Hibru 12:2 - Godigo dwagi yai po buku

² Tama tiyu dago gedugo Jisasba naga tonono iyąo, aga te dago agade konealubo po dąų wabo kolesaga page bidi, tama nosali agai dago agade tią pabo kolesaga ebo mu usu naibao. Polobadu Jisas aga homugo te wiegi yai homu pemene yabo sę te nosali sabo homu elama, tama aga bomo elama bidali, tama aga dene bugagia tolama aga ni pedaide isai. Agai homugo te ni pedaide hale sabo te olo nai tiwai da, te homu yai. Tama megi da agai genuai nogi elalubaso, aga te God dulalubo sia saide te dolo nogo badude megi dulaluyu bidibo dao.

Hibru 12:2 Referans Kwoze

Maika 7:7

Tialima, ena da, ena digi dwagi yai homu eyu, eno konealubo homu Genuai Bidiba dąų walio. Te Godigo eno gedu haluasa po wabo odama, tama eno te eno God agai ena tau sagasobo tonalubo dao.

1 Pita 3:18

Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Efesus 5:2

Tama tiyu, dagego duga hasi godolo mu ebo kolesaga eyu, tama dagego yabo sę tigidali ebo si te kolesagago dage tonalumainogo, te Kraisgo da godolo eyu wiegi yai homu ebo tiwai gilama. Agai da godolo eyu, tama aga digi aga bidabo ula da hagede tagalama, tama augwaligo aga isilali. Tama tiyu, agai aga tigi te Godibolo olo mani, te polobadu bidali bagego Godibolo mani wiegi yai denami ebo nai mani tiwai yai dao. Tama te sęde God aga Kraisde dwagi yai homu ebo dao.

Filipai 1:6

Tama tiyu, eno homu si menio, eno mu koneai, te God agai dage deli deligo homu tomode te dwagi yai sę gagalama, tama te sę ela peyu, mu ela pelama, tama Krais Jisas tǫba ma asobo side naga agai te dagede ebo dwagi yai sę silaibao. Te eno mu koneanio.

Hibru 9:28

Te tiwai me Kraisgo te aga bidibo ula aga digi te Godibolo deli sogo naga mani, te we bidi hauwago sęgę sela sąwainogo eyu tama tiai. Nosali te aga si sogo ma asiyu, te agai te sęgę sela sąwainogo me asogobeo. Menio. Te aga ma asobode te dwagi yai homu elama tonaluyu bidali te we bidi dabe augwali naga te agai mu ma sagasaibao.

Dwagi Yai Gesi Po Jongo Asęani 6:40

Eno Aya agai homu tama telalubo, aga ogwa osola suyu, agabolo bomo yai homu dąų olama muyu yai we bidi tigidali te augwali bidada peyu bidada pabo bomo selama, mu bidaibao. Tama augwali eno te tǫ dali dagalu dali silibo sogode augwali eno digi ma hodolaibao, ma bidimainogo,” Jisasgo te po wai.

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.

Godigo Sęba Tagala Palai Bidigo Po 5:31

Tama Godigo selama, ogwaba pelama, Jisas te Godigo dolo nogo badu bidibo, moni nogi elalubaso. Tama tede bidibo, te we bidi tobolu elalubo bidi da, te tau sabo bidi da, te Israel we bidi augwaligo homu begelama, Godigo augwaligo yali dwai sę dabe sela sąmainu ebao.

Dwagi Yai Gesi Po Lukgo Asęani 24:26

“Magi basowe tama tiyu dage sigo koneai meniwe, Godigo sa muani bidi Krais aga dene bolo selama, isilama, tama nosali aga genuai nogi mu saibao,” Jisasgo te po wai.

Aisaia 53:3

Te bidi dabego aga tudi ola menama, te aga begela dolama, te aga godolo mu me isąwai. Sesemane sogo agade te homu dene me haniani sęgę pągąnaluali. Augwaligo aga tudiba mu muanio. Te dago aga te olo bidi me tonobo tiwai yai dao.”

Aisaia 45:22

“Dage tigidali bulu tǫ habu we bidi dabe, dage enaba asiąo, te dage bugagia bidaibao, magi baso meni, enaduba deli ena God, te gasa god munu me bidibeo.

Jutgo Asęani Pas 1:21

Tama God agai dage dali dwagi yai homu eyu godolo mu ebo dao. Tama tibaso, dage duga ebo kolesagade bugagia tonaluyu tama dage aga pąde mu bidaluao. Tama tiyu, te dago Genuai Bidi Jisas Krais dagego tonaluao, te agai dage dali homu dene eyu, tau siyu elama tama agai te dagebolo te bidada peyu, bidada pabo ula mabo sogo te dagego bugagia tonaluyu bidiąo.

Hibru 8:1

Te dago te wabo po page mu, te po e dao: dago te tobage polalubo pris bidi elalubao, tama aga genuai nogi elalubaso, aga te dagalude te Polalubo Tuni Bidi Godigo dolo nogode dualaluyu megi bidibo dao.

Polgo Si Wali Pas Timotiba Asęani - 2TI 4:8

Megi da te udabo dąį ilaliba pedalali bidigo genuai nogi yai namba te sisi elama ena tonalubao. Te genuai nogi sabo namba te tiwai yaibao: te Genuai Bidigo ena te doloba pai bidi nogi poaibao. Genuai Bidi aga te doloba pai po tų ebo bidi jas, tama te genuai sogo pedalubode agai te doloba pai bidi nogi enabolo mawaibao. Tama agai enaduba delibolo naga te me magobeo. Menio. Te aga hania pedalubo suainu godolo homu ebo bidi dabe tigidalibolo te doloba pai bidi nogi mawaibao.

Filipai 3:20

Tiali goli, da, te da gasagi yai we bidi hani dao. Dago bulu mu te Godigo bidibo digi mu dao, tama wiegi yai homu eyu dago te da ma dobola sabo bidi, te Genuai Bidi Jisas Krais, aga tedu dulama, tǫba ma asobo tonaluyu bidibo dao.

Dwagi Yai Gesi Po Makgo Asęani 14:36

Agai te po wali, “Aya, nago te tigidali sę ebo usu dao. Eno homugo nago enaba megi te pedalainu ebo te dene dagala samainu homu ebao. Tiali goli nago te eno homu wali me pelamuo. Menio. Nago te naga homu wali naga pao,” Jisasgo te po wai.

Aisaia 8:17

Megi da, eno te Genuai Bidi agai yaibao wali te sę ebo deli naga tonaluaibao. Agai Israel we bidiba polo tudi ola mawai dao. Tama agai augwaliba te begela ma tonogobeo. Tiali goli, eno agai bomo deli naga konealuaibao.

Kraisgo Geme Dualali Sę Pedelabo Po Jonbolo Ola Mani 2:8

Te bidigo enabolo po me wai, “Te Efesus hanuba u po asęna tolama, tama megi Smerna hanude Godigo po odoyu bidibo we bidi tonalubo ensel mobo bidibolo e po asęna tolao: ena da, ena digi te hasia bididuali bidi dao, ena te nosali sogo mu bididuabo bidi mu dao. Tama polobadu ena isai, tiali goli ena ma hodaluama, megi me bidibao. Tama eno e po nagebolo ola tolobao.

Hibru 13:13

Tama tibaso, da me te pesage nigali te bulu badu agaba pelama, tama dago agai aga isibode tolali hale tiwai te dago me tolao.

Hibru 5:9

Te tama tialigo aga te usu mu ilama, tama aga te we bidi ma dobola sabo bidi pedalama, tama agai po wali pabo we bidi tigidali ma siyu, augwali bugagia bidada peyu, bidada pabo bidi dao.

Dwagi Yai Gesi Po Jongo Asęani 13:3

Tama Jisasgo koneai, ‘God agai tigidali bomo enabolo mawai dao. God agai ena tǫba tagala palai, te ena God aga pageba ma paibao,’ te me aga koneai.

Dwagi Yai Gesi Po Lukgo Asęani 17:5

Te po sela pabo bidi augwaligo Genuai Bidi Jisasbolo te po wali, “Dena homu kolesaga nageba muani digi, da usube. Da tau sao, dena homu kolesaga tigidali nageba mumainu. Te tiwai munama, te usu yaibao,” te po wali.

Dwagi Yai Gesi Po Makgo Asęani 9:24

Tama polo te ogwa aga ayago i weyu, te po wai, “Eno nagede konealubo po dąų wali, tiali goli tede ena te habuge tiwai yai! Nago ena tau sao!”

Hibru 12:3

Dagego te bidi Jisasde bugagia kone palao. Te sęgę sai bidi dabego polobadu augwaligo dwai boi bidi mu aga dali eyu, tama aga dwai dene mawai. Tiali goli aga bomo elama dolaluai. Dagego te tiali koneba wida, te dage te Godide tią pabo kolesagade hagela me egio, tama dagego homu nagamea me pelamu dao.

Efesus 2:16

Tama tiyu, agai te da Juda bage dali dage Juda hani isiąwai bage dali tomode yali boi bidi homu agai ela silimainogo eyu te aga te ni pedaide isali. Tama aga te ni pedaide isilama, tama agai te bidi hani si deliba sisinama, wadolama, tama tigi deli tiwai nigilama, tama agai te wadolali hani we bidi God pageba ma sesali.

Godigo Sęba Tagala Palai Bidigo Po 5:41

Tega sigo te kaunsil be tagalama pali. Tama te kaunsil bagego elali goli, mu ma bugai homu yali. Tama augwaligo te homu yali, ‘Da Jisasgo po wali pobaso, Godigo usu da olama, da te bidigo gedude naga moni hale mu selama, Jisasgo sę tau sali,’ te homu yai.

Dwagi Yai Gesi Po Jongo Asęani 12:32

Nosali augwaligo ena ni pedaide ugwaba selama, elaibao. Tama te sę ebo sogo eno tigidali tǫde we bidi ena pageba gegasa asaibao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 138:8

Genuai Bidi, eno koneani, te nago enabolo po dąų walali gilama te tigidali sę yaibao. Tama nago ena te sesemane bidada pabo sogo godolo mu ebo dao. Eno homugo nago te hodolali sę tigidali silimainu homu ebao.

1 Pita 1:11

Tama Kraisgo Mobo Bidi agai augwaligo homu tomode hanilama, te po widu geai, “Te Godigo sa muani nosali asaibao wali bidi Krais agai dene selama, tama nosali agai te genuai bomo yai ula me saibao,” te po wai. Tama augwaligo te pode homu konea peyu, te po hanalu wai, “Te sę nisu pedalaibawe, mena side pedalaibawe?” te po wai.

Hibru 10:14

Te me te we bidi augwali agai te usu niba kadu mu wagasomainu ilali, agai te ofa deligo naga augwali wiegi yai mu pedalomainogo yali, te augwali bugagia mu bidada pabo ula somainogo tama tiai dao.

Dwagi Yai Gesi Po Jongo Asęani 12:24

Eno mu po dagebolo obao, te nai wit wai tǫba tulaluai, te pedama, kulubi holisiąyu da, te agaduba deli bidaibao, te tǫde daumua paibao. Tialima, aga pedama, kulubi pedaliyu da, te agai nai hauwa walaibao. Te ena me tiwai dao.

Dwagi Yai Gesi Po Jongo Asęani 8:56

“Duga wąį mu Abraham agai ena e tǫba nosali bidagasaiba, te agai polobadu koneyu tama agai dwagi yai homu yai. Tama agai ena bidagasobo sulama tama agai tede dwagi yai homu mu yai dao,” Jisasgo te po wai.

Dwagi Yai Gesi Po Jongo Asęani 1:29

Te sogo kigamu Jisas asobo Jongo suai. Tama Jongo te we bidibolo te po wai, “Suao, te bidi da, aga Godigo kibu sipsip wai dao. Agai te tigidali tǫde bidibo we bidi augwaligo yali dwai sęgę te sela sąwaibao.

Dwagi Yai Gesi Po Lukgo Asęani 23:11

Tama Herot dali, aga enesigi bidi dabe dali, augwaligo Jisas dali dwai dwai haniani po olama, Jisas mu dolai. Augwaligo dwagi yai ugwa selama, Jisasbolo sabili mubo ąǫ yai. Tama te tiwai elama, augwaligo gisugu wai. Tama elama, Herot agai “Jisas te kiap tuni bidi Pailatba ma odasa pao,” te po wai, tama augwaligo aga odasa pai.

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Kraisgo Geme Dualali Sę Pedelabo Po Jonbolo Ola Mani 1:17

Tama eno te bidi sulama, tama ena aga sągą pageba kidu pǫgulai, tama ena te isai bidi pigulali tiwai yai. Tiali goli agai dolo nogo ena tigiba munama, tama agai te po wai, “Nage wi tagalao. Ena da, ena digi te hasia bidaluali bidi dao, ena te nosali sogo mu bidaluaibao wabo bidi mu dao.

Kraisgo Geme Dualali Sę Pedelabo Po Jonbolo Ola Mani 1:11

Tama te wali pode te po wai, “Nago naga gedugo subo sę po tigidali te bukude asęnama, te Godigo po odobo we bidi bidibo bulu a naga olama me badu nogo si, te buluba nago te sę po asęna tolao. Nago te po Efesus buluba asęna tolobadi, me te Smerna buluba, me te Pergamum bulu, me Taiataira, me Sardis, me Filadelfia buluba tolobadi, me te Laodisia buluba te po asęna tolao,” weyu te po enabolo wai.

Hibru 7:19

Te Godigo Mosesgo pedauwalidu mani bomo yai pogo te magi nai me deli te wiegi yai mu ilama sese me pedalubo usu ebeo. Tiali goli Godigo gasa tų me dayali, te wiegi yai elama tama te polobadu mani bomai po te aiyaba elaluai, tama da dwagi yai homu eyu, agai da dali yabo dwagi yai sę asobo sogo bugagia tonaluyu ebadi, te tųdu da te God pąba pomainogo tiai dao. Da polobadu dwagi yai homu eyu tonaluali kolesaga te gesi kolesagago aiyaba elalubo dao.

Hibru 1:13

Polobadu Godigo te po wai, “Nage genuai bidi ena dali hodobo bidimainogo eyu, tama eno dolo nogo badu duayao. Tama dualubadi, te eno nago boi bidi dabe augwali te nago sągą dologoba muaibao.” Tiali goli me sogo Godigo te po te ensel mobo bidi me deli dali waliwe? Menio.

Godigo Sęba Tagala Palai Bidigo Po 2:36

Te Pitago po ma wai, “Eno dagebolo te po obao, dage Israel we bidi tigidali, dagego hania koneao, te duga te nide enani bidi Jisas, te bidi Godigo te Genuai Bidi ilali, te Godigo we bidi tau somainu sa muani bidi Krais,” Pitago te po wai.

Dwagi Yai Gesi Po Makgo Asęani 9:12

Tama Jisasgo augwalibolo te po wali, “Awe, mu tama, te Elaija bolo hasia asama, tama te Godigo tagala palabo bidi asobode te tigidali nai ma dodolagasomainu yaibao. Awe, eno dagebolo obao, Elaija te asalio. Tama te bidi dabe augwa homugo digi wali peyu, augwaligo dwai sę aga dali yali, te Godigo po bukude polobadu asęani po tiwai gilama yai dao. Tiali goli te Godigo po bukude te ena Godigo Bidi Mude magi po tede elalubawe? Te po e tiwai dao, ena te dene hauwa toloyu, tama te bidi dabego ena tudiba muaibao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 110:1

Yawe Genuai Bidigo eno genuai bidiba te tama po wali, “Nago eno dolo nogode dugulalu, te nago boi bidi dabe te eno nage dologoba mubo sogoba usu naibao.”

Kraisgo Geme Dualali Sę Pedelabo Po Jonbolo Ola Mani 1:8

Te Tigidali Bomo Elalubo Genuai Bidi God agai aga bidibo pagede te po wai, “Ena da, ena digi te hasia bididuali bidi dao, ena te nosali sogo mu bididueibao wabo bidi mu dao,” agai te po wai. Te God aga te megi bididubao, tama polobadu mu aga bididuai, tama nosali aga ma asaibao.

Hibru 11:36

Tama te Godide konealubo po dąų wali we bidi meba te boi bidi dabe augwaligo te dwai posobo po sęgę siyu, tama augwali dodolama te dwai bįgo subigila elali, tama sengo augwali kęnama, tama augwali kalabusiba muyu yai dao.

Hibru 10:33

Me sogo augwaligo dage te tigidali we bidi gedude dodolama, tama augwaligo dwai posobo po dagebolo wali, tama augwaligo gedude dagebolo dene mawai. Tama me sogo dage te sabo sęgę tiwai sabo we bidi dali dage kisa selama, tama dagego augwali tau sai dao.

Dwagi Yai Gesi Po Makgo Asęani 16:19

Genuai Bidi Jisas agai po augwaliba pusa silama, tama Godigo aga selasa te dagaluba holai. Tama megi da, aga te Godigo dolo nogo badude dualalu bidibao.

Godigo Sęba Tagala Palai Bidigo Po 3:15

Te bidi Barabas da, te bidi ela mubo bidi da. Dagego Jisas agai da bida bida pomai hagede tau sabo bidi, te dagego ela muai dao. Tiali goli, Godigo aga gų pagede ma hodolali. Dadi sigo suali, aga ma bidibo. Tama dadi sigo koneama, te po dagebolo obe dao.

1 Korin 1:18

Eno koneani, te augwali digi dolobo sę ebo tųdu pabo we bidi augwaligo homu te Krais ni pedaide isali po te homu kolesaga meni yai bidigo wabo po naga dao. Tiali goli te da Godigo ma dobola sabo we bidi, te dago homu te po da te Godigo genuai bomo hania ola mabo po dao.

Jems 2:1

Eno ama dedeo, dagego dago Genuai Bidi Jisas Kraisde duga homu tigidali muyu bidibao. Aga genuai tobolu bidi mu dao, moni nogi me, moni ula yai bomo me elalubo dao. Tama dagego Jisasde konealubo po dąų waligo da, teda dagego te nogi yai bidibolo naga dwagi yai sę eyu, te olo nai meni yai bidi dagego tudiba muyu, te kolesaga munu me egio.

Israel Hanigo Namba 21:9

Tama Mosesgo te brasgo gula mani me nigilama, tama bobobage ni posde walali. Tama te gula manigo te we bidi gąǫ kelali da, teda augwaligo te bras gula maniba tonobo si da, augwali usu ma yali.

Dwagi Yai Gesi Po Makgo Asęani 15:28

[Tama tialima te Godigo po bukude asęani po me deli te mu pedalai. Te e tiwai po wai dao, “Augwaligo aga dali te dwai bidi dabe dali nedali.”]