Hibru 12:12 - Godigo dwagi yai po buku

^12-13 Godigo te dago ebo kolesaga dodolobo sę tama yaligo da, teda dagego agai po wali pabo kolesagade dage te bomo kimi isali bidi tiwai eyu biligimio. Te meni. Te dagego nogo te olo walalubo tiwai elalubo, te tagalao, dagego bomo ma sao. Tama te sągą kidu isai tiwai ebaso da, tagalama, te duga bomo elama dolaluao. Dage Godigo po wali pobadi, te dolo wiegi yai kolesaga naga yao, te bilibo bidi agai te dwagi yai dolo tųdu naga pabo tiwai yao. Te dage tomode bidibo bidi me deli aga Godigo po wali pabode bomo meniama tama aga tulaluidali weyu, dagego aga tau somainogo eyu, te dolo wiegi yai kolesaga naga eyu bidao.

Hibru 12:12 Referans Kwoze

Aisaia 35:3

Dagego te bomo meni yai bidi dabe dąų waliyu, te haliga wi ebo bidi dabe, me didibili ebo bidi te dąų waliyu yao po wai dao.

Hibru 12:3

Dagego te bidi Jisasde bugagia kone palao. Te sęgę sai bidi dabego polobadu augwaligo dwai boi bidi mu aga dali eyu, tama aga dwai dene mawai. Tiali goli aga bomo elama dolaluai. Dagego te tiali koneba wida, te dage te Godide tią pabo kolesagade hagela me egio, tama dagego homu nagamea me pelamu dao.

1 Tesalonaika 5:14

Dago abagi dage tuni bidi dabebolo dago po bomo elama dage dali obao. Dagego te sę hagela ebo bidi dabe augwalibolo po bomo elama, augwali homu kolesaga dagego bugagia ma dodolao. Tama te wi ebo bidi dabe augwaligo homu kolesaga dąų walao. Tama te bomo meni yai bidi dabe augwali dali dagego dwagi yai kolesaga naga eyu bidao, sębę egimio.

Esekiel 21:7

Te augwaligo nage hanalu magi baso nago te tiwai hwąwa obawe po obaso da, teda nago augwaliba te tiwai po walao, ‘Genuai sęgę mu pedelainu ebaso, te ena hwąwa obao,’ po wao. ‘Te sogo dage wi dwai mu eyu, te dagego sągą didibili elama, te dage bomo mu meni yaibao. Te dwai sogo megi da pedelainu ebao. Te Genuai Bidi Godigo po dao.’ Nago augwalibolo te po wao,” wali.

Hibru 12:5

Te Godigo dagego homu bugagia dąų walomainogo bomo mayu wali po te dagego homugo gegeda pai dawe? Agai dage te aga wai da olama nogi ilama, tama agai te po wai, augwaligo te bukude asęani, “Te eno waio, te eno nage dodolobo kolesaga me deli nagebolo ebaso da, nago homugo te olo nai tiwai da me wagio. Nago geda muani kolesagade bugagia kone palao. Te eno sęgę nagebolo mayu te nage dodolobaso da, teda nago homu me dolamu dao.

Esekiel 7:17

Te augwaligo nogo bomo kimi meniama, te augwaligo sągą didibili dogia paibao.

Nahum 2:10

Te taun Ninive mu dolalio, te bidi dabego tagalama wi tedela pali. Tama taun te pobele bage yai olo tǫ mu elaluai. Te we bidi dabe wi dwai mu elama, te augwali nogo sągą didibili ebao. Augwa bomo kimi te isalio, tama augwa gedu te tedela dwai mu yai dao.

Daniel 5:6

King te wi mu yali, tama aga gesabidi te hasegelama, tedela yai pedelali, tama aga bomo me silali, tama aga tigi dili dabe te mumunu eyu, didibili yalio.

Godigo Nogi Ugwaba Sabo Tęąbi Po Wabo Buku Dabe 109:24

Ena te nai habu selama, tama eno kidu te bomo meni yai. Ena te nomona selama, tama eno dili tigidali te kimi mu isalio.

Sefanaia 3:16

Nosali bubuga me deli pedelaibao, tama te bubugade augwaligo Jerusalem dabe te tama po waibao, “Dage Jerusalem we bidi dabe, magi naide wi me elamo dao, tama dage olo dali noma sigio.