Hibru 11:32 - Godigo dwagi yai po buku

³² Tiali goli dagego te Godide tiąlubo kolesaga page bugagia konemainogo eyu, megi eno mena po me wadolama tama ma wagowe? Menio. Te eno te bidi Gideonde po wabo sogo me, te Barak me, te Samson me, te Jepta me, te Devit de Samuel, me te Godigo po pusali profet bidi dabe augwalide po eno wabo sogo te usu menio.

Hibru 11:32 Referans Kwoze

1 Samuel 16:1

Nosali Genuai Bidigo Samuelbolo te tiwai po wali, “Nago sesemane sogo te Solde haliga sęgę elaluai. Nisu sogo nago te haliga sęgę elalubo silaibawe? Eno aga sela sąwanio, tama eno gedude aga te Israel king munu ma bidibeo. Tialima, eno homugo megi nago te sipsip gąų me deli selama, tama tede te king bidi sa muabo oliv wel tabilao, tama nage pelama, Jesi sugi pao, te Betlehem bidi me deli, magi baso meni, eno te agai ogwa dabede te ogwa me deli te king pedalumainu nigilai dao,” wali.

1 Samuel 1:20

Tama te Hana haliga elama, tama nosali agai te wai ogwa ame nani. Tama agai te po wai, “Eno Genuai Bidiba hanalu, te wai ena mao obaso, mawai. Tama teyu, eno aga nogi Samuel poali.”

1 Samuel 16:13

Tialima, Samuelgo agai te selasa pali oliv wel selama, tama agai te wel te Devit toboluba te aga ama dede gedude gelali. Tama te sogode te Genuai Bidigo Mobo Bidi te agaba bomo elama bidagaselama, tama te Mobo Bidi agade nosali sesemane sogo bidada pali. Samuelgo wel te Devit toboluba munama da, teda Samuel te Ramaba ma pai.

Dwagi Yai Gesi Po Jongo Asęani 21:25

Te Jisas agai sę hauwa mu yai. Meba naga eno e bukude asęai, meba po eno asębe. Tama e po asębo bidi eno te po tigidali deli deli asęyu da, tama te asębo buku hauwa mu yaibao, tama eno homugo tigidali bulu te buku dabe mubo usu egobeo.

2 Pita 1:21

Magi basowe? Polobadu bidi me deli aga homugo digi te Godigo po pusubo profet dabego wabo po munu me pedalobeo. Menio. Godigo Mobo Bidi aga digi te bidi dabe homu hodolobaso, tama augwaligo te Godigo augwalibolo mani po pusai dao.

Polgo Po Pas Rom Dabeba Asęani 7:7

Tama tibaso dago magi po waibawe? “Te bomai pogo digi dabolo te dwai sę ilibo page pedalai dao,” ma dago te tiwai po waiba agawe? Mu menio. Te bomai pogo te eno yali sęde te dwai sę ebo po me ola magi menigi sogo da, teda eno me konegi meni dao. E tiwai yali, bomai pogo te po wai, “Nago gasa bidigo nai sabo homu eyu pesa me elamuo.” Tama bomai pogo te tiwai po me wasiąwai tigi sogo da, teda eno te gasa bidigo nai pesa ebo kolesaga te dwai kolesaga dao me konegi menio.

Polgo Po Pas Rom Dabeba Asęani 4:1

Awe, te Abrahamde me te tiwai pedalali. Abraham aga te da tiwai bidi, tama aga da Juda dabego wąį mu dao. Tama dago agade homu kone paluyu, tama Godigo bidi doloba pai bidi ilibo kolesaga page dago bugagia koneagameo. Agade magi sę pedalaliwe?

Polgo Po Pas Rom Dabeba Asęani 3:5

Te bidi dabe mebago e tǫde bidigo homu kolesaga wali peyu augwaligo e po obao, “Magi yaliwe? Te dago dwai kolesaga ebogo te Godigo doloba pai kolesaga hanilibaso da, teda Godigo te dago yali dwai sęde dene wei ponobo, tama agai te tama tebo kolesaga te dolo ebo menio.”

Godigo Sęba Tagala Palai Bidigo Po 13:20

“Te augwali te tǫde bidama, te kibu be hauwa mu te 450 yia silali. Tama te silama, nosali Godigo te Israel hani dabe augwalibolo po tų dodolobo bidi dabe mawai. Tama me isibaso, hasegeleyu, hasegeleyu, tama ela pali. Tama bida bida pelama, te bidi Samuel dią holali sogo sabaligi pali, te Godigo po pusa mabo profet bidi.

Godigo Sęba Tagala Palai Bidigo Po 10:43

Polobadu Godigo po pusa mani bidi tigidali augwaligo agade po wai. Augwaligo te po wai, ‘Magwai we bidi deli deligo augwaligo agaba augwa homu tigidali mubaso da, agai nogigo bomogo augwaligo dwai sę ebo kolesaga God agai sela sąwaibao,’ te Godigo po pusa mabo profet bidi dabego te po wali,” Pitago te po wali.

Godigo Sęba Tagala Palai Bidigo Po 3:24

Pita agai po me wali, te po wai, “Te Godigo po pusa mabo bidi nogi Samuel dali, te nosali asai bidi dabe dali me, te Godigo po pusa mabo bidi dabe tigidali, augwaligo Jisasgo yabo sę po polobadu pusa mawai. Tama megi te sę dią holali.

1 Samuel 12:11

Tialima, Genuai Bidigo te augwaligo gedu haluasa po wabo odama, tama agai te Gideon, me Barak, me Jepta, me ena Samuel te augwali tau somainu tagala palali. Da tigidali deli deli dago te ma dobola selama, tama dage Israel dabe bugagia bidibao,” wali.

2 Pita 3:2

Tama eno homugo dagego te nosali pedalabo nai po ma konemainogo homu eyu, te wiegi yai tedali profet bidi dabego pusali po dao. Tama te Genuai Bidi te da ma sali bidi agai aga bomo yai po olama, tama te dugaba tagala palali sę bidi dabego pedauwalidu wali po odoyu, tama te po me dagego homude dąų olama ma koneiąo.

Jems 5:10

Ama dede, dagego te polobadu Genuai Bidigo nogide po pusali bidi profet bage augwali dali yali te sę homugo koneao. Te bage dali gasa bidi dabe augwaligo boi bidi homu eyu, augwali dali dwai sę yai. Tiali goli te profet bidi augwaligo homu kolesaga dąų olama, te sęgę bugagia tolai dao. Tama dagego augwaligo te yali kolesaga suyu, te kolesaga dagego usu ni tiwai dao. Tama dage te usu niba kadu wao.

Polgo Po Pas Rom Dabeba Asęani 6:1

Te dago te Godigo bomai po dabe bugagia wali pesiąbadi goli, agai da olo mu tau siyu, agai da ma dobola sali. Te agai da dali te wiegi yai sę ebaso, dago magi po waibawe? Bidi mego e tiwai po weyu, “Te Godigo olo tau mabo wiegi yai kolesaga dabolo me hauwa geninama idumainogo eyu, dago dwai sę hauwa idu geinao,” te po weyu da, te po usu dawe, ma meniwe?

Dwagi Yai Gesi Po Lukgo Asęani 16:31

Abrahamgo agabolo po wei ponoyu, e po wali, ‘Mosesgo asęani po me, te Godigo po ola mani profet bidi dabego polobadu asęani po me, te po si nago ama dedego odisąbaso da, teda bidi me gų pagedu hodaloyu, augwaliba pedaluyu, tama ebo si, te usu egobeo, homu begelegobeo,’ Abrahamgo te tama po wali,” Jisasgo wali.

Dwagi Yai Gesi Po Lukgo Asęani 13:28

Tama olama, dage tede bidiyu, te polobadu bidali bidi dabe te Abraham me, Aisak me, Jekop me, te Godigo po ola mabo profet bidi dabe me, augwali tigidali Godigo we bidi tonalubo madigi tomode bidibo dagego sueibao. Tiali goli, dage te bulu badu bidaibao. Dage bulu badu bidibaso, dage hwa waibao, duga kele gąųgo ma halua tueibao, te duga sębę ebaso tieibao.

Matyu 5:12

Tama dage homu bugagia wiegi yai elama, pemene mu eyu bidiąo. Te genuai wiegi yai nai mugo dage dagalude tonalubao. Te tiwai naga te bidi dabe augwaligo te Godigo po pusali profet bidi dabebolo hasia polobadu dene mawai tiwai dagebolo me tama tibao.”

Jeremaia 15:1

Tialima, Genuai Bidigo enabolo te tiwai po wali, “Jeremaia, odao. Te Moses de Samuel si te ena pąba asama, te enaba hanalu, te we bidi dabeba te olo mu tau sabo wiegi yai kolesaga yao wagi sogo da, te tagalao, eno usu menigi da. Te we bidi dabe sela sąyao! Eno augwali subo, te ena hagela homu mu ebo dao.

Godigo Nogi Ugwaba Sabo Tęąbi Po Wabo Buku Dabe 99:6

Moses dali Aron si te Genuai Bidigo pris bidali, tama Samuel me augwalide te Godiba lotu wali bidi me deli dao. Augwa te Genuai Bidiba gedu haluasa po obaso, tama agai augwaligo gedu haluasa po wabo odai dao.

1 Samuel 2:18

Augwali sigo te tobage dwai sę tama yali, tiali goli, te sogo me te gesi ogwa wai Samuelgo te Genuai Bidigo sę eyu, tama agai te prisgo sę ebo ugwa gudama, te sę yai.

1 Samuel 2:11

Hanago te tama gedu haluasa po olama, tama aga ma pali. Tiali goli, te gesi ogwa bidi Samuel te Silo bulude bidama, tama te Genuai Bidigo sę yali, tama te pris Eligo aga tonalubadi te sę yai.

Te Israel Tobolu Bidi Dabe 13:24

Tialima nosali te wego te ogwa ame nenama, tama augwaligo aga nogi Samson poali. Te wai bomapi pedalubaso, te Genuai Bidigo aga dali wiegi yai sę yali.

Te Israel Tobolu Bidi Dabe 6:11

Nosali Genuai Bidigo Mobo Bidi ensel asama, tama te moni ni te Ofra bulu pąde te ni dologode bidagasali, te Abiesergo hani bidi Joasgo bulude. Te aga ogwa Gideon, aga te Midian dabede wi ebaso, tama aga te wit agabo masigi me deli te tǫ dedage tiwai elalubo madi tede te geme duala sigi pelama bididuali. Tama agai te wit bo wali sela sąbo sę iduai.

Te Israel Tobolu Bidi Dabe 4:1

Ehut isai madi tama Israel dabego te Genuai Bidi Godigo gedude dwai sę ma ilali.

Te Israel Tobolu Bidi Dabe 6:1

Te Israel dabego Genuai Bidigo gedude dwai sę ma yai. Tama agai augwali te Midian dabego aiyaba elalumainu ilama, tama augwali te Midian dabego tonalubadi te kibu be nogo a naga olama, me badu nogo si kibu be bidai.

Te Israel Tobolu Bidi Dabe 6:14

Tama Genuai Bidigo agabolo te po wali, “Nago bomo tigidali dali te nage pelama, tama nago te Israel dabe te Midian dabego nogode ma dobola sao. Ena digi eno nage tagala palobao,” wali.

Te Israel Tobolu Bidi Dabe 15:20

Te Filistia dabego te tǫ tonaluali sogo, Samson te Israel dabego tobolu bidi bididubadi, te kibu be bidi sese deli, te 20 kibu be bidai dao.

1 Samuel 2:4

Godigo te bomai ami boi bidi dabego enesigi togolama, tama augwaligo wąbi hwįabo bomo munu me egobeo. Tiali goli, te bomo meni yai bidi dabe, agai te augwali bomo ilibo dao.

1 Samuel 17:45

Tama Devitgo po wei ponoyu, te po wai, “Nago te bainat me sesemone dabe tolasa asu, ena dali hwįagasainu ebao. Tiali goli, eno nageba hwįagasainu ebo te Tigidali Bomo Elalubo Genuai Bidi, te da Israel ami dabe tonalubo Godigo nogide, te eno nage dali hwįagasobao. Te God agaba nago hagoma elama, tama agabolo te dwai posobo po wali dao.