Hibru 11:29 - Godigo dwagi yai po buku

²⁹ Te Israel we bidi dabe augwaligo Godiba konealubo po dąų olama tama agade tią piduali baso, te Isip tǫ taga soali sogo augwali te tamu ąį nogainu, tama Godigo te ąį buga somainu ilama, tama augwali te wa pai tǫ tiwai elalubo tomo tųdu nogai. Te augwali pobeasa asobo Isip dabe augwali me te ąįdu usu selama nogali, tiali goli te ąįgo augwali elama, tama poma pobaso te wę tomode isila pai dao.

Hibru 11:29 Referans Kwoze

Ma Dobola Sali 14:13

Tama Mosesgo augwalibolo te po wei ponoyu, te po wai, “Wibo tagalao. Bomonama dolaluyu, tama megi Genuai Bidigo dage tau selama, tigidali sę ebo suaibao. Tama megi dagego te Isip dabe subo, tiali goli nosali dagego augwali munu ma sugobeo.

Godigo Nogi Ugwaba Sabo Tęąbi Po Wabo Buku Dabe 78:13

Godigo te tamu ąį togolama, tama tamu ąį te me badu buga siyu, me badu buga siyu elama, dolaluali, tama agai te Israel dabe tomodu odasa palio.

Josua 2:10

Magi baso meni, dagego te Isip tǫ taga soali sogo te Genuai Bidigo te Nosai Elaluali Tamu Ąį wai ilali po augwaligo dabolo te po pusai. Tama dago odali, dagego te Amor dabego gavman tuni bidi Sihon de Ok si me, te augwali sigo ami bidi dabe dali, te wę Jordan u badu ela silali po dago odai dao.

Godigo Nogi Ugwaba Sabo Tęąbi Po Wabo Buku Dabe 66:6

Agai te tamu ąįgo pesage te wa pai pedalumainu ilama, tama dago wąį nǫų dabe tedu pelayu, tama te wę nogegi pai. Tede te augwaligo Godiba wiegi yai homu pemene yai dao.

Nehemia 9:11

Nago po obaso, tama te tamu ąį si badu buga selama, tama tǫ wa pai nigilai, tama te we bidi dabe te tomodu peyu, te u badu pedaiba sabolali. Tama te Isip ami dabego nago we bidi pobeasa asali, tiali goli nago te tamu ąįgo te Isip dabe augwali mesega somainu elama, tama augwali te węba masigi tiwai dulama, te augwali ela silai dao.

Ma Dobola Sali 14:22

Tama tomode tǫ tigidali wa pai, tama Israel dabe augwali tedu uba pai. Tama te tamu ąį si dali si badu te be daga tiwai dolaluai.

Ma Dobola Sali 14:27

Tama Mosesgo nogo ugwaba selama, te tamu ąį usu sali, tama be posobode te ąį ma asiyu, tama te polobadu elaluali tiwai ma yai. Tama te Isip dabe augwali wi pabo usu sali, tiali goli augwali usu meni yai, magi basowe, Genuai Bidigo augwali tigidali te tamu wę tomoba popogolo pai.