Hibru 11:9 - Godigo dwagi yai po buku

⁹ Tama aga Godide tią peyu, tama Godigo agabolo polobadu te mawaibao po wali te tǫde bidaluali. Tama aga te tǫde bidali te gasa bidi hanigo tǫde bidibo tiwai yai. Aga te ogwa Aisak de Jekop si dali te osogo bidabo ugwa bede bidaluali. Te agabolo te tǫ saibao wali po, te Godigo te tiwai po polobadu wai dao, tama Godigo te po te bidi sibolo me nosali ma dąų walali.

Hibru 11:9 Referans Kwoze

Tigidali Nai Gagalama Nigali Side 12:8

Nosali Abramgo te More bulu tagalama, ma pelama, tama dolo nogo pedai badu, te saut wabo, te badu peyu, tama te bulu du elalubo buluba sabolali. Te bulu du dabe elalubo badu te sia ge pedalubo pedai badu, te Betel hanu pąde elalubo madi, te badu bidigi pai. Tama agai te pesage me deli te Betel de Ai hanu si tomode aga ugwa be dabe dodolama, muani. Te hanu Ai te giliga dulubo badu elaluali, te Betel hanu te giliga pedalubo pedai badu elaluali. Tama Abramgo alta sai te bulude me nigilama, te Yawe nogi weyu, agabolo lotu po wai dao.

Tigidali Nai Gagalama Nigali Side 13:18

Tama tibaso, Abramgo aga ugwa be dabe gudulama, tama te bidali bulu tagalama, tama pidubadi geanima, tama aga pelama, te nosali te Hebron buluba bidigi pali, tama aga bidabo pesage te bidi Mamrego genuai ni dabe elalubo pąde te pesage nigali. Tama aga ugwa be dabe tede dodolama muyu, tama agai te Yawebolo lotu po wabo alta te bulude nigali.

Hibru 6:17

Tama te tiwai me, polobadu Godigo po weyu, te Godigo aga we bidi tau saibao po wai. Agai hania mu augwalibolo ola mawainogo yali, agai te tau sabo po me hasegelegobeo. Tama tibaso, te dąų wali poba genuai bomo me momainogo eyu God aga digi nogigo bomo teba manani.

Tigidali Nai Gagalama Nigali Side 18:9

Augwaligo nai tula silama, tialima augwaligo Abrahambolo hanalu wali, “Nago we Sara menade bidibowe?” Tama Abrahamgo tobo wali, “Aga te ugwa be tomode bidibao,” wali.

Tigidali Nai Gagalama Nigali Side 13:3

Tama Abramgo te Negeb tǫ nosali taga peyu, tama me pidubadi geanima, te aga te Betel hanu pedai badu sabaligi pai. Aga te aga polobadu ugwa be dabe elaluali madi, te Betel de Ai te hanu si tomoba bidigi pai.

Tigidali Nai Gagalama Nigali Side 35:27

Jekop te aga aya Aisak bidibo digi, te moni ni sili nogi Mamre, teba sabolali. Te bidi mebago te bulu nogi te Kiriat Arba nogiyu, tama nosali te gasa nogi me elaluali, te Hebron nogi yali. Te bulu te Abraham me Aisak te polobadu bidai bulu dao.

Tigidali Nai Gagalama Nigali Side 28:4

Tama eno homugo te Godigo nage dali dwagi yai sę eyu, te nago wąį te wai dabe me tiyu, te Abraham dali dwagi yai tau sabo sę yali tiwai gilama yaibao. Tama tiyu, tama nago megi naga te bidibo tǫ sobadi yaibao, magi basowe, Godigo e tǫ te naga wąį Abrahambolo maiabo po wai dao,” wali.

Tigidali Nai Gagalama Nigali Side 25:27

Te ogwa si genuai elama, tama Iso te bulu hasa gegebo koneai bidi mu bidali. Aga te bulu hasaba naga pabo sę ebo bidi bidai. Tiali goli, Jekop te subigila me bilisiąbo bidi dao. Aga te augwaligo ugwa be dabede naga bididuai.

Tigidali Nai Gagalama Nigali Side 23:4

“Ena te bulu wau bilibo bidi ede bidibaso, tama eno be tede me elalubeo. Eno te dage tomode te gų page nigabo tǫ pedai me badu mu abelama, tama eno we tede muainogo obao,” wali.

Tigidali Nai Gagalama Nigali Side 18:6

Tama Abraham te ugwa beba polo pelama, tama Sarabolo wagi pali, “Nago te wiegi yai plaua hauwa selama, tama taluama, polo begelama, tama bret ulao,” wali.

Tigidali Nai Gagalama Nigali Side 17:8

Te nage megi e bulu wau biliyu, te e bidibo tǫ da, te eno nagebolo, me te nago hani wai dabe nosali pedalabo bage augwalibolo maiabo tǫ dao. Tigidali te Kenan tǫ dabe da, te sesemane sogo dagego tǫ elaluaibao, tama ena da, ena te nago wai puluba hani dabego God bidaibao,” wali.

Tigidali Nai Gagalama Nigali Side 36:7

Te Jekop de Iso augwali si bidali tǫ te augwali sigo kibu dabe pągąna selama, tama augwali si talua bidabo te usu me ebeo. Tama tibaso, Isogo Jekop taga peyu,

Tigidali Nai Gagalama Nigali Side 47:9

Jekopgo te po wai, “Eno kibu be te 130 elalubadi, te ena tigidali tǫ pedaiba bilali. Tiali goli, te kibu be dabe te bobage sogo sesabi elama bidisiąbadi, tama ena sęgę hauwa gegali. Te eno kibu be yali, te eno aya dabego yali kibu be te augwali bilali kibu beba usu nubeo,” wali.

Godigo Nogi Ugwaba Sabo Tęąbi Po Wabo Buku Dabe 105:12

Godigo we bidi augwali dwasianu hani, tama augwali gasa bulu we bidi te tǫde bidibo tiwai.

Jeremaia 35:7

Tama me agai te po weyu, dago te be me sę igio olama, te gi dabe bulugio wali, te dago wain gi dabe me bulugobeo. Menio. Sesemane sogo da te ugwa bede naga bidalueibao. Dago te po wali pobaso da, teda da polo me isigobeo. Menio. Te da bobobage sogo sesabi elama, te tǫde bidaibao.

Tigidali Nai Gagalama Nigali Side 21:34

Tama Abraham te Filistia dabego tǫde sesabi gana elama bidalio.

Tigidali Nai Gagalama Nigali Side 31:25

Jekopgo te aga osogo bidabo pesage te dwasianu bulu dude nigai, tama Labango aga gegelama suali. Labango me aga bidabo pesage te Gileat bulu du elalubo madide nigai, te Jekop bidibo pesage pąde nigali.