Hibru 12:9 - Godigo dwagi yai po buku

⁹ Dagego te me koneao. Te dena e tǫde aya augwaligo da dodoloyu yai, tama dago augwali nogi ugwaba sai. Teda dago dagalude bidibo Aya dologoba mu pelama, tama dago te bidibo ula mu sao.

Hibru 12:9 Referans Kwoze

Israel Hanigo Namba 16:22

Tiali goli, Moses de Aron si gesabidi tǫba elama, degasa duliyu, augwali sigo Genuai Bidibolo e tama po wali, “God, nago deli naga te tigidali tǫde bidibo we bidi nigilama, augwali te bidibao. Te bidi deligo dwai sęgę sai madi, tama nago tigidali Israel we bidi ela silaibawe?”

Israel Hanigo Namba 27:16

“God, Genuai Bidi, nage deli naga nage te tigidali we bidigo bidibo ula page bidi dao. Tama tialima, eno nagebolo e we bidi tonaluabo bidi me deli sa muao po nagebolo hanalu obao.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Dwagi Yai Gesi Po Jongo Asęani 3:6

Tigigo ame nabo nai, te tigi dao. Tama te nai God agai Mobo Bidigo ame nabo nai da, te mobo bidi dao.

Jopgo Po Asęani Elalubo Buku 12:10

Tigidali we bidigo bidibo ula dali, agai te nigali nai dabego bidibo ula, te aga nogode naga elalubo.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Ma Dobola Sali 20:12

“Nago naga aya ida dologode bidama, tama augwaligo po wali pao. Nago tama tiyu da, te nage polo me isigobeo. Menio, te nage hauwa sogo te tǫde bidimainogo te God eno nago Genuai Bidi eno nage mawainogo homu ebo tǫde bidagameo.”

Aisaia 38:16

Genuai Bidi, te tobage sę pedalubo te we bidi dabego kolesaga hasegelama, te gesi bidibo ula somainu yali. Te enaba pedelali sę te gesi bidibo ula mawainu yai. Nago eno gasi sia somainu elama, te ena wiegi yai ma pedalumainu ilali dao.

1 Pita 5:6

Tama tibaso, te nagamea pai homu eyu, God agai genuai bomo elalubo nogo dologode bidiąo, te agai bodolu mani sogo asobo si agai dage ugwaba somainogo tama bidiąo.

Jems 4:7

Tama tibaso, dagego duga dwai kolesaga ebo te homu aiyaba dualao, tama dage Godigo bomo dologode bidao. Tama tiyu, dagego te Satango dwai sę yainogo ebo dagalama sela sąyao, tama agai dage dali te dwai sę yainogo yali tagalama Satan aga wi paibao.

Aisaia 57:16

Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.

Pris Sę Ebo Bomai Po 19:3

Dage deli deligo duga ida aya dologode bidu, te augwaligo po wali pao. Dagego te olo toma nabo sogo, te Sabat side, sę me igio, dage olo toma naga tuyu, bidao. Ena Genuai Bidi, ena duga God, eno te po wai dao,” wali.

Polgo Po Pas Rom Dabeba Asęani 9:5

Augwaligo wąį mu Abraham dali, Aisak dali, te Jekop dali, augwali polobadu bidiyu te genuai nogi sai bidi dabe hasia bidali, tama augwali te augwa bulai wai dabe naga bidai. Tama Krais aga e tǫba dulama tama da bidi tiwai tigi sali sogo, agai te Juda hanide naga te bidi mu pedalali. Aga te tigidali nai tobolu bidi bidibao. Aga te God dao, te aga nogi dago sesemane bidada pabo sogo ugwaba sinao. Mu dao.

Bugagia Bidibo Kolesagade Po Asęai Buku 30:17

“Te aga aya idago po sela sąbo bidigo, tama te posobo po augwali siba obaso da, teda aga te isibo sogo te aga tigi me pubalugobeo. Teda te gedeli dabe, me te genuai kemodage ba dabe aselama, aga gedu gudulama, tama aga tigi mi tuaibao.”

Bomai Po 27:16

“Te Livai dabego ma weyu, tama wao, ‘Tialima, te bidi mego aga ida ayago nogi dolai baso da, teda Godigo te bidi dolomainao.’ Tama te we bidi sesego te po waibao, ‘Mu tama dao. Godigo te tama timainao.’”

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Jems 4:10

Tama duga digi duga nogi Genuai Bidigo gedude aiyaba dualao. Dagego tama tiyu da, te Genuai Bidi agai dagego nogi ugwaba saibao.

Malakai 1:6

Te Tigidali Bomo Elalubo Genuai Bidigo te tiwai po te pris dabeba wali, “Ogwago te aga ayago po wali peyu, te aya dologode bidaibao, me te sę ebo bidigo me te aga tonalubo bidigo po wali paibao. Odiąo. Ena duga aya dao. Magi baso dage ena dologoba aselama bidisąbo meniwe? Ena duga tonalubo bos bidi dao. Magi baso dagego eno po wali pisąma ebawe? Dagego ena tudiba muyu, te eno nogi te olo nai dao homu eyu ebo dao. Tiali goli dagego enaba hanalu, ‘Dago magi ilama nage tudiba mubawe?’ te po wali.

Esekiel 22:7

Te Jerusalem taunde mena bidi me deligo te aga aya idago po dologoba me pabeo. Te dage dali bidibo gasa tǫ kantri bidi dabeba dagego dwai sę ebao. Te wilawe we dabeba te dagego dwai sę yali, te tiana wai dabeba me te tiwai dwai sę ebo dao.

Polgo Po Pas Rom Dabeba Asęani 9:3

Eno homugo te Godigo eno ama dede augwali ma dobola somainogo ebo homu godolo ebao, augwali ena dali deli kaneme elalubao. Tama te tų elalugi sogo da, augwali tobade te eno Kraisba gedu haluasa po olama agai ena i ola mayu tama sela sąnama tama ena hagamainogo elama tama augwali tau somainogo hasegeligi da. Eno te homu bomonama ebo dao.

Polgo Po Pas Rom Dabeba Asęani 1:3

Tama te wiegi yai gesi po te aga Ogwade wabo po dao. Te aga bidi mu pedalama bidibode, te aga wąį mu Devitgo hanide pedalali.

Godigo Sęba Tagala Palai Bidigo Po 2:30

Tama Devit bidibadi yaide, te agai polo koneai, te magi sę dabe dią holaibao. Tama Godigo agabolo mu tama dao olama, te po mu dąų walai, te Devitgo koneai. Godigo agabolo te po wai, ‘Te eno naga hani bidi dabego bidi me nosali mu genuai bidi mu ilaibao, te nage tiwai,’ te po wai, Godigo.

Dwagi Yai Gesi Po Lukgo Asęani 18:2

Jisasgo te po wali, “Te be nani mede te po tų dodolobo bidi me deli bidali. Te bidigo Godide wi isąyu, we bidide me wi isąyu bidali.

Dwagi Yai Gesi Po Lukgo Asęani 18:4

Tama te po tų dodolobo bidi hauwa sogo te wilawe wego wali pode ‘Menio’ wedu gebadi yali. Tiali goli, nosali aga homu begeleyu, aga homugo koneama, te po wali, ‘Eno God me, bidi me wi isąbadi goli,

Kraisgo Geme Dualali Sę Pedelabo Po Jonbolo Ola Mani 22:6

Tama te ensel mobo bidigo enabolo te po wai, “Te nago asęani po tigidali, e po te mu po dao, tama tigidali bidigo e pode homu dąų olama tama teba tiąlubo te usu yaibao. Tama Genuai Bidi God agai po pusumainogo ebo bidigo homu noma bidi hodolomainogo agai aga Mobo Bidi te bidi dabebolo mabo dao. Tama megi agai aga ensel mobo bidi tagala palama, agai sę bidi tigidalibolo te tamadi pedalabo sęde po ola momainogo yai,” te ensel mobo bidigo enabolo te po wai.

Aisaia 45:10

Mena bidigo te aga aya idabolo te tiwai po hanalu, “Te magi nai dage sigo ame nani dawe?” te po wabo bidigo kolesaga te umuna sai mu dao.