Hibru 13:12 - Godigo dwagi yai po buku

¹² Tama tibaso, Jisas me te obo bagulali hanu bulu badu te aga dene tolali, te agai kanemego digi te we bidigo sęgę sela sąyu, tama augwali Godigo gedude wiegi yai mu pedalomainogo ilali dao.

Hibru 13:12 Referans Kwoze

1 Korin 6:11

Tama polobadu dage meba te tiwai sę ebo we bidi dabe bidaluali. Tiali goli dagego te dwai sę ebo tagalama, tama baptais salio. Godigo dage aga da olama sa muai. Dagego te doloba pai nogi salio. Te Genuai Bidi Jisas Krais me te Godigo Tedali Mobo augwali sigo sę eyu, tama dage Godigo gedude doloba pai we bidi hani tama pedalai dao.

Godigo Sęba Tagala Palai Bidigo Po 7:58

Nogogo tulama, moni be nani bogoba sela sąyani. Tede augwaligo masigi dabe Stiven tigiba sąyani, aga ela mumainu eyu yali. Te kaunsilde tibo po wali bidi dabe augwa bulubo ugwa dabe osogo diąni, te masigi dabe bugagia sąmainu eyu, te Stiven tigiba. Te gesi bidi deli, agai nogi Sol, aga pageba te ugwa dabe augwaligo muani.

Efesus 5:26

Tama Krais agai tama tiali te aga po wali pabo we bidi hani agai augwali Godibolo mawainogo agai augwali ąį telawali te meda meni yai pedaliyu, tama agai pogo me augwali tedali gasagi yai nigilali.

Israel Hanigo Namba 15:36

Tama te we bidi dabe augwaligo Genuai Bidigo po wali peyu, augwaligo te bidi bidalubo pesage taga peyu, odasa pelama, bulu badu augwali aga masigigo enama, isali.

Pris Sę Ebo Bomai Po 24:23

Mosesgo te po dabe Israel we bidi augwaliba pusula silama da, te nosali augwaligo te Godiba po dwai wali bidi selasa, te bidibo pesage buluba odasa pali. Te augwaligo agaba masigi sąnama, aga ela muani. Te kolesaga yali te Israel augwaligo te Genuai Bidigo Mosesba mani po wali peyu yai dao.

Hibru 10:29

Te Mosesgo mani bomai po bolali bidi dali te bidi dabego tama tialigo da, teda dagego magi homu te Godigo Ogwa tudiba mubo bidi dali yaibawe? Magi baso menio. Te Kraisgo te Godigo da tau sabo po dąų wali kanemego te bidi wiegi yai ilali. Tiali goli te bidigo dwai kolesaga ma ebogo te po dąų wali kaneme te olo nai tiwai ilalio. Tama agai dwai kolesaga mu te olo tau sabo kolesaga mabo Mobo Bidi dali eyu, tama Mobo Bidi nogi posobo po tama wai dao. Kone palao. Te bidi aga sęgę genuai mu sobaso, te dolo mu dao.

Dwagi Yai Gesi Po Jongo Asęani 17:19

Tama eno augwali tobade tau siyu, ena digi ena bidabo ula tagalama, nago po wali peyu, ena isaibao. Tama po mu wabogo augwali nago bidi hani mu bidimainao,” Jisasgo te po wai.

Josua 7:24

Tialima, Josua dali te Israel dabe tigidaligo te Akan dali, te silva dabe badi, te ugwa me, te gol dage me, tama aga te ogwa dabe me, te aga wegi dabe me sobadi, tama te kibu bulmakau dabe badi, te donki dabe badi, te sipsip dabe me, te aga doado bage tigidali me sai. Augwaligo te tigidali nai dabe te selama, Akor bulu odogoba dulai dao.

Hibru 2:11

Dago koneani, te tigidali we bidi te magi dwai sę isąma wiegi yai pedalomainogo ilali te bidi aga Jisas dao, tama te magi dwai sę me isąyu te wiegi yai pedalali we bidi te tigidali augwaligo aya te Jisasgo aya me te deli naga dao. Tama tibaso, Jisasgo te we bidi augwali nogi weyu, “ama” wai, tama agai augwali te tiwai nogi ebo te aga hale me ebeo.

Dwagi Yai Gesi Po Jongo Asęani 19:34

Tialima ami bidi me deligo Jisas punali badu sesemonego enai. Tama polo kaneme dali ąį dali geasa dulai, tǫba.

Dwagi Yai Gesi Po Lukgo Asęani 4:29

Augwali hodaluama, Jisas nogo tuluama, aga te be nanidu kegasa pelama, buluba sąyani. Te be nani dude sę yai dao. Tama augwaligo te sau mabo dageba Jisas odasa pali, te sauba sąwai hagede.

Hibru 10:10

Jisas Krais agai te Godigo homu kolesaga wali pelama, tama aga bidibo ula aga digi Godibolo te ofa tiwai ilama, te deli sogo naga mawai. Tama tialigo agai da tigidali wiegi yai mu ilai dao, te da sęgę me elalubo menio.

Kraisgo Geme Dualali Sę Pedelabo Po Jonbolo Ola Mani 14:20

Tama augwaligo te wain nigibo bono du dabe te genuai halobage tiwai nai tomoba munama, tama te genuai hanu bulu badu elalubadi tama agawai. Tama kaneme te halobage buluba pedaliyu, tama te kaneme te moni pabo ąį tiwai pidubadi, te usu selama nedada pali, te bidi sese nogo si olama sągą badu a naga, te 300 kilomita te tama tiwai yali, tama te edaba holali te ain te kibu hos augwali pedauwalide elalubo, te ainba te kaneme ugwaba sabolali.