni pedaide elai bidi da. Tiali goli, Godigo aga gų pagede ma hodolai.

Godigo Nogi Ugwaba Sabo Tęąbi Po Wabo Buku Dabe 80:1

Te Israel dabe tonalubo bidi, nago te naga sipsip dabe da bilibo dodolobo dao. Te dago gela wabo odao. Nage te ensel dabe daide ugwadu king bidibo dao.

Tuni Bidi Dabego Po Elalubo Buku Si 30:12

Tama God aga digi Juda dabe homu deli elama augwaligo te king aga ofisa dabe dali augwaligo po wali pelama, Jerusalemba sisinagasomainu ilali. Tama augwali Jerusalemba sisinagaselama, tama augwaligo te genuai nai ulali, te bomai pode wali gilama tama tiali.

Polgo Po Pas Rom Dabeba Asęani 10:7

Po me asęani, “Tama nago te po me olamuo, ‘De te isai bidi dabego buluba dulaibawe,’” te po asęani. Te Krais tedu selasa asomainao homu eyu te po olamuo.