Hibru 12:26 - Godigo dwagi yai po buku

²⁶ Tama polobadu Godigo pedauwalide tǫ mali ilai. Tiali goli megi agai dabolo e dąų wali po walio, “Te eno tǫ deli sogo ma mali ilaibao. Tama tǫ naga me tegobeo. Te eno tǫ de dagalu dali si mali ilaibao.”

Hibru 12:26 Referans Kwoze

Aisaia 13:13

Tama te sogo ena Tigidali Bomo Elalubo Genuai Bidi, ena te eno genuai posolai sębę dali mu asaibao. Tama eno dagalu dali, tǫ dali si mali ilaibao. Tama tǫ iba kila selama, tama aga pesage taga paibao.”

Ma Dobola Sali 19:18

Tama Genuai Bidi te sia tomode bidilama dulali, tama te Sainai bulu duba bidagasali, tama genuai hanogo te bulu du tigidali mu mesega sai. Tama ugwaba holali hano te genuai sia mu dabo hano holobo tiwai mu yai, tama tǫ mali genuai mu te bulu dude pedelai.

Joel 3:16

Genuai Bidi te Jerusalem te Saion bulu dude bidiyu, te po dagą genuai mu waibao. Agai i wabo te dagalu kulukulu wabo tiwai obaso, te tǫ dali dagalu si mumunu yaibao. Tiali goli, Genuai Bidigo te aga we bidi tigidali tonalu, te augwali me dologobeo.

Aisaia 2:19

Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.

Hibru 12:27

Te pogo “Te deli sogo ma” weyu te po wai, agai dabolo e tama ola mawai: te polobadu Godigo nigali nai dabe tama megi agai dagalama, tama te nai dabe aga sela sąnama, tama me elalugobeo. Tama agai te dagalisiąbo nai dabe da, te me elaluaibao.

Hagai 2:22

‘Eno te haniani tǫ kantrigo king bage augwaligo bomo dolama, tama augwaligo bomo munu ma egobeo. Tama eno te augwaligo te boi hwįbo karis dali, te tede dolalubo ami soldia bidi dabe dali, augwali dolaibao,’ wali. ‘Tama te tigidali te boi hwįbo hos kibu dabe me isaibao,’ wali, ‘tama te kibu hosde dugayali ami soldia bidi dabe, augwaligo augwa hasi te deli sę ebo bage augwa hasi ma elaibao,’ wali.

Te Israel Tobolu Bidi Dabe 5:4

“Genuai Bidi, nago te Seir bulu du dabe taga solama, te Idomgo bulu taga soyu, tama aiyaba dulai, tialima te tǫ mali eyu, tama te tulubage tulali. Mu tama tiali, te wę dagaludu dulalio.

Aisaia 66:22

“Ena Genuai Bidi, eno te po obao, te gesi dagalu me gesi tǫ eno nigaibao, te eno gedude sesemane bomo elalueibao, te tiwai duga wai dabe te sesemane sogo bomo elalu, te dagego nogi me sia sogobeo.

Hagai 2:21

Genuai Bidigo e tama po wali, “Te tobolu bidi Serubabelbolo te po wao, Juda hanigo tobolu bidi, e tama tiwai, ‘Eno homugo te dagalude elalubo nai me, te tǫde elalubo nai memenege ma eduaibao,’ wali.