Hibru 12:11 - Godigo dwagi yai po buku

¹¹ Tama God Ayago sęgę dabolo mani te da dodoloyu ebaso da, tama te sogo dago wiegi yai homu pemene me ebeo. Menio. Dago homu te sęgę naga me elalubao. Tiali goli agai da dodolali tama te tiwai wiegi yai nai nosali pedalaibao wai: dago doloba pai kolesaga eyu, tama dago homu nagame elama bidaibao.

Hibru 12:11 Referans Kwoze

2 Korin 4:17

Te e tiwai: te da Godigo po pusubo bidi dabe, te dabolo pedalubo sęgę te dwasianu dao, tama te pęwadage sogo naga osogo elaluaibao. Tama da e tǫde bidibadi te sęgę tolobaso, nosali dagalude dago te sesemane sogo bugagia bidada peyu, bidada pabo wiegi yai nai mu saibao. Tama te dagalude bugagia bidabo te wiegi yai sęgo te dago megi elalubo dwasianu sęgę aiyaba mu elaluaibao, te wiegi yai mu naga yaibao.

1 Pita 1:6

Tama agai dage dali te sę ebode dage moni dwagi yai homu mu ebo dao. Godigo te dage usu sabo sę pedalama gogolama, tama dage homu osogo dene ebao. Tiali digi, dage moni dwagi yai homu mu ebo dao.

Hibru 12:10

Te da te ogwa wegide bidibadi, dago e tǫde aya augwaligo te dago kolesaga te dwasianu sogo naga dodoloyu, te augwaligo homu kolesaga usu nama tama tiali. Tiali goli God agai da dodolobogo te da mu tau selama, tama dago te aga digi ebo te wiegi yai magi dwai sę isąwai kolesaga saibao wai.

Godigo Nogi Ugwaba Sabo Tęąbi Po Wabo Buku Dabe 118:18

Eno dwai sę ebaso, Genuai Bidigo enaba te dene mabo sę mu yali, tiali goli, agai ena isimainu me ebeo.

Aisaia 32:17

Tama te doloba pai kolesagago te bidi hasi godolo ebo kolesaga ilaibao. Tama te we bidi wi me isąma elama, tama augwali tigidali sogo bugagia dili elama, dolaluaibao.

Bugagia Bidibo Kolesagade Po Asęai Buku 19:18

Te naga ogwago hagoma ebaso da, nago aga dodolao, tama agai wiegi yai kolesaga wali paibao. Tiali goli, te nago agai te dwai kolesaga wali pomainu sula tagalu gogolobaso da, te nago aga isimainu usu da wabo tiwai ebao.

Godigo Nogi Ugwaba Sabo Tęąbi Po Wabo Buku Dabe 119:165

Te we bidi augwaligo nago bomo yai po godolo mu eyu, tama augwali bugagia mu bidibao, te magi nai me deligo augwali tulaluabo sę me ilibeo.

Bugagia Bidibo Kolesagade Po Asęai Buku 15:10

Te doloba pai sunumi tagalobo bidi da, teda dwai dene mu saibao. Tama te gasa bidi dabego aga dodolomainu isiąbo bidi da, teda aga isaibao.

Hibru 5:14

Tiali goli te dili yai nai da te genuai bidi dabe augwaligo tubo dao. Te tobage bidi dabego te augwa digi augwa homude kolesaga hauwa sogo osola suyu, tama augwaligo te wiegi yai kolesaga ebo me te dwai kolesaga ebo me te augwaligo dagalabo usu dao.

Polgo Po Pas Rom Dabeba Asęani 14:17

Magi baso meni. Te Godigo da we bidi tonalubo sę page da, te nai me wę tubo kolesagade te page elalubeo. Menio. Te aga da tonalubo sę page e dao, te doloba pai kolesagade elaluyu, tama wiegi yai homu nagame eyu, tama wiegi yai homu pemene ebo kolesaga ebo. Te Godigo Tedali Mobo Bidigo te kolesaga da tomode nigilibo dao.

Godigo Nogi Ugwaba Sabo Tęąbi Po Wabo Buku Dabe 89:32

teda eno augwaligo dwai sęba homu kone paliyu, tama augwaliba te dene mawaibao. Tama eno te augwa yali dwai sęde homu kone palu, te augwali keloago elaiba wai.

2 Pita 2:14

Tama augwaligo gedugo te we dabe sibi sesemane sogo tonono eyu te penani yainogo, tama augwaligo te dwai kolesaga ebo tagalogobeo. Mu menio. Augwaligo te homu bomo meni yai bidi dabe augwali te sę emainogo homu begelama, tama augwaligo te dwai sęgę sabo kolesaga yai. Te augwaligo gasa bidigo nai sabo pesą ebo kolesaga konea sai dao. Tama Godigo te bidi dabe augwali mu dolaibao.

Aisaia 19:22

Te mu tama, Genuai Bidigo Isip dabe dene mawaibao. Tiali goli, agai te ebo kolesagago da, teda augwaligo dwai kolesaga ebo dodolaibao. Tama augwali homu begelama, tama augwali agaba ma paibao. Tama agai augwaligo gedu haluasa po wabo odama, tama augwali bugagia tau saibao.

Polgo Si Wali Pas Timotiba Asęani - 2TI 4:8

Megi da te udabo dąį ilaliba pedalali bidigo genuai nogi yai namba te sisi elama ena tonalubao. Te genuai nogi sabo namba te tiwai yaibao: te Genuai Bidigo ena te doloba pai bidi nogi poaibao. Genuai Bidi aga te doloba pai po tų ebo bidi jas, tama te genuai sogo pedalubode agai te doloba pai bidi nogi enabolo mawaibao. Tama agai enaduba delibolo naga te me magobeo. Menio. Te aga hania pedalubo suainu godolo homu ebo bidi dabe tigidalibolo te doloba pai bidi nogi mawaibao.

Tigidali Nai Gagalama Nigali Side 21:11

Ismael mu te Abrahamgo wai, tama tibaso te pogo Abraham homu sęgę mu ilali.