Hibru 13:11 - Godigo dwagi yai po buku

¹¹ Tama tigidali kibu bede te Juda dabego polalubo tobolu pris bidigo te sipsip dabe me te bulmakau me te kaneme selama, tama agai te Tedali Gasagi Yai Be Habu Mu tomoba pelama, te we bidigo sęgę sela sąyu ofa ilai. Tiali goli te kibu dabego tigi da, te augwaligo te augwa bidibo digi bulu badu sia nogonama, siaba ulai dao.

Hibru 13:11 Referans Kwoze

Pris Sę Ebo Bomai Po 16:27

“Tama augwaligo te sęgę sela sąyabo ofa yabo kibu bulmakau me meme sesao, te hasia bolo prisgo te kibu sigo kaneme te Tedali Gasagi Yai Mu Be Habu tomoba sela pelama, te aga sęgę sela sąyu, te we bidi dabego sęgę me sela sąmainu tama tiali. Augwaligo te kibu si te bidibo pesage bulu badu sela pelama, te isiba ulama, te sia keli naga elalumainogo yao. Te bidi me deligo te kibu wali me mi me haliga di te isiba ulama, te mu deli silimainogo yaibao.

Ma Dobola Sali 29:14

Tiali goli, te bulmakau mi, me wali, me te di tabi tomode elalubo, te olo madi bulu badu siago domainogo ulao. Te bulmakau da, te augwaligo dwai sę yali sela sąbo ofa yaibao.”

Israel Hanigo Namba 19:3

Tama dage sigo te kau kibu te pris Eleasarbolo mao. Tama bidi mebago te kau kibu hanu nigila bidibo pesage taga pelama, bulu badu odasa pao. Tama te Eleasargo augwali subo si da, teda augwaligo kau kibu elama, isilao.

Pris Sę Ebo Bomai Po 9:11

Tama agai te kibu mi tigidali me kibu tigi wali te we bidi bidibo madi bulu badu nogani isiba ulama, te isigo tigidali dela silai dao.

Pris Sę Ebo Bomai Po 6:30

Tiali goli, te hetprisgo te ofa ebo kibu kaneme me badu selama, te eno Ugwa Be tomoba pelama, te sęgę sela sąbo sę ebaso da, teda te pris dabego te ofa ebo nai kibu mi me tulamuo. Augwaligo te isiba tigidali ulama, dela silama, te keli naga elalumainao,” te po wai dao.

Pris Sę Ebo Bomai Po 9:9

Te aga ogwa dabego te kibu kaneme selama, agabolo mani, tama agai nogo dani te kanemeba holama, te dwasianu kaneme te gąų me si me si te alta dage me si me si badu teba muai. Tama agai te me badu munaluali kaneme selama, te alta aiya dogwa saliba gealuali.

Israel Hanigo Namba 19:7

Tama nosali te pris bidi aga ugwa wę tedalama, tama aga tigiba wę gea palao. Pris aga te sę ela silama, tama aga te bidi bidibo pesage tomoba pomainao. Tiali goli, aga eno gedude meda elaluama, giliga iba dega saboba usu naibao.

Esekiel 43:21

Tama nago te kau kibu tigi mi selama, tama nago augwaligo te sa muani te pesagede ulao, te eno tempel be bulu badu elalubo, te pesage.

Pris Sę Ebo Bomai Po 6:11

“Nosali aga gudali ugwa hasegelama, te sia dali keli selama, te pesage nigali buluba sela solama, te eno gedude meda meni yai pesage me deliba muao.