Hibru 11:13 - Godigo dwagi yai po buku

¹³ Tama te Abraham dali Sara dali, te Aisak me Jekop, te we bidi augwaligo konealubo po dąų olama Godide tią peyu bidaluama tama augwali isalio. Tama augwali e tǫde bidali sogo, te Godigo polobadu augwalibolo te nai mawaibao po wali, te wiegi yai nai augwaligo me sabeo. Menio. Augwali digibulu dolaluyu, tama augwaligo augwa homugo naga te Godigo augwalibolo maiabo nai sulama, wiegi yai homu pemene yai. Tama augwaligo te gasa we bidibolo te po haninama hania wai, “Da e tǫde bidibao te gasa bulu bidi tiwai bidibao. Da e tǫde dwasianu sogo naga bidagasai dao.”

Hibru 11:13 Referans Kwoze

Hibru 11:27

Te bidi Mosesgo konealubo po Godiba dąų olama tama agade tią piduali baso, agai te tuni bidigo sębę homu ebode te aga wi me ebeo. Meni. Aga hogodolama tama Isip tǫ taga soali. Te e tǫde bidigo God gedugo me susiąbo digi, tiali goli Mosesgo te God subo tiwai yali, tama tiyu aga bomo elama geasa ma pabeo.

Godigo Nogi Ugwaba Sabo Tęąbi Po Wabo Buku Dabe 39:12

Genuai Bidi, nago eno gedu haluasa po odao. Nago te eno i waboba olo bugagia muao. Te eno nageba i wabo sogo, nago olo pania selamuo. Nago koneani, ena te dwasianu sogo nage dali te tǫde bidaibao. Ena te ena wąį nǫų dabe tobage tiwai dao, augwali me te pęwadage sogo naga te tǫde bidai dao.

Tigidali Nai Gagalama Nigali Side 23:4

“Ena te bulu wau bilibo bidi ede bidibaso, tama eno be tede me elalubeo. Eno te dage tomode te gų page nigabo tǫ pedai me badu mu abelama, tama eno we tede muainogo obao,” wali.

Dwagi Yai Gesi Po Jongo Asęani 8:56

“Duga wąį mu Abraham agai ena e tǫba nosali bidagasaiba, te agai polobadu koneyu tama agai dwagi yai homu yai. Tama agai ena bidagasobo sulama tama agai tede dwagi yai homu mu yai dao,” Jisasgo te po wai.

Hibru 11:39

Te tobage polobadu bidali Godiba konealubo po dąų wali tigidali we bidi, tama augwali te God gedude wiegi yai nogi mu sai, agai augwalide ‘Augwaligo kolesaga te wiegi yai yali,’ te homu yai dao. Tiali goli augwaligo te wiegi yai nai polobadu Godigo augwalibolo te mawaibao po wali nai te augwaligo te sogo me sabeo.

Efesus 2:19

Te Krais agai te tobage genuai sę tigidali ebaso, megi dage Juda hani isiąwai we bidi te dage gasa bulu we bidi menio, osogo bidagasai bage me menio. Woo, megi dage Godigo we bidi hani tomoba mu asai dao, te bidi hani dage mu wadolai dao, te augwali dali hodobo kaneme deli dao.

Polgo Po Pas Rom Dabeba Asęani 8:24

Magi baso meni, Godigo da ma selama, tama megi dago agade konealubo homu dąų olama tama agai da dali te wiegi yai sę mu nosali usu numainogo dago megi tonalubo dao. Tiali goli dago tonaluali nai te nosali dago subo si da, te dago aga ma tonalugobeo. Bidigo te nai me deli suali da, magi baso te agai ma tonalugowe? Te egobeo.

1 Pita 2:11

Eno abagi dede mu, eno dage tau somainogo bomo eyu e po dagebolo obao. Dage da e tǫba tamadi tama asai osogo bidibo we bidi dao. Tama tibaso, dago tigigo e tǫde ebo dwai dwai sę egimio. Te tobage dwai sę dabe augwaligo da aiyaba elaluai hagede da dali hwįbo dao.

1 Pita 1:17

Tama nogi yai bidi dali, nogi meni yai bidi dali God agai po tų ebo sogode dagalama egobeo. Te meni. God agai we bidi po tų eyu osola subo si, agai augwaligo yali sę naga osola subo dao. Tama tibaso, dagego agade dago Aya waligo da, teda dage e tǫde osogo bidibadi, agade wi eyu aga dologode bidao.

Polgo Po Pas Rom Dabeba Asęani 4:21

tama kuna koneanio, God agai te sę yabo usu yaibao, te agai polobadu wali po tiwai wali pelama te sę mu yaibao.

Jopgo Po Asęani Elalubo Buku 19:25

Tiali goli, eno koneani, bidi ena pagede bidiyu, te ena ma dobola sabo te bidi bidibo. Tama nosali aga aselama, e tǫde dodolagasaiba.

Tigidali Nai Gagalama Nigali Side 49:18

“Yawe, nago ena tau somainu eno nage tonalubo dao.”

Tigidali Nai Gagalama Nigali Side 47:9

Jekopgo te po wai, “Eno kibu be te 130 elalubadi, te ena tigidali tǫ pedaiba bilali. Tiali goli, te kibu be dabe te bobage sogo sesabi elama bidisiąbadi, tama ena sęgę hauwa gegali. Te eno kibu be yali, te eno aya dabego yali kibu be te augwali bilali kibu beba usu nubeo,” wali.

Tigidali Nai Gagalama Nigali Side 25:8

Aga te monu dabe mu elama isibaso, tama augwaligo aga pubulali. Tama aga te aga polobadu isali wąį dabe augwali dali ma sisinanio, tama wabo.

1 Jon 3:19

Te eno megi tama wali kolesagade, te dago te kolesaga ebaso da, teda dago koneagameo, da te mu po naga wabo Godigo we bidi dao. Dago te gasa we bidi dabe dali dwagi yai homu eyu godolo ebo kolesaga eyu da, teda da God pąba pabo sogo te da agade wi egobeo.

Matyu 13:17

Eno mu po dagebolo obao, polobadu te Godigo po pusali bidi hauwa dabego me, te doloba pai bidi hauwa augwaligo me te megi dagego te subo sę suainogo godolo yai, tiali goli augwaligo me subeo. Tama augwaligo me megi dagego te odobo po odainogo godolo yai, tiali goli augwaligo te po me odai menio,” Jisasgo te po wai.

Tigidali Nai Gagalama Nigali Side 49:33

Jekopgo aga ogomani dali po mia silama, te aga sągą te bet sai dologo tomoba bulama, tama aga isali. Aga te aga hani bage bidalubo madi, te isali bidi dabego buluba tama pai.

Godigo Nogi Ugwaba Sabo Tęąbi Po Wabo Buku Dabe 119:19

Ena hauwa sogo e tǫde bidigobeo. Tama nago te bomo yai po ena dali dualigio.

Israel Hanigo Namba 24:17

Eno te nosali yabo sę dabe naga suali, te sę megi pedalugobeo. Tama eno te Israel dabe bidibo suali. Te bidi me deli te bomo dali genuai nogi yai bidi te Israel hani dabego tuni bidi pedalaibao. Tama agai te Moap tobolu bidi dabe dali bomona mu hwįaibao, tama augwaligo tobolu dili aluaibao, tama agai te Setgo hani wąį dabego tobolu dili dolama tagalaibao.

Tigidali Nai Gagalama Nigali Side 49:10

Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

Dwagi Yai Gesi Po Jongo Asęani 12:41

Aisaiago Jisasgo nosali sabo moni bomo suyu, agai moni nogi po odoyu yai dao. Tama tibaso Aisaiago agade te po asęani.

Tigidali Nai Gagalama Nigali Side 50:24

Josepgo te tiwai po aga ama dedebolo wai, “Te sia sabode ena isaibao,” wai. “Tiali goli, te Godigo dage tonalueibao, tama agai dage e bulude bidali sela peyu, taga paibao. Tama agai dage odasa peyu, te Abrahambolo me, Aisak me Jekop, te augwalibolo mawaibao olama, te po dąų wali tǫba dage odasa tagaligi paibao,” wali.

Tigidali Nai Gagalama Nigali Side 49:28

Te e da, te Israel hani nogo si olama, sągągo si, tama te dwagi yai bidabo po dabe te aga ayago augwalibolo wali. Tama agai augwali tigidali deli delibolo usu nama, te po augwa ayago augwalibolo wali.

Tigidali Nai Gagalama Nigali Side 48:21

Nosali Jekopgo Josepbolo te po wali, “Odao! Te pąde ena isainu ebao. Tiali goli, God te nage dali bidama, tama agai nage te naga aya dedego tǫba ma odasa paibao.

Ma Dobola Sali 2:22

Tama nosali Sipora wai haliga elama, tama ogwa me deli ame nai. Tama Moses agade digi po weyu, te po wali, “Ena gasa bulu tǫ bidi e tǫde bidibao. Tama tibaso, eno te wai nogi Gersom dao obao,” te po wai.

Pris Sę Ebo Bomai Po 25:23

Genuai Bidigo te tiwai po ma wali, “Te gasa bidigo dagego tǫ abelai baso, agai sesemane sogo mu tonaludugio. Magi baso meni, te duga tǫ mu elalubeo. Te ena Genuai Bidigo tǫ elalubao, te eno dage Israel bidimainogo yali, te bidi dabego augwa tǫde te gasa tǫ kantri bidi dabe osogo bida wabo tiwai yai dao,” wali.

2 Korin 4:18

Magi baso meni. Dago te gedugo e tǫde subo nai dabeba dago tonǫlǫ me ebo meni. Te menio. Dago koneani, dago gedugo subo nai, te pęwadage sogo naga elaluaibao. Tama dago gedugo te susiąbo nai, te sesemane sogo bidada peyu, bidada paibao. Tama tibaso, te tobage naiba naga dago dena gedugo tonǫlǫ ebo dao.

2 Korin 5:6

Tama tego dago homu sesemane sogo dąų waliyu ebao. Dago tede bomo elalubao. Dago koneani, megi te dago tigi te dena bidibo be tiwai elalubao. Tama megi e sogo da ede me bididubadi, da Genuai Bidigo bulude aga dali me bidibeo.

Hibru 11:14

Te bidi dabe augwaligo te tiwai po obaso, te dago kuna koneai, te augwaligo te augwa mu bidigi pabo tǫ mu gegainogo homu eyu te po obao.

Hibru 11:17

Polobadu Godigo Abraham usu sai. Hasia bolo Godigo agabolo te po wai, “Te eno nagebolo te bulai wai dabe umabo mawaibao, te po wai dao. Tama megi eno e po obao, te nago ogwa Aisak, te agade te augwali nosali pedalaibao,” te po wai. Tama nosali Godigo Abrahamgo agade konealubo po dąų wabo kolesaga osola suainogo eyu, tama agabolo te po wai, “Nago naga ogwa Aisak digi selama, tama aga ela munama, enabolo te ofa tiwai mao,” te po wai. Abrahamgo koneani, te Aisak da, te aga nosali pedalabo hani we bidi page mu dao. Tiali goli agai te Godide konealubo po dąų weyu, tama agade mu tią pobaso, tama agai te ofa tiwai eyu tamadi tama aga Aisak elama Godibolo mawainogo yai.

1 Pita 1:1

Ena da Pita da, te Jisas Kraisgo tagala palai bidi me deli dao. Tama te dage haniani gasa tedali bulude bidibo we bidibolo eno e pas asęna tolobao. Dage meba te moni tǫ nogi Pontus tede bidibao, meba te moni tǫ Galesiade me, meba te moni tǫ Kapadosiade me bidibo, meba te moni tǫ Esiade me bidibao, meba te moni tǫ nogi Bitiniade me, dage te tǫde bidalubo, tede osogo bidibo we bidi tiwai bidibao.

Tigidali Nai Gagalama Nigali Side 21:34

Tama Abraham te Filistia dabego tǫde sesabi gana elama bidalio.

Israel Hanigo Namba 10:30

Tiali goli, Hobapgo te po wali, “Te usu dao, tiali goli, tagalao. Ena ena bulu muba ma paibao,” wali.