Hibru 12:19 - Godigo dwagi yai po buku

¹⁹ tama te bu wabo nai biugel moni bu wabo dali, te Godigo po wabo me, augwaligo te suali me odali. Tama te Israel we bidi augwaligo te po wabo odolama, tama augwali wi eyu, tama bomo elama Mosesbolo te po wai, “Dago te po wabo ma odobo usu egobeo,” te po wai.

Hibru 12:19 Referans Kwoze

Bomai Po 18:16

“Te dage te Sainai bulu duba sisinani sogo da, dagego Genuai Bidibolo hanaluyu, agai po ma olamuo po wai dao. Tama me ma, dagego te God bidibo te moni isi bogoli ebo subo wi ebo po wai dao. Magi baso meni, dage wi dwai mu elama, dagego homugo tiali. Te dagego odoyu, me suyu ebode dage isidali weyu, te homu yai dao.

1 Korin 15:52

polo mu, bidigo gedu gagamu ebo tiwai, te tǫde dagalu si silibo sogo te bu wabo nai biugel po wabo sogo tiaibao. Awe, te bu wabo nai biugel po waibao, tama te Godigo po wali pali isali we bidi augwali gų pagede hodaluaibao, tama augwali munu me dologobeo, te augwali gamonaibao. Tama da me bidibo bage, dago tigi hasegelama, gasagi yai mu pedalaibao.

Bomai Po 4:12

Tama Genuai Bidi te iside bidiyu, dage dali po wabo dagego odai dao, te agai digi po wabo. Tiali goli, te God e tiwai nai me deli da weyu, te agai tigi te dagego me subeo. Mu menio.

Bomai Po 4:33

God te isi tomode bidiyu, po wai dao, tama dagego agai po odai dao. Tiali goli, te bidi me te po polobadu odai goli, me isisąma me yai elalubadi bogo? Te menio.

Ma Dobola Sali 20:22

Tama Genuai Bidigo po Mosesbolo olama, tama agai te Israel dabe augwalibolo te po omainogo yai. Tama Genuai Bidigo te po wai, “Dagego koneani te tiwai, te ena dagalude bidiyu, te eno po dage dali miai dao.

1 Tesalonaika 4:16

Te menio. E tiwai pedalaibao. Te Godigo bomo elama po weyu, tama polalubo genuai ensel mobo bidigo i weyu, tama Godigo moni bu wabo nai biugel po weyu, tama tebo sogo Genuai Bidi Jisas aga digi dagalu tagalama, dulubo gagalaibao. Tama polobadu Jisasde konealubo po dąų olama isali we bidi, augwali polo hasia mu gų pagede hodaloaibao.

Bomai Po 4:11

“Godigo po wabo si, dage te bulu du sesegeba dolaluagasai dao. Tama sisi pǫ me hano sigo bulu du mesega selama, tama moni isi bogoli dagaluba holai dao.

Matyu 24:31

Tama aga mobo bidi ensel dabe tagala palama, augwaligo te bu wabo nai biugel bomonama mu bu ola asaibao, tama augwaligo aga te sa muani we bidi dabe sisinaibao. Te augwali te tǫ bogo me si me si yali badu te we bidi sesa asiyu, tama te dagalu sesege badu mu usu nigi paibao, te we bidi sigi paibao,” Jisasgo te po wai.

Hibru 12:25

Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.