Hibru 12:25 - Godigo dwagi yai po buku

²⁵ Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.

Hibru 12:25 Referans Kwoze

Hibru 8:5

Augwaligo pris sę te tǫde moni lotu bede ebo, te piksa noma naga ola mabo tiwai eyu, tama te wiegi yai sę mu da te dagalude elalubao. Te Godigo Mosesbolo wali po tiwai elama, te Mosesgo te polobadu lotu ugwa be sę yainogo ebo sogo tiwai po wai. Tama Godigo te po wai, “Nage dua dao, te nago te tigidali nai te eno nagebolo te bulu dude ola mani nai te noma tiwai mu usu nama nigao,” te po Mosesbolo wai dao.

Hibru 11:7

Te Godigo te bidi Noabolo po weyu, “Te nago gedugo susiąwai nosali pedalabo sęde dua yao,” te po wai. Tama te bidi Noa agai Godide tiąluama tama konealubo po dąų obaso, agai te Godigo agabolo te aga gedugo susiąwani naide pusali po bugagia odali. Tama te po wali peyu, tama agai te moni geba me deli nigai. Tama tiyu, aga dali, aga we wai puluba augwali te geba tomoba pelama, tama bugagia bidali, tama augwali me dolobeo. Te geba sę tama ebogo Noago te tǫde we bidi tigidali augwaligo dwai sęde po tų ela mabo tiwai yalio. Tama te bidi Noa aga Godigo wali pode tiąlubo kolesaga elalualigode Godigo Noa te doloba pai bidi da wali, te Godigo tigidali konealubo po agaba dąų wabo we bidi dabe dali ebo kolesaga yalio.

Sekaraia 7:11

“Tiali goli te we bidi augwali tobolu gagea pelama, augwaligo po odabo homu hagela yali. Augwaligo augwa homu kolesaga dąų ola selama,

Bugagia Bidibo Kolesagade Po Asęai Buku 13:18

Te gasa bidi dabego te bidi aga dodolomainu isiąbo bidi da, aga te dwai mu bidiyu, te aga dwai hale mu yaibao. Tiali goli, te gasa bidi dabego aga dodolomainu ebo bidi yai baso da, teda te we bidigo agaba te genuai nogi momainu ebo dao.

Bomai Po 30:17

“Tiali goli, dage tobolu gagea pelama, tama po sela sąyu elama, tama dagego gasa hanigo ili po omainogo sula tagaliyu elama, tama dage augwaligo tibo godiba kidu sugunama, lotu po wagi peyu da,

Ma Dobola Sali 20:22

Tama Genuai Bidigo po Mosesbolo olama, tama agai te Israel dabe augwalibolo te po omainogo yai. Tama Genuai Bidigo te po wai, “Dagego koneani te tiwai, te ena dagalude bidiyu, te eno po dage dali miai dao.

Matyu 8:4

Tama Jisasgo te bidi aga dali te po wali, “Bugagia dua dao. Nago bidi me deli dali eno nagede yali sę po me wagio. Menio. Nage dolo pelama, tama nago tigi te pris bageba waseligi pelama, tama agai nago tigi osola sumainao. Tama tilama, tama polobadu Mosesgo wali po gilama Godibolo nai ofa yao. Tama tiyu te bidi dabego koneyu, te nago gasi silali, nage te meda meni yai bidi tiwai megi ma bidibao, te homu augwaligo yaibao,” Jisasgo te po wai.

Bugagia Bidibo Kolesagade Po Asęai Buku 8:33

Te dage eno ola momainu elama, tama dagego wiegi yai homu ebo me kolesaga saibao. Dagego te sęba tudi me ola magio.

Bugagia Bidibo Kolesagade Po Asęai Buku 1:32

Magi baso meni. Te wiegi yai homu kolesaga meni yani we bidi dabe augwaligo te ena tudiba munama, tama augwa te kolesagago digi te augwa ela munama, augwa isaibao. Te bidi dabego homugo augwaligo te tigidali nai koneani homu yali, augwali te wabo pabo bidi dabe tiwai ebao. Augwa te homu kolesagade te augwa digi augwa dolobo dao.

Bugagia Bidibo Kolesagade Po Asęai Buku 1:24

Eno dage i wali, te enaba asomainu yali, tiali goli dagego hagela yai.

Tuni Bidi Dabego Po Elalubo Buku Si 7:19

“Tiali goli dage Israel dabego eno bomai po me eno gasa po dabe wali pisąma, dagego tibo godiba lotu po olama wali peyu ebaso da,

Te Israel me Juda Hani Sigo Tuni Bidigo Po Elalubo Buku Deli 12:16

Tialima, megi da, te we bidi dabego koneani, te kingo te augwali dali po wabo odobo usu meni, tama augwaligo moni dagą weyu, e tama i wali, “Da te Devitgo hani king bidi dologode da bidibo hagela palio,” wali. “Da te Devitgo hani menio, tama da te Jesigo ogwago agai hani da menio. Da tigidali te Israel hani dabe naga dao, dena buluba ma begasa pinao. Tama dage te Devitgo hani dabe, duga digi duga hani tonaluao.” Augwaligo te po tama olama, tama augwa buluba tedela pali.

Josua 22:16

“Te Genuai Bidigo po odobo we bidi tigidaligo te tiwai po wali, ‘Magi baso dagego te dwai sę dena Godibolo yaliwe? Dagego te Genuai Bidigo po sela sąnama, tama dagego te duga alta te nigalio! Dagego te Genuai Bidi wali pabo ąǫ me ebeo!

Israel Hanigo Namba 32:15

Te dage Ruben hani, me Gat hani, dagego Genuai Bidi wali megi pabeo. Tama agai da Israel dabe tudi ola mawaibao, tama da olo te nai meni yai bulude ma deli bilimainu elama, tama da sese tama ede dolaibao. Tama te sę pedalobaso da, teda te duga dagede yaibao,” Mosesgo te po wali.

Ma Dobola Sali 16:29

Bugagia odao, Genuai Bidi eno dagebolo te olo bidabo side te mobao. Tama tibaso, te dwasianu Sarere eno dagebolo eno te deli sogode te si sogo tuabo nai mawaibao. Tama, te nogo a naga olama nogo me si wabo side tigidali we bidi te ugwa bede bidiąo. Te bidi me deligo me, te wego me, te aga bidibo obo bolama, te buluba me pelamo dao.”

Polgo Si Wali Pas Timotiba Asęani - 2TI 4:4

Tama te we bidi augwaligo te mu po odobo tagaliyu, te tudiba munama, tama te haniani olo namu po waboba olo munama odaibao.

1 Tesalonaika 5:15

Gasa bidi dabe augwaligo dage dali dwai sę ebaso da, dagego augwali dali te dwai sę ebo wei ponogio. Dagego te tiwai idali weyu, bugagia tonaluao. Tigidali sogo dagego bomo elama, duga hasi augwali dali dwagi yai sę naga yao. Tama te sę tiwai tigidali bidi dali me yao.

Godigo Sęba Tagala Palai Bidigo Po 7:35

Stivengo te po me wali, “Te Mosesgo aga Israel bidi hani augwaligo polobadu aga sela sąwai, agabolo te po wai, ‘Nage da, da tonalubo bidi menio. Nage da dabolo po tų dodolabo bidi menio.’ Tiali goli, te bidi Godigo aga augwali tonalumainogo eyu sa muai bidi, augwali te boi bidi nogode dagala sąnama, Godigo aga te sę emai hagede sa muai. Te sogo Godigo dagalude sę ebo ensel bidigo te po Mosesbolo pusa mawai, te isi dabo dwasianu nide.

Esekiel 5:6

Tialima, te Jerusalem dabego eno po sela sąnama, te augwali dwai we bidi mu pedelalio. Te Jerusalem dabe augwaligo yali dwai kolesagago te gasa tǫ kantri we bidi augwaligo ebo dwai kolesaga te aiyaba mu elaluali. Te Jerusalem augwaligo eno po me eno bomai po dabe te tudiba mu muanio.

Jeremaia 11:10

Augwaligo ena tagalama, te augwa wąį nǫų dabego dwai kolesaga wali ma pobao. Te augwaligo eno po sela sąyu, te augwa wąį nǫų dabego yali tiwai ebao. Te Israel hani me, Juda hanigo me, te tibo godiba lotu weyu, tama eno augwa wąį nǫų dabe dali dąų wali bomo yai po te bolobo dao.

Aisaia 64:9

O Genuai Bidi, nago dade haliga sębę mu idu, te sesemane sogo dago ebo dwai sęde homu kone paludigio. Menio. Da tigidali te naga we bidi da homu elama, te nago daba olo mu tau sabo wiegi yai kolesaga yao.

Aisaia 48:6

“Te nai dabe te eno polobadu te pedelaibao po wali, te augwali pedalubo dagego sualio. Te megi dagego te tama po waiyąo, ‘Genuai Bidigo mu po wabo da po wao.’ Tialima, megi te eno dageba te gesi noma nai pedelali po obao, te geme dualaluali nai dabe, te nai po eno polobadu me wabeo.

Bugagia Bidibo Kolesagade Po Asęai Buku 15:32

Te bidi te bidi dabego aga dodolainu ebadi, te po sela sąbo bidi da, teda te aga digi aga dolobao. Tiali goli, te bidi dabego te aga dodolainu ebaso, te po odobo bidi da, teda aga homu me konebo kolesaga te wiegi yai pedelaibao.

Hibru 3:17

Te kibu be bidi sese si usu nama te Godigo sębę de dali yaliwe? Agai te dwai sęgę sabo we bidi augwali dali sębę yali, tama te we bidi augwali isai, tama augwaligo tigi te bidi meni yai bulude elaluai. Godigo te dwai sę yali we bidi augwali dali naga sębę yai.

Matyu 17:5

Tama Pitago te po odubadi yaide, tama ula mu ebo pǫ me deligo augwali tigidali polo mesega sagasali. Te pǫgo augwali mesega sagaselama, tama te pǫ tomodu po me weyu te po wali, “E bidi da, eno Ogwa dao, te eno aga godolo mu ebo dao, eno aga dali dwagi yai homu mu ebo dao. Agai wabo po dagego mu odiąo,” te po wai.

Kraisgo Geme Dualali Sę Pedelabo Po Jonbolo Ola Mani 22:9

Tiali goli agai enabolo te po wali, “Nago tama tigio! Ena nage dali me, e naga ama dede dali, da deli sę naga ebo dao, augwali te Godigo po ola mabo bidi dabe dao. Tama ena e bukude po wali pabo tigidali bidigo deli sę ebo bidi dao. Nago lotu po God deli dali naga wao,” te ensel bidigo te po wai.

Kraisgo Geme Dualali Sę Pedelabo Po Jonbolo Ola Mani 19:10

Tialima, ena te ensel mobo bidi sągą pąba kidu sugunama, tama eno gesabidi tǫba munama, tama eno aga dali lotu po wabo homu yai. Tiali goli agai enabolo te po wai, “Nago tama tigio! Ena nage dali, nago ama dede dali deli sę ebo bidi dao. Dagego konealubo po Jisasde dąų olama, agai nogi haninama pusubo dao. Nago God deli dali naga lotu po wao. Te Jisasde gasa bidibolo po pusubo we bidi, te Godigo Mobo Bidi agai augwali homu hodolama, tama augwaligo te po pusubo dao. Te Mobo Bidigo te tobage sę naga te Godigo nosali yabo sę po pusubo bidi dali me ebo dao,” agai te po wai.

1 Pita 1:22

Te dagego Godigo wiegi yai mu po bugagia wali peyu tama duga homu kolesagade elaluali dwai kolesaga sela sąnama, tama dagego duga hasi we bidide dwagi yai homu ebo gagalali. Tama tiyu, megi dage bomo eyu, homu mu elaluyu duga hasi godolo mu yao.

Bomai Po 4:36

Agai dage dodola ola mawainogo, tama tialima, agai dagego agai po dagaludu wabo odomainu tagaliyu te yali dao. Tama te tǫde dagego agai genuai isi dabo sumainu te yali dao, tama agai te iside bidiyu, dage dali po te wali dao.

Bomai Po 18:19

Tama ena nogide naga te profet bidigo te po pusiyu yaibao. Tialima, te bidi mebago agai po sela sąyani da, teda eno aga dene mawaibao.

Hibru 1:1

Te polobadu mu hauwa sogo me, te haniani kolesaga hauwago me, te Godigo agai po pusali bidi profet dabego pedauwalidu agai po meba te dago wąį dabebolo mena mena pai dao.

Hibru 3:12

Ama dede dabe, dage bugagia bidao. Tiyu dage tomode ama me deli aga homude dwai sę ebo homu elaluyu, tama aga Godide konealubo po tagaliyu, tama te bidibo ula elalubo God gegeda peyu tudiba muidali weyu, dagego dua dao.

Hibru 12:19

tama te bu wabo nai biugel moni bu wabo dali, te Godigo po wabo me, augwaligo te suali me odali. Tama te Israel we bidi augwaligo te po wabo odolama, tama augwali wi eyu, tama bomo elama Mosesbolo te po wai, “Dago te po wabo ma odobo usu egobeo,” te po wai.

Josua 22:15

Augwali te Gileatba sabolama, tama augwaligo te tiwai po te Rubenbolo me, te Gat me, Manase me badu, te hani bage selabolo te po wali,