Hibru 11:25 - Godigo dwagi yai po buku

²⁵ Magi baso meni, aga digi te aga Godigo hani te Israel we bidi dali dene sabo homu yai. Agai koneani, aga te tuni bidigo wegigo negali ogwa me bidiyu da, teda agai nosali dwai sę eyu bidagameo. Tiali goli te pęwadage sogo naga tede wiegi yai homu pemene yaibao. Tama hagela homu yai dao.

Hibru 11:25 Referans Kwoze

Godigo Nogi Ugwaba Sabo Tęąbi Po Wabo Buku Dabe 84:10

Te ena deli sogo naga te nago tempel bede bidibaso da, tego te 1,000 sogo te gasa bulude bidibo te aiyaba mu elaluai. Ena te ena Godigo be sunumide dolaluabo homu wei mu ebao. Tiali goli, ena te dwai bidi dabego bede bidabo hagela homu ebo dao.

2 Korin 5:17

Tama tibaso niwai bidi Kraisba wadolobo si da, teda Godigo aga gesi noma bidi mu ilama pedalaibao. Bugagia odao. Megi te bidigo ebo poloba kolesaga tigidali silalio, tama gesi kolesaga pedalai dao.

Jopgo Po Asęani Elalubo Buku 36:21

Nago megi nago tigide ebo sęgę godolo me ebe. Tiali goli, nago dwai kolesaga yabo naga godolo yali bogo,” wali.

Kraisgo Geme Dualali Sę Pedelabo Po Jonbolo Ola Mani 18:7

Te aga digi aga nogi ugwaba siyu, tama aga tigi naga tau sabo sę yai dao. Tama dagego agabolo dene dali sęgę dali si hauwa mayu, te yali dwai sę usu nama yao. Tama dagego aga gela hauwa omainogo yao. Magi baso meni. Agai aga homude e tama po wabo dao: ‘Ena te tuni we bidibao, tama ena te tuni bidi bidibo saide dulalubo dao. Ena te bidi isai we bidibo tiwai olo bidibeo. Tama tibaso, te sęgę enabolo pedaluyu, te ena gela me wagobeo. Mu menio,’ agai te homu ebo dao.

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

1 Pita 2:10

Polobadu dage we bidi hani meni yai goli, megi dage te Godigo we bidi hani dao. Polobadu dage agai homu dene eyu tau sisiąwai goli, megi dage agai homu dene eyu tau sai dao.

Jems 5:5

Tama tigidali sogo dage e tǫde bidibo sogo, dagego dwagi dwagi yai nai siyu, tama dage homu dwagi yai naga eyu bidai. Tama dage nai hauwa tuyu genuai bidi nisai, tama dage elabo bodolu te pąba pedalai dao, te nisai genuai kibu tamadi elabo bodolu pąba pedalobo tiwai dao.

Jems 1:20

Magi baso menio. Bidigo sębę ebogo te Godigo gedude wiegi yai doloba pai kolesaga egobeo.

Hibru 11:37

Tama augwali tigiba te boi bidi dabego masigi sąyu ela muyu yai. Tama augwaligo te ni togobo so selama, tama augwali tigi te sogo togolama pedai pedalai. Tama augwaligo te bobage hwą gego augwali ela muyu yai. Tama te konealubo po dąų wali we bidi meba augwali nai meni yai baso, augwaligo te kibu sipsip tigi waligo me te meme waligo te ugwa tiwai gudama, tama augwali bilalio. Augwali te tigi tau sabo doado bage tigidali menia sali, tama te bidi dabego sęgę augwalibolo mayu, tama dwai kolesaga mu augwalibolo yai dao.

Hibru 10:32

Tiali goli te dageba polobadu pedalali sę te dagego homugo ma kone palao, te sogo dagego Godigo po odama tama tede te ula sai. Te sogo gasa bidi dabe augwaligo genuai sę dene dagebolo mani, tama dagego dene hauwa tolai. Tiali goli dage bomonama bugagia dolaluai dao.

Hibru 4:9

Tiali goli dago koneani, te toma nabo sogo te me elalubao. Te Godigo tigidali nai nigila silama, tama aga toma nani sogo, te tiwai tama te toma nabo sogo asobo te Godigo we bidi augwali tonalubo dao.

Polgo Si Wali Pas Timotiba Asęani - 2TI 1:8

Tama tibaso, nago te dago Genuai Bidi Jisas da, te Godigo sa muani te we bidi tau somainogo tagala palali bidi Krais dao, te po te we bidibolo pusubo te hale me egio. Tama eno te po we bidi meba augwalibolo pusubaso, augwaligo ena kalabusiba muani. Tiali goli nago enade me hale me elamuo. Menio. Nago bomo te Godide selama, tama ena dali te Kraisde wiegi yai gesi po pusubo sęde sęgę tolao.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Polgo Po Pas Rom Dabeba Asęani 5:3

Tama dago tede naga wiegi yai homu pemene me egobeo. Menio. Te sęgę dali, dene dali daba pedalubode me te dago wiegi yai homu pemene ebo dao. Dago koneani, dago te sęgę toloyu tama tebogo da homu bomo ilibo dao, tama dago te sęgę bugagia tolaluyu bidibo dao.

Dwagi Yai Gesi Po Lukgo Asęani 16:25

“Tiali goli, Abrahamgo te po wei ponani, ‘Woo. Eno ogwa, polobadu bidali te kone palao. Nage tǫde bidali sogode naga te dwagi yai nai dabe tigidali siyu, e bidi Lasarus aga te dwai nai dabe naga sali. Tiali goli, megi aga ede bugagia bidibao. Nage tede dene mu siyu bidibao.

Matyu 13:21

Tiali goli aga da te sele meni yai nai tiwai dao. Tama tibaso, aga homu daide naga te odali po te dwasianu sogo naga elaluaibao. Tama nosali bidi mebago te Godigo po aiyaba elaluabo homu eyu da, teda te bidibolo augwaligo sęgę menama, tama dwai kolesaga agabolo eyu, tama agai konealubo po dąų wali te polo tagalama, tama tulalubo dao.

Aisaia 21:4

Eno tobolu gęǫ elama, tama wigo eno tigi didibili yali. Eno te pio giliga iba dega siyu, hulia sagasabode, eno godolo mu ebo dao. Tiali goli, te sogo hulide te naigo ena wi mu ilalio.

Godigo Nogi Ugwaba Sabo Tęąbi Po Wabo Buku Dabe 47:9

Te haniani we bidi hanigo te tobolu bidi dabe augwali te Abrahamgo God wali pabo we bidi dabe dali sisinama, bidibao. Godigo bomogo te tigidali ami dabego bomo aiyaba elalubo dao. Aga te polalubo king dao.

Daniel 3:18

“Tiali goli, agai da tau sisąbaso da, te tagalao, dago te nago god dabeba lotu po me wagobeo, tama me dago nago te dodolali gol piksaba me kidu sugunugobeo,” augwali selago te po wai dao.

Godigo Sęba Tagala Palai Bidigo Po 7:34

Eno we bidi dabego moni sęgę mu sabo te eno suali, te Isip bulude. Augwaligo gela wabo eno odalio, ę wabo me. Tama megi eno te sęgę sela sąwai hagede asali. Megi nage eno te Isip buluba tagala palobao,’ Godigo te po wai, Mosesbolo,” Stivengo te po wai.